ആ വേഷം ചെയ്തതിൽ നിരാശ തോന്നുന്നു; രജിനികാന്തിന്റെ കൂലിയിൽ അഭിനയിച്ചതിനെ കുറിച്ച് റീബ മോണിക്ക ജോൺ

Authored by: അശ്വിനി പി|Samayam Malayalam•27 Sept 2025, 8:47 pm

നിവിൻ പോളിയെ നായകനാക്കി വിനീത് ശ്രീനിവാസൻ സംവിധാനം ചെയ്ത ജേക്കബിന്റെ സ്വർഗരാജ്യം എന്ന ചിത്രത്തിലൂടെയാണ് റീബ മോണിക്ക ജോണിന്റെ സിനിമയിലേക്കുള്ള അരങ്ങേറ്റം. അതിന് ശേഷം തമിഴിലും മലയാളത്തിലും നിരവധി നല്ല അവസരങ്ങൾ റീബയെ തേടിയെത്തി. വിജയുടെ ബീസ്റ്റ് എന്ന ചിത്രത്തിലെ വേഷം ഏറെ പ്രശംസകൾ നേടിയിരുന്നു. അതിന് ശേഷം തമിഴകത്ത് സിങ്കപ്പെണ്ണ് എന്നും റീബയെ വിളിക്കപ്പെട്ടു.

പക്ഷേ ഏറ്റവും ഒടുവിൽ ചെയ്ത ചിത്രത്തിലെ വേഷം തന്നെ സംബന്ധിച്ച് വളരെ അധികം നിരാശയാണ് ഉണ്ടാക്കിയത് എന്ന് റീബ മോണിക്ക ജോൺ പറയന്നു. രജിനികാന്തിനെ നായകനാക്കി ലോകേഷ് കനകരാജ് സംവിധാനം ചെയ്ത ചിത്രമാണ് കൂലി . മാസ്റ്റർ, കൈതി, വിക്രം, ലിയോ പോലുള്ള സിനിമകൾ സംവിധാനം ചെയ്ത ലോകേഷ് കനകരാജിന്റെ ചിത്രത്തിൽ ഒരു വേഷം എന്നാൽ വലിയ പ്രതീക്ഷയായിരുന്നു. രജിനികാന്ത് നായകൻ എന്ന് കൂടി കേട്ടാൽ വേറെ എന്തു വേണം.

Also Read: ഇനി ഞാൻ എന്റെ പിള്ളാരോടൊന്ന് സംസാരിക്കട്ടെ എന്ന് ലാലേട്ടൻ, ഇതിൽപ്പരം എന്തു വേണം ഇവർക്ക്; ആ ചിരിയിൽ വീണു പോകുന്നു

പക്ഷേ പ്രതീക്ഷിച്ചതുപോലെയായില്ല ചിത്രത്തിലെ റോൾ എന്നാണ് റീബ പറയുന്നത്. ചിത്രത്തിൽ സത്യരാജിന്റെ മകളായി, ശ്രുതി ഹാസന്റെ സഹോദരിയായിട്ടാണ് റീബ അഭിനയിച്ചത്. വലിയ സ്ക്രീൻ സ്പേസോ ഡയലോഗോ ഒന്നും തന്നെ റീബയ്ക്ക് ഉണ്ടായിരുന്നില്ല. തന്നോട് പറഞ്ഞത് പോലെയായിരുന്നില്ല ഷൂട്ട് ചെയ്ത് വന്നപ്പോൾ എന്ന് നടി പറയുന്നു.

Also Read: നാണമുണ്ടോ ബിഗ് ബോസേ, ലേശം ഉളുപ്പ്! സ്ത്രീ മത്സരാർത്ഥികളുടെ സ്വകാര്യ ജീവിതം ടിആർപി ആക്കുന്നതിനെതിരെ സോഷ്യൽ മീഡിയ

എനിക്ക് വളരെ സങ്കടവും നിരാശയും തോന്നി. എനിക്കറിയാം, ഇതിലും അധികമാണ് എനിക്ക് ഓഫർ ചെയ്തിരുന്നത്. പക്ഷേ എപ്പോഴും കാര്യങ്ങൾ നമ്മൾ ആഗ്രഹിച്ചതുപോലെയായിരിക്കില്ല. പക്ഷേ കാര്യങ്ങൾ ഇങ്ങനെയൊക്കെയാണെങ്കിലും തലൈവർ രജിനികാന്ത് സാറിനൊപ്പം അഭിനയിക്കാൻ സാധിച്ചതിൽ അഭിമാനവും സന്തോഷവും ഉണ്ട് എന്ന് റീബ മോണിക്ക ജോൺ പറഞ്ഞു


വലിയ പ്രതീക്ഷയോടെ വന്ന ചിത്രമായിരുന്നു കൂലി. രജിനികാന്തിനൊപ്പം നാഗാർജുന അക്കിനേനി, ഉപേദ്ര റാവു, ശ്രുതി ഹാസൻ, സത്യൻ രാജ്, സൗബിൻ ഷഹീർ എന്നിവർക്കൊപ്പം ആമിർ ഖാന്റെ അതിഥി വേഷം പോലും ഉണ്ടായിട്ടും ചിത്രത്തിന് പ്രതീക്ഷിച്ച വിജയം നേടാൻ സാധിച്ചിരുന്നില്ല.