ആകെ സങ്കടപ്പാടുകൾ തന്നെയാണല്ലോ, കൈലിയും തിമോത്തിയും വേർപിരിഞ്ഞു എന്നത് സത്യമോ?

Authored by: അശ്വിനി പി|Samayam Malayalam•9 Aug 2025, 8:36 pm

നടൻ തിമോത്തി ചാലമെറ്റും ടിവി ഷോ സെലിബ്രേറ്റിയും സോഷ്യൽ മീഡിയ ഇൻഫ്ളുവൻസറുമൊക്കെയായ കൈലി ജെന്നറും പ്രണയത്തിലായതുമുതൽ വാർത്തകളിൽ സജീവമാണ്. ഇരുവരും ഒരുമിച്ചുള്ള ഫോട്ടോകൾ എല്ലാം പങ്കുവച്ചുകൊണ്ട് ആ പ്രണയ ബന്ധത്തിന് കൂടുതൽ പ്രമോഷനും നൽകി. പ്രണയം രണ്ട് വർഷം പൂർത്തിയാവുമ്പോഴേക്കും ഇരുവരും വിവാഹിതരാകുന്നു എന്നൊക്കെയുള്ള വാർത്തകളും വന്നിരുന്നു.

എന്നാൽ വിവാഹത്തിലേക്ക് എത്തുന്നതിന് മുൻപേ കൈലിയും തിമോത്തിയും വേർപിരിഞ്ഞു എന്ന തരത്തിലുള്ള വാർത്തകളാണ് വരുന്നത്. കൈലി ജെന്നറിന്റെ സോഷ്യൽ മീഡിയ ആക്ടിവിറ്റികളാണ് ഗോസിപ്പുകൾക്ക് കാരണം.

Also Read: ഇവനൊക്കെ രാത്രി എങ്ങനെ കിടന്നുറങ്ങുന്നു എന്ന് ചിന്തിച്ചിട്ടുണ്ട്; കുറ്റബോധമില്ലാതെ ഉറങ്ങാൻ കഴിയുക എന്നത് വലിയ കാര്യമാണ്- ടൊവിനോ പറയുന്നു

കഴിഞ്ഞ കുറച്ചു കാലങ്ങളായി നിരന്തരം ബ്രേക്കപ്പുമായി ബന്ധപ്പെട്ട പാട്ടുകളും അതിന്റെ സ്ക്രീൻ പ്രിന്റുകളുമൊക്കെയാണ് കൈലി ജെന്നർ പങ്കുവച്ചുകൊണ്ടിരിയ്ക്കുന്നത്. ഒന്നോ, രണ്ടോ, അല്ല തുടർച്ചയായി ഇത്തരം പാട്ടുകൾ തന്നെ ഷെയർ ചെയ്യുന്നതാണ് വേർപിരിയൽ വാർത്തകൾ പ്രചരിയ്ക്കുന്നതിന് കാരണം.

അതിനോടൊപ്പം ഒന്നിച്ചുള്ള ഫോട്ടോകൾ പോസ്റ്റ് ചെയ്യാത്തതും ഗോസിപ്പുകൾക്ക് ശക്തിപകരുന്നു. മാസങ്ങൾക്ക് മുൻപ് പങ്കുവച്ച ഫ്രാൻസിൽ വെക്കേഷൻ ആഘോഷിച്ച ചിത്രമാണ് കൈലി ഏറ്റവുമൊടുവിൽ പങ്കുവച്ചത്. അതിന് ശേഷം യാതൊരു അപ്ഡേറ്റും ഫോട്ടോകളും പുറത്തുവന്നിട്ടില്ല. അതിന് കാരണം ഇരുവർക്കുമിടയിലെ പ്രശ്നമാണെന്ന് ഗോസിപ്പുകളിൽ പറയുന്നു.

Also Read: കേണൽ തമ്പുരാന്റെ ഭാര്യ നവാബിന്റെ ജീവിത സഖി! അമേരിക്കയിലെ ജീവിതവും തിരിച്ചുവരവും; പൂജ ബത്രയെ മറന്നോ

ബ്രേക്കപ് ഗോസിപ്പുകൾ ഇത്ര ശക്തമായി പ്രചരിക്കുമ്പോഴും ഇതുവരെ ഇരുവരും വാർത്തകളോട് പ്രതികരിക്കുകയോ നിഷേധിക്കുകയോ ചെയ്തിട്ടില്ല എന്നതും ശ്രദ്ധേയമാണ്. നാളെ, ആഗസ്റ്റ് 10 ന് 28 ആം ജന്മദിനം ആഘോഷിക്കാൻ പോകുന്ന കൈലി തന്റെ തന്നെ മനോഹരമായ ചിത്രങ്ങൾ സോഷ്യൽ മീഡിയയിൽ പങ്കുവച്ചിട്ടുണ്ട്. ബർത്ത് ഡേയ്ക്കും ഇരുവരും ഒന്നിച്ചുള്ള ഫോട്ടോകളോ പോസ്റ്റുകളോ വന്നില്ല എങ്കിൽ ബ്രേക്കപ് റൂമറുകൾ സത്യമാണെന്ന് വിശ്വസിക്കും എന്ന നിലയിലാണ് ആരാധകരുടെ കമന്റുകൾ
2023 ൽ ആണ് കൈലി ജന്നറും തിമോത്തി ചാലമെറ്റും ഡേറ്റിങ് ആരംഭിച്ചത്. അന്ന് മുതൽ ഒരുമിച്ചുള്ള ഫോട്ടോകളും വിശേഷങ്ങളുമായി സോഷ്യൽ മീഡിയയിൽ സജീവമായിരുന്നു ഇരുവരും.