ആരാധകരിൽ നിന്ന് ഞാൻ പ്രതീക്ഷിക്കുന്നത്, അങ്ങനെ ചെയ്താൽ അങ്ങോട്ട് പോയി സംസാരിക്കും എന്ന് ഫഹദ് ഫാസിൽ

Authored by: അശ്വിനി പി|Samayam Malayalam•16 Aug 2025, 4:10 pm

ഫഹദ് ഫാസിലിനെ ഇഷ്ടപ്പെടാത്തവരുണ്ടോ. താരാരാധന എന്നാൽ ചിലർക്ക് വല്ലാത്ത ഒരു ആവേശമാണ്. ഇഷ്ടപ്പെട്ട താരങ്ങളെ മുന്നിൽ കണ്ടാൽ എന്ത് ചെയ്യണം എന്ന് പോലും അറിയില്ല. ചിലർ മരണ വീടാണ് എന്നാലോചിക്കാതെ പോലും താരങ്ങളെ കാണുമ്പോൾ മറക്കാറുണ്ട്, ഓടിപ്പോയി സെൽഫി എടുക്കുന്നത് എല്ലാം സോഷ്യൽ മീഡിയയിൽ വൈറലാവാറുണ്ട്. മനുഷ്യത്വമില്ലാത്ത അത്തരം പ്രവൃത്തികൾ വിമർശിക്കപ്പെടാറുണ്ട് എങ്കിലും, ചിലർക്ക് താരങ്ങളെ കണ്ടാൽ ഫോട്ടോ എടുക്കാതെ പറ്റില്ല

ചിലർ തങ്ങളുടെ ആരാധകർക്ക് രക്തം കൊണ്ട് കത്ത് എഴുതി കൊടുക്കാറുണ്ട്, ചിലർ ആരാധകരെ ഇംപ്രസ് ചെയ്യിപ്പിക്കാനായി അവരുടെ പടങ്ങൾ വ്യത്യസ്തമായ ആർട് ഫോമിലൂടെ വരച്ചും, ഉണ്ടാക്കിയും സമ്മാനമായി നൽകാറുണ്ട്. ഇതൊക്കെ സാധാരണയാണ്. കണ്ട് മറക്കുന്ന ആരാധകരായി അവരെല്ലാം താരങ്ങളോട് തന്നെ മറന്ന് പോകും.

Also Read: വീട്ടു ജോലികൾ ചെയ്യില്ല, അമ്മയെ പോലെയല്ല! ട്രഡീഷണൽ ഭാര്യയെയാണ് ആഗ്രഹിച്ചത് എന്ന പറഞ്ഞ മുൻ ഭർത്താവിന് മറുപടി നൽകി ഹാലി ബെറി

ആരാധകരിൽ നിന്ന് വളരെ വ്യത്യസ്തവും വിചിത്രവുമായ അനുഭവങ്ങൾ ഉണ്ടായതായി പലരും പറഞ്ഞിട്ടുണ്ട്. എന്നാൽ താരങ്ങൾ ആരാധകരിൽ നിന്ന് എന്താണ് പ്രതീക്ഷിക്കുന്നത്, അവരിൽ നിന്ന് എന്ത് പ്രവൃത്തി ഉണ്ടായാലാണ് താൻ ഇംപ്രസീവ് ആവുന്നത് എന്ന് ഫഹദ് ഫാസിൽ തുറന്ന് സംസാരിയ്ക്കുന്നു. ഓടും കുതിര ചാടും കുതിര എന്ന പുതിയ ചിത്രത്തിന്റെ പ്രമോഷനുമായി ബന്ധപ്പെട്ട് പേളി മാണി ഷോയിൽ എത്തി സംസാരിക്കുകയായിരുന്നു ഫഫ

സെൽഫി ചോദിക്കാതിരുന്നാൽ സന്തോഷം എന്നാണ് ഫഹദ് ഫാസിൽ പറഞ്ഞത്. നമ്മളെ ഇഷ്ടപ്പെടുന്ന ആളുകൾ നമ്മുടെ അടുത്ത് വന്ന് സന്തോഷത്തോടെ സംസാരിച്ച്, സെൽഫി ചോദിക്കാതെ പോകുന്നത് കണ്ടാൽ സന്തോഷം തോന്നു. അങ്ങനെ സെൽഫി ചോദിക്കാത്തവരോട് ഞാൻ അങ്ങോട്ട് സംസാരിക്കും എന്നാണ് ഫഹദ് ഫാസിൽ പറഞ്ഞത്.

സ്മാർട്ട് ഫോൺ, വാട്സ് ആപ്, ഇൻസ്റ്റഗ്രാം, ഫേസ്ബുക്ക് തുടങ്ങി യാതൊരു തര സോഷ്യൽ മീഡിയ ബന്ധവുമില്ലാതെ ജീവിക്കുന്ന ആളാണ് ഫഹദ് ഫാസിൽ. സംസാരിക്കാനും, തന്നെ ബന്ധപ്പെടാനും മാത്രമാണ് ഫോൺ ഉപയോഗിക്കുന്നത്. അതും കട്ട് ചെയ്ത്, മെയിലൂടെ മാത്രം തന്നെ കോണ്ടാക്ട് ചെയ്യാൻ കഴിയുന്ന രീതിയിലേക്ക് മാറാനാണ് ആഗ്രഹം എന്ന് പോലും ഫപദ് പറഞ്ഞിട്ടുണ്ട്. അങ്ങനെയുള്ള ഫഹദ് തനിക്കേറ്റവും ഇഷ്ടമില്ലാത്തത് സെൽഫി ചോദിക്കുന്നതാണ് എന്ന് പറഞ്ഞതിൽ യാതൊരു അതിശയോക്തിയും ഇല്ല എന്നാണ് ആരാധകരുടെ പക്ഷം