ആ വേദന ഇനിയൊരിക്കൽ എനിക്ക് സഹിക്കാൻ കഴിയില്ല, ഇനിയെന്റെ ജീവിതത്തിൽ ഒരു പുരുഷൻ ഉണ്ടാവില്ല എന്നാണ് കരുതിയത്; പെറി എഡ്വേർഡ്സ് പറയുന്നു

Authored by: അശ്വിനി പി|Samayam Malayalam•20 Aug 2025, 4:40 pm

ഗായിക പെറി എഡ്വേർഡ്സും ഗായകൻ സെയിൻ മാലിക്കും തമ്മിലുള്ള പ്രണയ ബന്ധത്തെക്കാൾ വൈറലായിരുന്നു ഇരുവരുടെയും ബ്രേക്കപ് . വിവാഹ നിശ്ചയം കഴിഞ്ഞതിന് ശേഷമാണ് വേർപിരിയുകയാണ് എന്ന് സോഷ്യൽ മീഡിയയിലൂടെ അറിയിച്ചത്. അതിന്റെ കാരണം വെളിപ്പെടുത്തി എത്തിയിരിക്കുകയാണ് ഇപ്പോൾ പെറി എഡ്വേർഡ്സ് . വളരെ അധികം ടോക്സിക് ആയിരുന്നു ആ ബന്ധമെന്നാണ് ഗായിക പറയുന്നത്.

സെയിൻ മാലിക്കിന്റെ പേര് വെളിപ്പെടുത്താതെയാണ് പോട്കാസ്റ്റിൽ പെറി തന്റെ ബ്രേക്കപ്പിനെ കുറിച്ച് സംസാരിച്ചത്. 2012 ൽ പ്രണയത്തിലായതുമുൽ ഇരുവരും സോഷ്യൽ മീഡിയയിൽ വളരെ അധികം സജീവമായിരുന്നു. മൂന്ന് വർഷത്തെ പ്രണയം , വിവാഹ നിശ്ചയത്തിന് ശേഷം ബ്രേക്കപ് ആവുകയായിരുന്നു.

Also Read: ബിടിഎസ് അല്ല, സൗത്ത് കൊറിയയിൽ ഏറ്റവും പോപ്പുലറായ ഇൻഫ്ളുവൻസർ ആരാണ് എന്നറിയാവോ?

ആ സമയത്ത് ഞങ്ങളുടെ ബന്ധത്തിൽ സംഭവിച്ചതെല്ലാം സാധാരണമാണെന്നാണ് ഞാൻ കരുതിയിരുന്നത് എന്ന് പെറി പറയുന്നു. അതിന് മുൻപ് ഒരു റിലേഷൻഷിപ്പോ പ്രണയമോ എന്റെ ജീവിതത്തിൽ ഉണ്ടായിരുന്നില്ല. തിരിച്ചറിവിൽ എത്തി, ആ ബന്ധം ഇനിയില്ല എന്ന് തിരിച്ചറിയും വരെ ഞാനങ്ങനെ വിശ്വസിച്ചു. ഒരു ഘട്ടം എത്തിയപ്പോഴാണ് ടോക്സിക് ആണ് എന്നും മുന്നോട്ടു പോകില്ല എന്നും തിരിച്ചറിഞ്ഞത്.

Also Read: അമ്മയെ കൈ പിടിച്ചു മകൾ! കാത്തിരുന്ന വിവാഹം; മഞ്ഞച്ചരടിൽ താലികെട്ടി സിബിൻ; വിവാഹചിത്രങ്ങൾ കാണാം


പ്രണയത്തിൽ മനോഹരമായ ചില ഫീലിങ്സും ഉണ്ട് എന്ന് ഞാൻ തിരിച്ചറിഞ്ഞു. പക്ഷേ ആ ബ്രേക്കപ്പിനെ അതിജീവിക്കുക എന്നത് ചെറിയ കാര്യമായിരുന്നില്ല. അത്രയധികം ഹൃദയ വേദന ഞാൻ അനുഭവിച്ചു. ആരോടും സംസാരിക്കാനോ, ഇനിയൊരിക്കൽ ആ വേദനയിലൂടെ കടന്ന് പോകാനോ ഞാൻ ആഗ്രഹിച്ചില്ല. അതുകൊണ്ട് തന്നെ ഇനി എന്റെ ജീവിതത്തിൽ ഒരാൺ ഉണ്ടാവില്ല എന്ന് ഞാൻ ചിന്തിച്ചിരുന്നു. ബ്രേക്കപ് കഴിഞ്ഞ സമയത്ത് എല്ലാവരും അതേ കുറിച്ച് തന്നെ ചോദിക്കുന്നതിലും ഞാൻ ഫ്രസ്റ്റേറ്റഡ് ആയിരുന്നു - പെറി എഡ്വേർഡ്സ് പറഞ്ഞു.

അതിന് ശേഷം പെറി എഡ്വേർഡ്‌സും ഫുട്‌ബോൾ താരം അലക്സ് ഓക്‌സ്‌ലേഡ്-ചേംബർലെയ്‌നുമായി വിവാഹനിശ്ചയം നടന്നു.