ഇതിന്റെ വർത്തമാനം നിർത്താൻ ഏത് സ്വിച്ചാ അമർത്തേണ്ടത് എന്ന അവസ്ഥയായിപ്പോയി; ഈ ​ഗോപികയാണോ സംസാരിക്കില്ല എന്ന് പറഞ്ഞത്

Authored by: അശ്വിനി പി|Samayam Malayalam•26 Jul 2025, 5:42 pm

സാന്ത്വനം സീരിയൽ അവസാനിച്ചതിന് ശേഷം ബിഗ് സ്ക്രീനിലേക്ക് ഇറങ്ങിയ ഗോപിക കേന്ദ്ര കഥാപാത്രങ്ങളിലൊന്നായി എത്തുന്ന സുമതി വളവ് എന്ന ചിത്രം ആഗസ്റ്റ് 1 ന് തിയേറ്ററുകളിലെത്തുകയാമ്. ചിത്രത്തിന്റെ റിലീസിന് മുൻപ് ഗോപികയുടെയും ജിപിയുടെയും ഗോപുര എന്ന വീട്ടിൽ ചിത്രത്തിൽ അഭിനയിച്ച താരങ്ങളുടെ എല്ലാം ഒരു ഗെറ്റ് ടുഗെതർ നടന്നിരുന്നു.

വളരെ രസകരമായ കുറച്ച് നല്ല നിമിഷങ്ങൾ ഗോപുരയിലുണ്ടായി. അത് ജിപി യൂട്യൂബ് വീഡിയോയിലൂടെയും പങ്കുവച്ചു. ഗോപികയെ കുറിച്ച് ആരാധകർക്ക് അറിയാത്ത ചില കാര്യങ്ങളൊക്കെ വീഡിയോയിൽ പലരും വെളിപ്പെടുത്തുകയുണ്ടായി.

കല്യാണത്തിന് മുൻപ് വരെ ഗോപിക ആരോടും മിണ്ടില്ല, വളരെ ഇൻട്രോവേർട്ട് ആണെന്നൊക്കെയായിരുന്നു ആരാധകരടക്കം പലരും കരുതിയത്. സുമതി വളവിന്റെ സെറ്റിൽ എത്തിയപ്പോഴും ജിപി എല്ലാവരോടും പറഞ്ഞു, മിണ്ടാനൊക്കെ കുറച്ച് മടിയുള്ള ആളാണ്, പക്ഷേ മിണ്ടിക്കഴി‍ഞ്ഞാൽ കുഴപ്പമില്ല, ഓകെയായിക്കോളും എന്ന്. അത് കേട്ട് എല്ലാവരും കരുതിയത് ഗോപിക അധികം സംസാരിക്കുകയൊന്നും ചെയ്യാത്ത ആളായിരിക്കും എന്നാണ്.

Also Read: തെറാപ്പിയെക്കാൾ ഇത് ചെലവ് കുറഞ്ഞതാണ്, ലാഭവും; വേർപിരിയൽ വിവാദങ്ങൾക്കിടയിൽ തന്റെ ഹീലിങ് പ്രോസസിനെ കുറിച്ച് ആർതി രവി

പക്ഷേ കുറച്ച് ദിവസങ്ങൾ കഴിഞ്ഞപ്പോൾ ഇതിന്റെ വർത്താനം നിർത്താൻ ഏത് സ്വിച്ച് ആണ് അമർത്തേണ്ടത് എന്ന അവസ്ഥയിലായിപ്പോയി എന്നാണ് അഭിലാഷ് പിള്ള പറഞ്ഞത്. അതിന് ജിപിയെ വിളിക്കേണ്ടി വരുമോ എന്ന് തോന്നിപ്പോയത്രെ,

ഒരു ദിവസം നോക്കിയപ്പോൾ ഗോപിക ഭയങ്കര ദേഷ്യത്തിൽ, എന്താ കാര്യം എന്ന് ചോദിച്ചപ്പോൾ എന്റെ പെട്ടി കാണുന്നില്ല എന്ന് പറഞ്ഞു. നോക്കുമ്പോഴുണ്ട് ഒരു പെട്ടിയും തൂക്കി പാവം ജിപി നടന്നു വരുന്നു- എന്ന കാര്യവും അഭിലാഷ് വെളിപ്പെടുത്തി. അപ്പോഴാണ് ഗോപിക ചോദിച്ചത്, മിണ്ടിക്കഴി‍ഞ്ഞാൽ നിർത്താൻ പാടാണ് എന്ന് ആദ്യമേ പറഞ്ഞതല്ലേ എന്ന്. ഇത്രയും പ്രതീക്ഷിച്ചില്ല എന്നായിരുന്നു അതിന് ബാലുവിന്റെയും അർജുൻ അശോകന്റെയുമെല്ലാം മറുപടി.


സുമതി വളവ് എന്ന ചിത്രം പ്രഖ്യാപിച്ചതുമുതൽ ഈ സിനിമയ്ക്കൊപ്പം നിൽക്കുന്ന ആളാണ് ഗോവിന്ദ് പദ്മസൂര്യ. ഈ ചിത്രത്തില് ജിപി അഭിനയിക്കുന്നില്ലെങ്കിൽ കൂടെ എല്ലാ ദിവസവും സെറ്റിലെത്തിയിരുന്നു. ചിത്രം വലിയ വിജയമാവണം എന്നും ജിപി ആത്മാർത്ഥമായി ആഗ്രഹിക്കുന്നു. അതിനുള്ള നന്ദി പറ‍ഞ്ഞേ പറ്റൂ എന്ന് എല്ലാവരും ജിപിയെ പ്രശംസിച്ചു.