ആ‍‍‍‍ർതിയെ ഒഴിവാക്കി രവി മോഹൻ തന്റെ അടുത്ത് വരാനുണ്ടായ കാരണം വെളിപ്പെടുത്തി കെനീഷ ഫ്രാൻസിസ്; വിമർശനങ്ങൾക്കുള്ള മറുപടി

Authored byഅശ്വിനി പി | Samayam Malayalam | Updated: 13 May 2025, 12:33 pm

തമിഴ് സിനിമ ലോകത്ത് ഇപ്പോൾ ഏറ്റവും വലിയ ചർച്ചാ വിഷയമാണ് രവി മോഹന്റെയും ആർതി രവിയുടെയും വിവാഹ മോചനം. ആർതിയുമായുള്ള വിവാഹ മോചന നടപടികൾ കോടതിയിൽ നടന്നുകൊണ്ടിരിയ്ക്കെ രവി മോഹൻ കെനീഷ ഫ്രാൻസിസ് എന്ന ഗായികയുമായി പ്രണയത്തിലായി എന്നാണ് വാർത്തകൾ. സമീപകാലത്ത് നടന്ന ഒരു വിവാഹ ചടങ്ങിലും റിസപ്ഷനിലും കെനീഷയുടെ കൈ കോർത്ത് പിടിച്ച്, ഒരുപോലെയുള്ള ഡ്രസ്സൊക്കെ ധരിച്ച് രവി മോഹൻ എത്തിയതോടെയാണ് ഗോസിപ്പുകൾ ശക്തിപ്രാപിച്ചത്.

Also Read: അടിപൊളി, കിടിലം ലുക്കിൽ മീനാക്ഷി ദിലീപ്; മാതൃദിനത്തിൽ മീനാക്ഷി എന്ത് പോസ്റ്റ് ചെയ്യും എന്ന് ചോദിച്ചവർക്കുള്ള മറുപടിയോ?

എന്നാൽ ഞങ്ങളുടെ വിവാഹ മോചനം ഇനിയും കഴിഞ്ഞിട്ടില്ല എന്നും, ഇപ്പോഴും രവി തനിക്ക് ഭർത്താവും, തന്റെ കുട്ടികൾക്ക് അച്ഛനും ആണെന്ന് ആർതി രവി പറഞ്ഞതോടെയാണ് സോഷ്യൽ മീഡിയ ചർച്ചകൾ ശക്തമായത്. ആർതിയെ പിന്തുണച്ചും കെനീഷ ഫ്രാൻസിസിനെ വിമർശിച്ചുമാണ് സൈബർ അറ്റാക്കകുകൾ നടക്കുന്നത്. രവി മോഹനെക്കാൾ ആളുകൾ വിമർശിക്കുന്നതും കെനീഷയെയാണ്. പ്രണയ ജോഡികളായ ആർതിയെയും രവിയെയും വേർപെടുത്തിയത് കെനീഷയാണെന്ന് വരെ ആരോപിയ്ക്കുന്നുണ്ട്.

Also Read: നസ്റിയ നസീമിന് ഇപ്പോൾ എങ്ങനെയുണ്ട്, മാനസികാരോഗ്യം വീണ്ടെടുത്തോ? സമാധാനത്തിന്റെ ഇമോജിയുമായി നടി

എന്നാൽ ഇവരുടെ വിവാഹ മോചനത്തിന് താൻ അല്ല കാരണം എന്ന് കെനീഷ നേരത്തെ വ്യക്തമാക്കിയതാണ്. വിവാഹ മോചനത്തിന് പിന്നാലെ രവി മോഹനും കെനീഷ ഫ്രാൻസിസുമായുള്ള ഫോട്ടോകൾ പുറത്തുവരികയും, അന്നേ ആ ബന്ധം ചർച്ചയാവുകയും ചെയ്തിരുന്നു. അനാവശ്യമായി തന്റെ പേര് ഈ വേർപിരിയലിലേക്ക് വലിച്ചിഴച്ചപ്പോഴാണ് രവി മോഹൻ എന്തുകൊണ്ട് തന്നെ തേടി വന്നു എന്ന് കെനീഷ ഫ്രാൻസിസ് വെളിപ്പെടുത്തിയത്.


ഗായിക മാത്രമല്ല, ട്രെയിൻഡ് തെറാപ്പിസ്റ്റ് കൂടെയാണ് കെനീഷ ഫ്രാൻസിസ്. രവിയുടെ വിവാഹ മോചനത്തിന് ഞാൻ കാരണക്കാരിയല്ല. വിവാഹ മോചനത്തിന് കേസ് കൊടുത്തതിന് ശേഷം തെറാപ്പിയുടെ ഭാഗമായിട്ടാണ് രവി മോഹൻ തന്നെ വന്ന് കണ്ടത്. ഒരു സുഹൃത്ത് എന്ന നിലയിലും തെറാപ്പിസ്റ്റ് എന്ന നിലയിലും അദ്ദേഹത്തെ സഹായിച്ചു എന്നല്ലാതെ മറ്റ് ബന്ധങ്ങളൊന്നും ഇല്ല എന്നാണ് കെനീഷ ഫ്രാൻസിസ് പറഞ്ഞത്. കെനീഷ എന്റ ഹീലർ ആണ് എന്നും വിഷമഘട്ടത്തിൽ ഏറെ സഹായിച്ചതും കൂടെ നിന്നതും കെനീഷയാണെന്നും രവി മോഹൻ മാധ്യമങ്ങളോട് പ്രതികരിച്ചിരുന്നു.