ആരാധിക വേദിയിൽ കുഴഞ്ഞുവീണു, ഈ അവസ്ഥ മനസ്സിലാക്കാൻ സാധിക്കും എന്ന് കേറ്റി പെറി

Authored by: അശ്വിനി പി|Samayam Malayalam•6 Aug 2025, 4:05 pm

സമീപകാലത്തായി തന്റെ വ്യക്തി ജീവിതത്തിന്റെ പേരിൽ വാർത്തകളിൽ നിറയുന്ന താരമാണ് കേറ്റി പെറി . ഒർലാന്റോ ബ്ലൂമുമായുള്ള ബ്രേക്കപ്പും, കാനഡ മുൻ പ്രധാനമന്ത്രിയുമായുള്ള ഡേറ്റിങും എല്ലാം വാർത്തകളിൽ ഇടം നേടി. എന്നാൽ വ്യക്തി ജീവിതവും അലിടെ സംഭവിക്കുന്ന ഗോസിപ്പുകളും ഒരു ഭാഗത്ത് നടക്കവെ, തന്റെ കരിയറിൽ ഒരു വിട്ടുവീഴ്ചയും ഇല്ലാതെ മുന്നോട്ടു പോകുകയാണ് കേറ്റി പെറി.

തന്റെ ലൈഫ് ടൈം ടൂറിന്റെ പ്രോഗ്രാമുകൾ ഓരോന്നും ഗായിക പൂർത്തിയാക്കി വരുന്നു. നോർത്ത് അമേരിക്കയിലായിരുന്നു കഴി‍ഞ്ഞ ദിവസം കൺസേർട്ട്. എന്നാൽ വേദിയിൽ വച്ചുനടന്ന സംഭവം ശരിക്കും കേറ്റിയെ ‍ഞെട്ടിച്ചു.

Also Read: എങ്ങനെ കണ്ടുമുട്ടി, എപ്പോൾ പ്രണയത്തിലായി? ധനുഷ് - മൃണാൾ താക്കൂർ ബന്ധത്തെ കുറിച്ചുള്ള കൂടുതൽ വിവരങ്ങൾ

തന്നോടൊപ്പം പാട്ടിന് കൂടെ കൂടാൻ കേറ്റി പെറി ആരാധകരെ വേദിയിലേക്ക് ക്ഷണിക്കുകയുണ്ടായി. ക്ഷണം സ്വീകരിച്ചെത്തിയ ആരാധകരിൽ ഒരാൾ വേദിയിൽ കുഴഞ്ഞു വീണതും കേറ്റി പെറി ഞെട്ടി. ഉടനെ തന്നെ അവർക്ക് വൈദ്യ സഹായം എത്തിക്കുകയും, ആരോഗ്യ നില വീണ്ടെടുക്കാനും കേറ്റി പെറി തന്നെ വിളിച്ചു പറയുകയും മുൻകൈ എടുക്കുകയും ചെയ്യുകയായിരുന്നു. ആ വീഡിയോ ഇപ്പോൾ സോഷ്യൽ മീഡിയയിൽ വൈറലാണ്.

Also Read: ജെന്നിഫറിന്റെയും കാർട്ടിസിന്റെയും പ്രായ വ്യത്യാസമാണോ വിഷയം? വീണ്ടും ചിത്രങ്ങൾ വൈറലാവുന്നു

മെക്ക്-കെന്ന എന്ന ചെറുപ്പക്കാരിയാണ് കുഴഞ്ഞു വീണത്. കെന്ന ആരോഗ്യം വീണ്ടെടുത്ത ശേഷം അക്കാര്യം കേറ്റി പെറി മൈക്കിലൂടെ അനൗൺസ് ചെയ്തു. കെന്ന ഇപ്പോൾ ഓകെയാണ് എന്ന് പറഞ്ഞതിന് ശേഷം ആ അവസ്ഥ തനിക്ക് മനസ്സിലാക്കാൻ കഴിയുന്നതാണെന്നും കേറ്റി പെറി പറഞ്ഞു. ചിലപ്പോൾ നമുക്കൊരു വേദിയിൽ അവസരം കിട്ടിയാൽ ധൈര്യത്തോടെ കയറാൻ സാധിയ്ക്കും. പക്ഷേ ചിലപ്പോൾ നമ്മൾ ഓവർവെൽമിങ് ആയി തോന്നു. ഈ ഫീൽ എനിക്ക് മനസ്സിലാക്കാൻ സാധിക്കും- എന്നാണ് കേറ്റി പറഞ്ഞത്.


തന്റെ ആരാധിക വേദിയിൽ അവശയായപ്പോൾ അത് കണ്ടില്ലെന്ന് നടിച്ച് മാറി നിൽക്കാതിരിക്കുകയും, ആദ്യാവസാനം വരെ കൂടെ നിൽക്കുകയും ചെയ്ത കേറ്റി പെറിയുടെ പ്രവൃത്തിയെ പ്രശംസിച്ചുകൊണ്ടാണ് ആ വീഡിയോ ക്ലിപ് വൈറലാവുന്നത്. ഗായികയിലെ മനുഷ്യത്വമാണ് ഇവിടെ കാണുന്നത് എന്ന് ആരാധകർ പറഞ്ഞു.