ഇങ്ങനെ ഒരു നാത്തൂൻ ഈ ലോകത്ത് മറ്റാർക്കും കാണില്ല! അത്രയും സ്നേഹനിധി; നാത്തൂനെ പുകഴ്ത്തി സംയുക്തയുടെ അനുജത്തി

Authored byഋതു നായർ | Samayam Malayalam | Updated: 25 Mar 2025, 11:22 am

Samayam Malayalamസംയുക്ത രാജശ്രീ സംഘമിത്ര

സിനിമ സീരിയൽ രംഗത്ത് പ്രവർത്തിക്കുന്നവർ തമ്മിൽ ജീവിതത്തിൽ ബന്ധം ഉണ്ടാകുന്നത് അത്ര പുതുമ ഉള്ള കാര്യമല്ല. എന്നാൽ അധികം ആർക്കും അറിയാത്ത ഒരു ബന്ധം ആയിരിക്കും നടി രാജശ്രീ നായരും സംയുക്തയുടെ അനുജത്തി സംഘമിത്രയുമായി. ഇക്കഴിഞ്ഞ ദിവസം സംഘമിത്രയുടെ ഒരു പോസ്റ്റിലൂടെയാണ് ഇവർക്ക് ഇടയിൽ ഇങ്ങനെ ഒരു ബന്ധം ഉണ്ടായിരുന്നോ എന്ന ചോദ്യങ്ങൾ തന്നെ ഉയർന്നത്. ലോകത്തിൽ ഇങ്ങനെ ഒരു നാത്തൂൻ ഉണ്ടാകില്ല , ലോകത്തിലെ ഏറ്റവും മികച്ച നാത്തൂൻ എന്നാണ്സംഘമിത്ര കുറിച്ചത്. അതേസമയം സംയുക്തക്ക് ഒപ്പം സിനിമകളിൽ രാജശ്രീ പ്രത്യക്ഷപ്പെട്ടിരുന്നു.

അടുത്തുവരെയും സംഘമിത്ര വിവാഹിത ആണെന്ന് പോലും അധികരിക്കും അറിയുമായിരുന്നില്ല. ചേച്ചിക്ക് ഒപ്പമുള്ള ചിത്രങ്ങൾ മിക്കപ്പോഴും സംഘമിത്ര പങ്കുവച്ചിട്ടുണ്ട്. എന്നാൽ എവിടെയും രാജശ്രീയും ആയുള്ള ചിത്രങ്ങൾ ഒന്നും തന്നെ അവർ പങ്കുവച്ചിരുന്നില്ല. ആദ്യം ആയിട്ടാണ് രാജശ്രീയുടെ പിറന്നാൾ ദിനം ഇവർ പങ്കിട്ട ചിത്രം ഇത്രയും ശ്രദ്ധ ആകർഷിച്ചത്.

സോഷ്യൽ മീഡിയയിൽ സജീവമാണ് സംഘമിത്ര. ഇടക്ക് ഒരു സമയത്ത് എന്റെ കുടുംബം എന്ന ക്യാപ്‌ഷൻ നൽകിയാണ് അമ്മ, ബിജുമേനോൻ, അനുജത്തി എന്നിവർക്ക് ഒപ്പമുള്ള ചിത്രം സംയുക്ത അനുജത്തിയെ ടാഗ് ചെയ്തുകൊണ്ട് പങ്കിട്ടത്. അതോടെയാണ് ചിത്രത്തിൽ മൂന്നുപേർക്ക് ഒപ്പമുള്ള നാലാമനെ ആരാധകർ തേടിയത്. ഇതാരാണ് എന്നുള്ള ചോദ്യങ്ങളും ഉയർന്നതും, Sanghamithra Varma എന്നാണ് സംയുക്തയുടെ അനുജത്തിയുടേ പേര് എങ്കിലും മാളു എന്നാണ് താരത്തെ സംയുക്ത വിളിക്കുന്നത്. അതോടെയാണ് മാളുവിന്റെ വിവാഹം കഴിഞ്ഞോ എന്ന കാര്യം ആരാധകർ ചോദിച്ചത്

ALSO READ: അഞ്ചുപൈസപോലും ഞങ്ങൾ രണ്ടും വാങ്ങിയിട്ടില്ല; ഞങ്ങളുടെ കയ്യിലുള്ള പൈസ എല്ലാം ഈ സിനിമയ്ക്ക് വേണ്ടി വിനിയോഗിച്ചു; മാസ് റിപ്ലൈസംയുക്തയും സിനിമയും

വിവാഹ ശേഷം സിനിമ ഉപേക്ഷിച്ചെങ്കിലും ചില പരസ്യ ചിത്രങ്ങളിലൂടെ സംയുക്ത കാമറയ്ക്ക് മുൻപിലേക്ക് എത്തിയിരുന്നു. സ്ക്രീനിലെ കെമസ്ട്രി ജീവിതത്തിലും പകർത്തിയ സംയുക്തയും ബിജുവും ഒരു സംതൃപ്ത കുടുംബ ജീവിതം നയിക്കുകയാണ്.

1999 ൽ ജയറാം നായകനായ വീണ്ടും ചില വീട്ടുകാര്യങ്ങൾ എന്ന ചിത്രത്തിലൂടെ നായികയായി ആണ് സംയുക്ത വർമ്മ സിനിമയിലേക്ക് അരങ്ങേറ്റം കുറിക്കുന്നത്. 20 ആം വയസ്സിൽ സിനിമയിലെത്തി 4 വർഷം മാത്രമാണ് സംയുക്ത അഭിനയത്തിൽ സജീവമായിരുന്നത്.

ബിജുമേനോനുമായുള്ള വിവാഹം നടക്കുന്നത് 23 ആം വയസിൽ ആയതുകൊണ്ട് തന്നെ നേരത്തെ വിവാഹം കഴിച്ചതായി തോന്നിയിട്ടുണ്ടോ എന്ന് സംയുക്തയോട് പലരും മുൻപ് ചോദിച്ചിട്ടുണ്ട്. എന്നാൽ തനിക്ക് അങ്ങിനെ ഒരു ചിന്തയെ ഉണ്ടായിട്ടില്ല എന്നായിരുന്നു താരത്തിന്റെ മറുപടി. 17 കാരനായ ദക്ഷ് ധർമ്മിക് ആണ് ഇവരുടെ ഏക മകൻ.