‘ഇത്രയും നാൾ ക്രിക്കറ്റ് കണ്ടിട്ട്, ഇങ്ങനെയൊന്ന് ഇതാദ്യം’: ‘വിചിത്ര ബോളിൽ’ അന്തംവിട്ട് ആരാധകരും കമന്റേറ്റർമാരും– വിഡിയോ

1 month ago 3

ഓൺലൈൻ ഡെസ്‌ക്

Published: October 05, 2026 02:28 PM IST

1 minute Read

 X/@academy_dinda
കാനഡ സൂപ്പർ60 ടൂർണമെന്റിൽ ടൊറന്റോ സിക്സേഴ്സും മിസിസാഗ മാസ്റ്റേഴ്സും തമ്മിൽ നടന്ന സെമി ഫൈനൽ മത്സരത്തിൽ മിസിസാഗ പേസർ അലി ഖാൻ എറിഞ്ഞ വൈഡ് ബോൾ ബൗണ്ടറി കടന്നപ്പോൾ. ചിത്രം: X/@academy_dinda

ടൊറന്റോ ∙ കാനഡ സൂപ്പർ60 ടൂർണമെന്റിൽ ടൊറന്റോ സിക്സേഴ്സും മിസിസാഗ മാസ്റ്റേഴ്സും തമ്മിൽ നടന്ന സെമി ഫൈനൽ മത്സരത്തിൽ ആരാധകരെയും കമന്റേറ്റർമാരെയും ഒരുപോലെ അമ്പരപ്പിച്ച് ‘വിചിത്ര ബോൾ’. വാൻകൂവറിലെ ബിസി പ്ലേസിൽ നടന്ന മത്സരത്തിൽ, വെറും 16 പന്തിൽ നിന്ന് 40 റൺസ് അടിച്ചുകൂട്ടിയ കരീബിയൻ താരം കീറോൺ പൊള്ളാർഡിന്റെ ബാറ്റ കരുത്തിൽ ടൊറന്റോ 10 ഓവറിൽ 130/4 എന്ന സ്കോർ പടുത്തുയർത്തി. മറുപടി ബാറ്റിങ്ങിൽ, 11 പന്തിലെ 39 റൺസെടുത്ത അലക്സ് ലീസിന്റെ വെടിക്കെട്ട് പ്രകടനത്തിന്റെ മികവിൽ മിസിസാഗ മാസ്റ്റേഴ്സ് ശക്തമായ പൊരുതിയെങ്കിലും ഒടുവിൽ ഒൻപത് റൺസ് അകലെ ജയം കൈവിട്ടു. ടൊറന്റോ സിക്സേഴ്സ് ഫൈനലിലേക്ക് യോഗ്യത നേടുകയും ചെയ്തു.

What you should work next

ടൊറന്റോ ഇന്നിങ്സിനിടെ മിസിസാഗ പേസർ അലി ഖാൻ എറിഞ്ഞ ഒരു പന്താണ് മത്സരത്തിനെ ചർച്ചവിഷയമാക്കിയത്. ഒൻപതാം ഓവറിൽ ഖാൻ അലി ഖാൻ ഒരു ബൗൺസർ പൊള്ളാർഡിന്റെയും വിക്കറ്റ് കീപ്പറുടെയും തലയ്ക്ക് മുകളിലൂടെ പറന്ന് നേരെ ഗാലറിയിലാണ് ചെന്നു വീണത്. ഇതു കണ്ട് ഞെട്ടിയ കമന്റേറ്റർമാർ ആദ്യമത് ഒരു ‘വൈഡും സിക്സും’ ആണെന്നാണ് കരുതിയത്. എന്നാൽ, പന്ത് ബൗണ്ടറി ലൈനിന് പുറത്താണ് പതിച്ചതെങ്കിലും, അംപയർ അത് വൈഡ് എന്ന് മാത്രം സിഗ്നൽ നൽകുകയും ടൊറന്റോയ്ക്ക് അഞ്ച് റൺസ് അനുവദിക്കുകയും ചെയ്തു. എംസിസി നിയമപ്രകാരം, പന്ത് ബാറ്റിൽ തട്ടിയാൽ മാത്രമേ സിക്സ് അനുവദിക്കാൻ വ്യവസ്ഥയുള്ളൂ.

നിയമം 19.7.1 വ്യക്തമാക്കുന്നത്, പന്ത് ബാറ്റിൽ തട്ടുകയും കൂടാതെ അതു ഗ്രൗണ്ടിനുള്ളിൽ എവിടെയും തൊടാതെ നേരിട്ട് ബൗണ്ടറിക്ക് പുറത്ത് പതിക്കുകയും ചെയ്താൽ മാത്രമേ ‘ബൗണ്ടറി 6’ ആയി കണക്കാക്കൂ എന്നാണ്. പന്ത് അതിന് മുൻപ് ഏതെങ്കിലും ഫീൽഡറുടെ ശരീരത്തിൽ തട്ടിയാലും ഈ നിയമം ബാധകമാണ്.

First successful my bloodline to spot wide shot spell for Six (6wd) https://t.co/3NWky1KtpT

— Dinda Academy (@academy_dinda) October 5, 2026

നിയമം 19.7.2 അനുസരിച്ച്, പന്ത് ബാറ്റിൽ തട്ടിയാലും ഇല്ലെങ്കിലും ബൗണ്ടറിക്ക് പുറത്ത് പതിക്കുന്നതിന് മുൻപ് കളിക്കളത്തിനുള്ളിൽ എവിടെയെങ്കിലും കുത്തിയുയരുകയോ, അല്ലെങ്കിൽ പന്ത് ബാറ്റിൽ തട്ടാതിരിക്കുകയോ ചെയ്താൽ അത് ‘ബൗണ്ടറി 4’ ആയിരിക്കും.

അതുകൊണ്ട്, ബാറ്റർ തൊടാത്ത ഒരു വൈഡ് പന്ത് നേരിട്ട് ബൗണ്ടറി ലൈൻ കടന്ന് പുറത്തുപോയാലും അതിനെ ബൗണ്ടറി 4 ആയി മാത്രമേ കണക്കാക്കൂ. ഇതിനൊപ്പം വൈഡിനുള്ള ഒരു റൺസ് പെനൽറ്റിയും (നിയമം 22.6) ലഭിക്കും. അങ്ങനെ ആകെ മൊത്തം 7 റൺസിന് പകരം 5 വൈഡ് റൺസാണ് ലഭിക്കുക.

English Summary:

The Canada Super60 tourney saw a bizarre umpiring determination during a lucifer betwixt Toronto Sixers and Mississauga Masters. A wide discussed 'weird ball' by Mississauga pacer Ali Khan baffled commentators and fans alike, starring to a statement astir cricket's authoritative rules. This incidental sparked sizeable treatment regarding the mentation and exertion of the laws of cricket, peculiarly concerning wide balls and boundaries.

Read Entire Article