ഇനി ആ ഹണിമൂൺ പ്ലാൻ കൂടെ ഷെഡ്യൂൾ ചെയ്തു തരൂ; വിവാഹ വാർത്തകളോടുള്ള തൃഷ കൃഷ്ണന്റെ പ്രതികരണം

Authored by: അശ്വിനി പി|Samayam Malayalam•11 Oct 2025, 7:20 am

തൃഷ കൃഷ്ണന്റെ വിവാഹം ആരാധകരെ സംബന്ധിച്ച് വലിയൊരു വിഷയം തന്നെയാണ്. നടി എന്ന് വിവാഹം ചെയ്യും എന്നറിയാൻ കാത്തിരിയ്ക്കുകയാണ് ആരാധകർ. അതിനിടയിൽ പല തരത്തിലുള്ള വിവാഹ വാർത്തകളും തൃഷ കൃഷ്ണന്റെ പേരിൽ പ്രചരിക്കാറുണ്ട്. അതിൽ ഏറ്റവും ഒടുവിൽ പുറത്തുവന്ന വാർത്തയായിരുന്നു ചണ്ഡിഗഡിൽ നിന്നുള്ള ഒരു ബിസിനസ്സുകാരനുമായി തൃഷയുടെ വിവാഹം ഉറപ്പിച്ചു എന്നത്.

വരന്റെ പേരോ മറ്റ് വിവരങ്ങളോ പുറത്തുവിട്ടിരുന്നില്ല. ആസട്രേലിയയിൽ നിന്ന് അടുത്തിടെ ഇന്ത്യയിലേക്ക് ബിസിനസ് മാറ്റിയ ആളാണ്. വർഷങ്ങളായി തൃഷയും ഇദ്ദേഹവും പ്രണയത്തിലായിരുന്നു. ഇരു വീട്ടുകാർക്കും പരസ്പരം അറിയുകയും ചെയ്യാം. പ്രണയത്തിലാണ് എന്നറിഞ്ഞപ്പോൾ അവർക്കും സമ്മതം. ഉടനെ വിവാഹം ഉണ്ടാവും എന്ന രീതിയിലായിരുന്നു കഴിഞ്ഞ ദിവസം വന്ന വാർത്തകൾ. എന്നാൽ ഒരു ഇൻസ്റ്റഗ്രാം സ്റ്റോറിയിൽ, രണ്ട് വരിയിൽ ആ ഗോസിപ്പുകൾക്കെല്ലാം ഫുൾസ്റ്റോപ് ഇടുകയാണ് തൃഷ കൃഷ്ണൻ .

Also Read: ഇതൊരു ബിഗ് അനൗൺസ്മെന്റ് ആണ്; ഗർഭിണിയാണ് എന്ന വാർത്തകൾക്ക് വ്യക്തത നൽകി കെനിഷാ ഫ്രാൻസിസ്, ഫുഡ് ബേബിയാണ്!

എന്റെ ജീവിതം എനിക്ക് വേണ്ടി മറ്റുള്ളവർ പ്ലാൻ ചെയ്യുന്നതിൽ സന്തോഷമുണ്ട്, ഇനി ഹണിമൂൺ ഷെഡ്യൂൾ എങ്ങനെയാണ് എന്ന് അറിയാൻ കൂടെ കാത്തിരിയ്ക്കുന്നു എന്ന് പറഞ്ഞ്, ഒരു സല്യൂട്ടിന്റെ ഇമോജിയും നൽകിയ ഇൻസ്റ്റഗ്രാം സ്റ്റോറിയിലൂടെയാണ് തൃഷ വാർത്തകളോട് പ്രതികരിച്ചത്.

ഇതാദ്യമായല്ല ഇത്തരത്തിൽ തൃഷയുടെ വിവാഹ വാർത്തകൾ പ്രചരിയ്ക്കുന്നത്. 2015 ൽ വരുൺ മണിയൻ എന്നയാളുമായി തൃഷയുടെ വിവാഹ നിശ്ചയം കഴിഞ്ഞതാണ്. എന്നാൽ അത് വിവാഹം വരെ എത്തിയില്ല. വിവാഹ ശേഷം അഭിനയിക്കുന്നതിനെച്ചൊല്ലിയുള്ള അഭിപ്രായ വ്യത്യാസമാണ് വിവാഹ മോചനത്തിലേക്ക് എത്തിയത് എന്നാണ് റിപ്പോർട്ടുകൾ. അതിന് ശേഷം ശേഷം പല പ്രണയ ഗോസിപ്പുകളും വിവാഹ ഗോസിപ്പുകളും പുറത്തു വന്നിരുന്നു.

Also Read: വലിയൊരു സർജറിയാണ് കഴിഞ്ഞത്! ഒരു വർഷം കൊണ്ട് രണ്ട് ലോകം കണ്ടു; ആരോഗ്യ അവസ്ഥയെ കുറിച്ച് ശ്രുതിക അർജുൻ

വിവാഹത്തെ കുറിച്ച് ചോദിച്ചപ്പോൾ അത് നടക്കുമ്പോൾ നടക്കും. വിവാഹം ചെയ്ത് ഡിവോഴ്സ് ആവുന്നതിൽ എനിക്ക് താത്പര്യമില്ല. പറ്റിയ ആൾ എപ്പോഴാണോ വരുന്നത് അപ്പോൾ വിവാഹമുണ്ടാവും. വിവാഹത്തിനോട് എനിക്ക് വിരോധമില്ല. വിവാഹം കഴിഞ്ഞാൽ സന്തോഷം, കഴിഞ്ഞില്ലെങ്കിൽ അതിലൊരു കുറ്റബോധവും ഇല്ല - എന്നാണ് നിരന്തരമായി വിവാഹത്തെ കുറിച്ച് ചോദിക്കുന്നവരോട് 42 കാരിയായ തൃഷ നൽകിയ മറുപടി.


അതേ സമയം ഇപ്പോഴും കരിയറിൽ ബിസിയാണ് നടി, നായികാ നിരയിൽ തന്നെ സജീവമാണ്. സൂപ്പർതാര ചിത്രങ്ങളാണ് ഒന്നിനു പിറകെ ഒന്നായി വരുന്നത്. സൗത്ത് ഇന്ത്യയിലെ ഏറ്റവും താരമൂല്യമുള്ള നടിയും, ഏറ്റവും അധികം പ്രതിഫലം വാങ്ങുന്ന നടിയും തൃഷയാണ്.