ആദ്യമായുള്ള ഈ കൂടിക്കാഴ്ച! കണ്ണുനീർ അടക്കാനാകുന്നില്ല തലൈവാ! മണ്ണിലേക്ക് ദൈവം അയച്ച വെൺതാരകം; രജനിക്ക് ഒപ്പം വിക്കി

Authored by: ഋതു നായർ|Samayam Malayalam•14 Aug 2025, 8:43 am

രജനീകാന്ത് ഫാൻസ്‌ അല്ലാത്ത ആരുണ്ട് എന്ന് ചോദിച്ചാൽ അധികം ആരും ഉണ്ടാകില്ലെന്നാകും ഉത്തരം. തമിഴ് നാട്ടിൽ മാത്രമല്ല അന്യഭാഷക്കാരും രജനി ഫാൻസ്‌ ആണ്. രജനിയെ റോൾ മോഡൽ ആക്കി സിനിമ ഇൻഡസ്ട്രിയിൽ വർഷങ്ങൾ ആയി യാത്ര തുടരുന്ന നിരവധിപ്പേരുണ്ട് അത്തരത്തിൽ ഒരാൾ ആണ് സംവിധായകനും നടനും നയൻ താരയുടെ ഭർത്താവ് കൂടിയായ വിഘ്‌നേശ് എന്ന വിക്കി.

ആദ്യമായി തന്റെ റോൾ മോഡൽ തലൈവരെ കണ്ട നിർവൃതിയിലാണ് വിക്കിയുടെ പോസ്റ്റ്. എന്റെ കണ്ണുകൾ നിറഞ്ഞൊഴുകുന്നു, എന്റെ വാക്കുകൾ ഇടറുന്നു ഇത്രയും നല്ല മനസ്സിന്റെ ഉടമ, ഞാൻ കണ്ടതിൽ വച്ചേറ്റവും ഉത്തമനായ മനുഷ്യൻ എന്നിങ്ങനെ വിശേഷങ്ങളോടെയാണ് വിക്കി രജനിയെ കണ്ട നിമിഷത്തെ കുറിച്ച് വാചാലനാകുന്നത്.

ആദ്യമായി നിന്നെ കണ്ടപ്പോൾ കണ്ണുനീർ അടക്കാനായില്ല! തലൈവ...! ഈ ഇൻഡസ്ട്രിയിലെ എല്ലാവർക്കും അങ്ങയെ അറിയാം. അങ്ങയെ അറിയുന്ന എല്ലാവരും ജീവനോളം സ്നേഹിക്കുന്നു! കാരണം അത്രയും വിശാല ഹൃദയത്തോടെ അങ്ങയെ എല്ലാവരും സ്നേഹിക്കണം എങ്കിൽ അങ്ങ് അത്രയും നല്ല ഒരു നല്ല മനുഷ്യനായതുകൊണ്ട് മാത്രം ആണ്! നല്ലൊരു മനുഷ്യൻ ദൈവം ഭൂമിയിലേക്ക് അയച്ച വെൺതാരകം! 50 വർഷത്തെ എന്റർടെയ്ൻമെന്റ്, 50 വർഷത്തെ സ്റ്റൈൽ, 50 വർഷത്തെ സ്നേഹം അങ്ങയോടുള്ള ആരാധകരുടെ സ്നേഹം എന്നെന്നും തുടരും- വിക്കി വികാരാധീനനായി കുറിച്ചു.

ALSO READ:ഒലിവിയ റോഡ്രിഗോയും ലൂയിസ് പാർട്രിഡ്ജുമായുള്ള വിവാഹ നിശ്ചയം കഴിഞ്ഞോ? രണ്ട് വർഷത്തെ പ്രണയം, ഇത് സർപ്രൈസ് ആണല്ലോ?

കൂലി FDFS ! ഞാനും വളരെ ആവേശത്തിലാണ്. ഈ സിനിമയിൽ പ്രവർത്തിച്ച എല്ലാവർക്കും നന്ദി എന്ന് പറഞ്ഞുകൊണ്ടാണ് വിക്കി പോസ്റ്റ് ചുരുക്കുന്നത്. രജനികാന്തിനെ കാണാൻ ഉയിരിനെയും ഉലകത്തെയും വിട്ടുവന്ന വിഘ്‌നേശ് എന്നാണ് മിക്ക കമന്റുകളിലും ആരാധകർ കുറിക്കുന്നത്.

ലോകേഷ് കനകരാജ് സംവിധാനം ചെയ്ത് സൺ പിക്‌ചേഴ്‌സിന് കീഴിൽ കലാനിധി മാരൻ നിർമ്മിച്ച ആക്ഷൻ ത്രില്ലർ ചിത്രമാണ് കൂലി. രജനികാന്ത്, നാഗാർജുന, സൗബിൻ ഷാഹിർ, ഉപേന്ദ്ര, ശ്രുതി ഹാസൻ, സത്യരാജ്, ആമിർ ഖാൻ എന്നിവരാണ് ചിത്രത്തിലെ പ്രധാന താരങ്ങൾ.

ALSO READ: രാം ചരൺ 200! ഭർത്താവിന്റെ കോൺടാക്റ്റ് തന്റെ ഫോണിൽ സേവ് ചെയ്തിരിക്കുന്നത്തിനു പിന്നിലെ സത്യം; ഉപാസന പറയുന്നു

ചിത്രത്തിന്റെ പ്രഖ്യാപനത്തിന്റെ അന്നുമുതൽ ഇന്ത്യൻ സിനിമയിലെ ഏറ്റവും കൂടുതൽ ചർച്ച ചെയ്യപ്പെടുന്ന പ്രോജക്റ്റുകളിൽ ഒന്നായി കൂലി മാറിയിരുന്നു. ഓരോ ടീസറിലും, പോസ്റ്ററിലും, സോഷ്യൽ മീഡിയയിലുടനീളം അനന്തമായ ചർച്ചകൾക്ക് തുടക്കമിട്ടുകൊണ്ട് ആരാധകരുടെ പ്രതീക്ഷകൾ വാനോളം ഉയർന്ന ചിത്രമാണ് കൂലി.

അനിരുദ്ധ് രവിചന്ദറിന്റെ സംഗീതം ചിത്രത്തിന്റെ ആവേശത്തിന്റെ മറ്റൊരു തലത്തിലേക്ക് കൂടി എത്തിക്കും എന്ന കാര്യത്തിൽ സംശയം വേണ്ട.