ആ പഴയ കള്ള ചിരിയും കുസൃതിയും! ഓണത്തിന് ലാലേട്ടൻ തകർക്കും; ഹൃദയം കീഴടക്കി ഹൃദയപൂർവ്വം

Authored by: ഋതു നായർ|Samayam Malayalam•20 Jul 2025, 11:03 am

പത്ത് വർഷത്തെ ഇടവേളയ്ക്ക് ശേഷം മോഹൻലാലും സത്യൻ അന്തിക്കാടും ഒന്നിക്കുന്ന ചിത്രമാണ് ഹൃദയപൂർവ്വം സത്യന്‍ അന്തിക്കാടും മോഹന്‍ലാലും ഒന്നിക്കുന്ന ഇരുപതാമത്തെ ചിത്രം കൂടിയാണ് ഹൃദയപൂര്‍വം. ആശിര്‍വാദ് സിനിമാസും സത്യന്‍ അന്തിക്കാടും ഒന്നിക്കുന്ന അഞ്ചാമത്തെ ചിത്രം കൂടിയാണിത്.

ഇപ്പോഴിതാ സിനിമയുടെ ടീസർ വന്ന സന്തോഷത്തിലാണ് മോഹൻലാൽ ഫാൻസ്‌. ആശിർവാദ് സിനിമാസിന്റെ ബാനറിൽ ആൻ്റണി പെരുമ്പാവൂരാണ് ചിത്രം നിർമ്മിക്കുന്നത്.

പൂനെ നഗരരത്തിൽ ജീവിക്കുന്ന സന്ദീപ് ബാലകൃഷ്ണൻ എന്ന വ്യക്തിയുടെ ജീവിതത്തിലൂടെയുള്ള ഒരു യാത്രയാണ് ഹൃദയപൂർവം.സത്യൻ അന്തിക്കാടും മോഹൻലാലും ഒത്തുേചരുന്ന ഇരുപതാമതു ചിത്രം കൂടിയാണ് ഹൃദയപൂർവ്വം’ സീനിയറായ അഭിനേതാക്കളോടൊപ്പം പുതിയ തലമുറക്കാരും കൂടിച്ചേര്ന്ന് എന്നതാണ് മറ്റൊരു പ്രത്യേകത. അത് ചിത്രത്തിന്റെ ടീസറിൽ നിന്നും വായിച്ചെടുക്കാം.

ഒരു മിനിറ്റും അഞ്ച് സെക്കൻഡും ദൈർഘ്യമുള്ളതാണ് ടീസർ ക്ലിപ്പ്, മലയാള സിനിമ ഫഎന്ന് കേൾക്കുമ്പോൾ ഫഹദ് ഫാസിലുമായി മാത്രം തിരിച്ചറിയുന്ന ഒരാളോട് മോഹൻലാൽ ദേഷ്യപ്പെടുന്ന സംഭാഷണങ്ങൾ ചേർത്തിണക്കിയാണ് ടീസർ വന്നിരിക്കുന്നത്. മലയാളത്തിൽ വേറെയും സീനിയർ നടൻമാരുണ്ടെന്നും മോഹൻലാൽ പറയുന്നുണ്ട്. അപ്പോൾ ഇല്ല ഒൺലി ഫാഫ എന്ന് ഹിന്ദിക്കാരൻ മറുപടി നൽകുകയായിരുന്നു. ബാക്കിയുള്ള ദൃശ്യങ്ങളും മോഹൻലാലിന്റെ അഭിനയമികവിലൂടെ പ്രേക്ഷകരെ ആവേശഭരിതരാക്കുന്നു, നിരവധി കോമിക് നിമിഷങ്ങൾ ചിത്രത്തിൽ കാണുമെന്നാണ് പ്രതീക്ഷ.

മോഹൻലാലിനെ കൂടാതെ മാളവിക മോഹനൻ, സംഗീത് പ്രതാപ്, സംഗീത മാധവൻ നായർ, സിദ്ദിഖ്, സബിത ആനന്ദ്, ബാബുരാജ് തുടങ്ങിയവരും ചിത്രത്തിൽ അഭിനയിക്കുന്നു.

ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ഈ ചിത്രത്തിന്റെ സംഗീതം ജസ്റ്റിൻ പ്രഭാകരനാണ്. 2025 ഓഗസ്റ്റ് 28 ന് ചിത്രം റിലീസ് ചെയ്യുമെന്നാണ് പ്രതീക്ഷ.