ആ മനുഷ്യന്‍ വരില്ല, ഒറ്റ സിനിമയും ഞാന്‍ സമാധാനത്തോടെ ചെയ്തതല്ല, ഒരുപാട് സ്ട്രസ്സ് അനുഭവിച്ചു; ഷീലു എബ്രഹാം

അഭിനേത്രിയും പ്രൊഡ്യൂസറും മാത്രമല്ല, ഒരു ഓണ്‍ട്രപ്രൊണര്‍ കൂടെയാണ്. യാദൃശ്ചികമായിട്ടാണ് താന്‍ അഭിനയ ലോകത്തേക്ക് എത്തിയത് എന്ന് ഷീലു എബ്രഹാം പറയുന്നു. ആനീസ് കിച്ചണില്‍ ആനിയോട് സംസാരിക്കുകയായിരുന്നു ഷീലു എബ്രഹാം

ചെരുപ്പത്തില്‍ ഒരു മാഗസിന്‍ കവറില്‍ യാദൃശ്ചികമായി ഒരു ഫോട്ടോ എടുക്കേണ്ടി വന്നിരുന്നു. ആ കവര്‍ ഫോട്ടോ കണ്ട് സിനിമയിലേക്ക് അവസരങ്ങളും വന്നു. പക്ഷേ അപ്പച്ചന് ഒട്ടും അതില്‍ താത്പര്യം ഉണ്ടായിരുന്നില്ല. അതുകൊണ്ട് അഭിനയിക്കാന്‍ പോയില്ല. നഴ്‌സിങ് പഠിച്ചു ജോലി ചെയ്തു. വിവാഹം കഴിഞ്ഞ് മക്കളൊക്കെ ആയതിന് ശേഷമാണ് അഭിനയത്തിലേക്ക് വന്നത്.

Also Read: ഇത്രയേ ഞങ്ങള്‍ പ്രതീക്ഷിച്ചുള്ളൂ, രണ്ടാം പകുതിയിലെ ആ രംഗം പൊളി!! കറുപ്പ് സിനിമയെ കുറിച്ചുള്ള പ്രേക്ഷക പ്രതികരണം

അതിനും കാരണമുണ്ട്, ഞങ്ങള്‍ക്കൊരു വില്ല പ്രൊജക്ട് ഉണ്ടായിരുന്നു. അതിന്റെ പരസ്യത്തിനായി ഒരു മോഡലിനെ നോക്കി, അവസാനം അത് കറങ്ങി തിരിഞ്ഞ് എങ്ങനെയോ എന്നിലേക്ക് തന്നെ എത്തി. അങ്ങനെ അതിന്റെ പരസ്യ ചിത്രത്തില്‍ അഭിനയിച്ചു. ആ പരസ്യ ചിത്രത്തിന്റെ പ്രൊഡ്യൂസറാണ്, താന്‍ അടുത്തതായി സംവിധാനം ചെയ്യുന്ന ശ്രീനിവാസന്‍ ചിത്രം പ്രൊഡ്യൂസ് ചെയ്യാമോ എന്ന് ഞങ്ങളോട് ചോദിക്കുന്നത്. വീപ്പിങ് ബോയ്‌സ് എന്നായിരുന്നു ആ സിനിമയുടെ പേര്.

വീപ്പിങ് ബോയ്‌സ് പ്രൊഡ്യൂസ് ചെയ്യുമ്പോള്‍, അതിലൊരു ചെറിയ വേഷം ഞാന്‍ ചെയ്തു, അതായിരുന്നു സിനിമയിലേക്കുള്ള തുടക്കം. ശ്രീനി ചേട്ടനൊപ്പമായിരുന്നു ആദ്യത്തെ സീന്‍. അതൊരു നല്ല അനുഭവമായിരുന്നു. അതിന് ശേഷം ഒരുപാട് സിനിമകള്‍ ചെയ്തു. ചെയ്തതില്‍ ഏറ്റവും ഇഷ്ടം പുതിയനിയമം എന്ന ചിത്രത്തിലെ പൊലീസ് വേഷമാണ്. അതിന് ശേഷം എനിക്കൊരുപാട് പൊലീസ് വേഷങ്ങള്‍ വന്നു.

ഞാന്‍ പ്രൊഡ്യൂസ് ചെയ്യുന്ന സിനിമകളില്‍, സംവിധായകന്‍ ഇഷ്ടപ്പെട്ട് ഒരു വേഷം തരുകയാണെങ്കില്‍ മാത്രമാണ് ഞാന്‍ സിനിമകള്‍ ചെയ്യുന്നത്. അത് എനിക്കും ഇഷ്ടപ്പെടണം. പക്ഷേ അത് വളരെ സ്ട്രസ്സുള്ള ഒരു കാര്യമാണ്. നമ്മള്‍ ആ സിനിമയുടെ പ്രൊഡ്യൂസര്‍ കൂടെയാണ്. ആ കാര്യങ്ങളും നോക്കേണ്ടി വരും. ആ മനുഷ്യന്‍ (ഭര്‍ത്താവ് എബ്രഹാം) സെറ്റിലേക്കൊന്നും വരികയേയില്ല. ഈ പ്രഷര്‍ കാരണം ഒരിക്കലും എനിക്ക് സമാധാനത്തോടെ അഭിനയിക്കാനേ കഴിഞ്ഞിട്ടില്ല- ഷീലു എബ്രഹാം പറഞ്ഞു.