ആത്മവിശ്വാസത്തിന്റെ ചിരിയാണ്! കാവ്യ മാധവന്‍ അത്രയേറെ ആഗ്രഹിച്ച് നടത്തിയ തിരിച്ചുവരവാണ്! പുത്തന്‍ ചിത്രങ്ങള്‍ വൈറല്‍

Edited byഅനുപമ നായർ | Samayam Malayalam | Updated: 30 Mar 2025, 9:29 am

Samayam Malayalamആത്മവിശ്വാസത്തിന്റെ ചിരിയാണ്!

ചന്ദ്രനുദിക്കുന്ന ദിക്കില്‍ എന്ന ചിത്രത്തിലൂടെയായിരുന്നു കാവ്യ മാധവന്‍ നായികയായി അരങ്ങേറിയത്. ആദ്യ സിനിമ ശ്രദ്ധിക്കപ്പെട്ടതോടെ നിരവധി മികച്ച അവസരങ്ങളായിരുന്നു തേടിയെത്തിയത്. ദിലീപിന്റെ ഭാഗ്യനായികയായി കാവ്യ മാറിയതോടെ ഇവരെ വെച്ച് സിനിമ ചെയ്യാനായി മത്സരിക്കുകയായിരുന്നു സംവിധായകര്‍. തനി നാട്ടിന്‍പുറത്തുകാരിയായിരുന്നു തുടക്കത്തില്‍ കാവ്യ. നീലേശ്വരം സ്ലാംഗിലെ സംസാരം കാരണം ചില്ലറ പണികളൊന്നുമല്ല തുടക്കത്തില്‍ കിട്ടിയത്. ദിലീപേട്ടനടക്കം എല്ലാവരും അന്ന് തന്നെ കളിയാക്കാനായി മുന്നിലുണ്ടാവുമായിരുന്നു. അവരുടെ വാക്കുകളൊക്കെ വിശ്വാസത്തിലെടുക്കുമായിരുന്നു തുടക്കത്തില്‍. പിന്നെയാണ് അവരുടെ തമാശയാണെന്ന് മനസിലാവുന്നത് എന്നും കാവ്യ പറഞ്ഞിരുന്നു.

സ്‌ക്രീനിലെ മികച്ച കെമിസ്ട്രി ജീവിതത്തിലും നിലനിര്‍ത്തി മുന്നേറുകയായിരുന്നു ഇവര്‍. രണ്ടാം വിവാഹത്തിലൂടെയായി ഒന്നിക്കുകയായിരുന്നു ഇരുവരും. സിനിമയെ വെല്ലുന്ന തരത്തിലുള്ള അനുഭവങ്ങളായിരുന്നു ഇവരെ കാത്തിരുന്നത്. പ്രതിസന്ധി ഘട്ടത്തിലെല്ലാം മീനാക്ഷി കാവ്യയ്‌ക്കൊപ്പമുണ്ടായിരുന്നു. ഈ സമയവും കടന്നുപോവുമെന്ന് പറഞ്ഞ് ദിലീപും ആശ്വസിപ്പിച്ചിരുന്നു. എല്ലാം തെളിയുന്നൊരു ദിവസം വരും, മനസാവാചാ ഒരു തെറ്റും ചെയ്തിട്ടില്ലെന്നും അദ്ദേഹം വ്യക്തമാക്കിയിരുന്നു.

Also Read: ലൂസിഫറില്‍ നിന്നും എമ്പുരാനിലേക്ക് എത്തിയപ്പോള്‍ പ്രിയദര്‍ശിനി രാംദാസിന് വന്ന മാറ്റം! പ്രതികരണങ്ങളില്‍ മനം നിറഞ്ഞ് മഞ്ജു വാര്യര്‍

വിവാഹത്തോടെയായി സിനിമയില്‍ നിന്നും മാറുകയായിരുന്നു കാവ്യ. അത് സ്വന്തമായി എടുത്ത തീരുമാനമാണ്, ഇനി അഭിനയിക്കരുതെന്ന് പറഞ്ഞിട്ടില്ലെന്ന് ദിലീപ് വ്യക്തമാക്കിയിരുന്നു. മകളായ മഹാലക്ഷ്മിയുടെ കാര്യങ്ങളൊക്കെയായി തിരക്കിലാണ് കാവ്യ. അതിനിടയിലാണ് തന്റെ ബിസിനസ് സംരംഭം വീണ്ടും തുടങ്ങിയത്. ഇടക്കാലത്ത് മുടങ്ങി വെച്ച കാര്യങ്ങളെല്ലാം പൂര്‍വ്വാധികം ശക്തിയോടെ വീണ്ടെടുക്കുകയായിരുന്നു കാവ്യ.


പുത്തന്‍ കലക്ഷന്‍ പരിചയപ്പെടുത്താനായി മോഡലായി ഇടയ്ക്ക് മീനാക്ഷിയും മഹാലക്ഷ്മിയും എത്താറുമുണ്ട്. സാരികളാണെങ്കില്‍ കാവ്യയും പരിചയപ്പെടുത്താറുണ്ട്. ഉണ്ണിയുടെ മേക്കപ്പും അനൂപിന്റെ ക്യാമറയുമുണ്ടെങ്കില്‍ എല്ലാം ഓക്കെയാണ് കാവ്യയ്ക്ക്. അങ്ങനെ പകര്‍ത്തിയ പുത്തന്‍ ചിത്രങ്ങള്‍ വൈറലായിക്കൊണ്ടിരിക്കുകയാണ്. സാരിയും ചേരുന്ന ആഭരണങ്ങളും മാത്രമല്ല ഇത്തവണ മുടിയിലും ചില പരീക്ഷണങ്ങള്‍ നടത്തിയിട്ടുണ്ട് കാവ്യ.

ഈ ലുക്ക് കൊള്ളാം, ആത്മവിശ്വാസത്തിന്റെ പുഞ്ചിരി, സൂപ്പറായിട്ടുണ്ട് തുടങ്ങി നിരവധി കമന്റുകളാണ് ചിത്രത്തിന് താഴെയുള്ളത്. ഡ്രസിന് അനുസരിച്ച് ലുക്കിലും താരം മാറ്റം വരുത്താറുണ്ട്. ഇത്തവണത്തെ മാറ്റം ഗംഭീരം എന്നായിരുന്നു ആരാധകര്‍ പറഞ്ഞത്. അത്രയേറെ ആഗ്രഹിച്ചാണ് ബിസിനസ് രംഗത്തേക്ക് എത്തിയത്. ഇടക്കാലത്ത് മാറി നിന്നുവെങ്കിലും എല്ലാം തിരികെ പിടിക്കുകയായിരുന്നു കാവ്യ. ഇന്‍സ്റ്റഗ്രാമിലും ഫേസ്ബുക്കിലൂടെയുമായും ഇപ്പോള്‍ വിശേഷങ്ങളെല്ലാം പങ്കുവെക്കാറുമുണ്ട്. വിശേഷങ്ങളെല്ലാം പെട്ടെന്ന് തന്നെ വൈറലാവാറുമുണ്ട്. എന്നാണ് സിനിമയിലേക്ക് എന്ന ചോദ്യം ഇത്തവണയുമുണ്ടായിരുന്നു.