ഇങ്ങനെ ചിരിച്ചോണ്ടിരുന്നോ! ജൂണ്‍ 16ന് ഇതൊക്കെയങ്ങ് മാറും! 'രാജാസാബ്' ടീസറിന് ഇനി അധികം കാത്തിരിക്കേണ്ട

Edited by: നിമിഷ|Samayam Malayalam•14 Jun 2025, 12:17 pm

പ്രഭാസ് ചിത്രമായ രാജാസാബ് ടീസര്‍ ജൂണ്‍ 16 ന് എത്തും. സിനിമയുടെ ലൊക്കേഷന്‍ ചിത്രത്തിനൊപ്പമായാണ് പുത്തന്‍ അപ്‌ഡേറ്റ്. സിനിമയെക്കുറിച്ചുള്ള വിശേഷങ്ങള്‍ താരങ്ങളും അണിയറപ്രവര്‍ത്തകരുമെല്ലാം പങ്കിടുന്നുണ്ടായിരുന്നു. കുശലം പറഞ്ഞ് ചിരിച്ചിരിക്കുന്ന പ്രഭാസിനെയും, അരികിലായി സംവിധായകന്‍ മാരുതിയേയും ചിത്രത്തില്‍ കാണാം. ഡിസംബര്‍ അഞ്ചിനാണ് ചിത്രം റിലീസ് ചെയ്യുന്നത്.

'ഇപ്പോൾ എല്ലാവരും ചിരിക്കുകയാണ്, പക്ഷേ ഏവരേയും വിറപ്പിക്കുന്നൊന്ന് വരാനിരിക്കുന്നുണ്ട്' എന്ന സൂചനയോടെയാണ് ടീസറിനെക്കുറിച്ചുള്ള വിശേഷങ്ങള് പുറത്തുവന്നിട്ടുള്ളത്. കരിയറില്‍ ഇതുവരെ കാണാത്ത വേഷപ്പകര്‍ച്ചകളോടെയാണ് പ്രഭാസ് എത്തുന്നത്. സ്റ്റൈലിലായാലും അപ്പിയറന്‍സിലായാലും സമാനതകളില്ലാത്ത വരവ് തന്നെയാണ് ഇത്തവണത്തേതും. മിത്തുകളും അമാനുഷിക ഘടകങ്ങളുമൊക്കെ ചേര്‍ത്ത് ഹൊറര്‍ എന്റര്‍ടൈനറായാണ് ചിത്രം എത്തുന്നത്. ഹൊറര്‍ ഈസ് ദ ന്യൂ ഹ്യൂമര്‍ എന്നാണ് ചിത്രത്തിന്റെ ടാഗ് ലൈന്‍.

Also Read: അതെ, ഞാന്‍ പ്രഗ്നന്റാണ്! പുത്തന്‍ അധ്യായം ഇവിടെ തുടങ്ങുന്നു! അര്‍ജുനൊപ്പമായി വിശേഷ വാര്‍ത്ത പരസ്യമാക്കി ദുര്‍ഗ കൃഷ്ണ

അമാനുഷിക രംഗങ്ങള്‍ക്കൊപ്പമായി റൊമാന്റിക് മൊമന്‍സും ചേര്‍ത്തൊരു സിനിമാറ്റിക്ക് എക്‌സ്പീരിയന്‍സായിരിക്കും ചിത്രം എന്നുള്ള വിവരങ്ങളും പുറത്തുവന്നിരുന്നു. പൊങ്കല്‍ സ്‌പെഷലായി ഇറക്കിയ പോസ്റ്റര്‍ നേരത്തെ വൈറലായിരുന്നു. പ്രഭാസിന്റെ പിറന്നാള്‍ ദിനത്തിലായിരുന്നു 'രാജാസാബിന്റെ' മോഷന്‍ പോസ്റ്റര്‍ റിലീസ് ചെയ്തത്.

മാളവിക മോഹനനാണ് ചിത്രത്തിൽ നായികയായെത്തുന്നത്. വേറിട്ടൊരു ഹൊറർ റൊമാന്‍റിക് കോമഡിയാണ് ചിത്രമെന്നാണ് സൂചന. തെലുങ്ക്, തമിഴ്, മലയാളം, കന്നഡ, ഹിന്ദി എന്നീ അഞ്ച് ഭാഷകളിലായി പാൻ ഇന്ത്യൻ ചിത്രമായി പ്രദർശനത്തിനെത്തുന്ന രാജാസാബ് പീപ്പിൾ മീഡിയ ഫാക്ടറിയുടെ ബാനറിൽ ടി.ജി. വിശ്വപ്രസാദാണ് ചിത്രം നിർമ്മിക്കുന്നത്. ഇന്ത്യൻ സിനിമയിലെ തന്നെ വ്യത്യസ്തമായൊരു ഒരു ദൃശ്യവിസ്മയമായാണ് ചിത്രം അണിയറയിൽ ഒരുങ്ങുന്നതെന്നാണ് അറിയാനാകുന്നത്. നിധി അഗർവാള്‍, റിഥി കുമാർ തുടങ്ങി വലിയൊരു താരനിര തന്നെ ചിത്രത്തിലുണ്ട്.

വിവേക് കുച്ചിബോട്ലയാണ് സഹനിർമ്മാതാവ്. ഒരു റിബൽ മാസ് ഫെസ്റ്റിവൽ തന്നെയാകും ചിത്രമെന്നാണ് അണിയറപ്രവർത്തകരുടെ സാക്ഷ്യം. ഇന്ത്യൻ സിനിമയുടെ ഒരു ബ്ലോക്ക്ബസ്റ്റർ സീസണായ ഡിസംബറിൽ 'രാജാ സാബ്' ഒരു ഗെയിം-ചേഞ്ചർ തന്നെയായിരിക്കുമെന്നാണ് ഏവരുടേയും കണക്കുകൂട്ടൽ. തമൻ എസ്. സംഗീതം പകരുന്ന ചിത്രത്തിന്‍റെ ഛായാഗ്രഹണം: കാർത്തിക് പളനി, ചിത്രസംയോജനം: കോത്തഗിരി വെങ്കിടേശ്വര റാവു, ഫൈറ്റ് കോറിയോഗ്രഫി: രാം ലക്ഷ്മൺ മാസ്റ്റേഴ്‌സ്, കിംഗ് സോളമൻ, വിഎഫ്എക്‌സ്: ബാഹുബലി ഫെയിം ആർ.സി. കമൽ കണ്ണൻ, പ്രൊഡക്ഷൻ ഡിസൈനർ: രാജീവൻ, ക്രിയേറ്റീവ് പ്രൊഡ്യൂസർ: എസ് എൻ കെ, പി.ആർ.ഒ.: ആതിര ദിൽജിത്ത്.