ഇന്ത്യയിൽ അങ്ങനെ ചെയ്യുന്ന ഒരേ ഒരു നടി രശ്മിക മന്ദാന മാത്രമാണ്; ഒരു നിയന്ത്രണങ്ങളും അവർക്കില്ല എന്ന് നിർമാതാവ്

1 year ago 33

Authored by: അശ്വിനി പി|Samayam Malayalam•27 Oct 2025, 3:14 pm

രശ്മിക മന്ദാനയുടെ അഭിനയത്തെ പ്രശംസിക്കുന്നവരും, കളിയാക്കുന്നവരുമുണ്ട്. എന്നാൽ അതിനൊക്കെ അപ്പുറം എത്രത്തോളം ആത്മാർത്ഥതയോടെയാണ് രശ്മിക തന്റെ തൊഴിലിനെ കാണുന്നത് എന്നതിനെ കുറിച്ച് ദ ​ഗേൾഫ്രണ്ട് എന്ന ചിത്രത്തിന്റെ സംവിധായകൻ സംസാരിക്കുന്നു

rashmika mandannaരശ്മിക മന്ദാന
പണ്ടു മുതലേ നായികമാർക്ക് ഇല്ലാത്ത കുറവുകളില്ല. സയമത്ത് എത്തിയില്ല, എത്തിയാൽ പോകാൻ തിരക്ക്, മേക്കപ്പിന് സമയം എടുക്കുന്നു, അമിതമായ ഡിമാന്റുകൾ വയ്ക്കുന്നു. അങ്ങനെ തൊട്ടതിനും പിടിച്ചതിനും എല്ലാം പരാതികളാണ്. ഇക്കാലത്ത് നായകമാർ അമിതമായ പ്രതിഫലം ചോദിയ്ക്കുന്നു എന്നതും പ്രശ്നമാണ്. എന്നാൽ അങ്ങനെയുള്ള യാതൊരു പ്രശ്നങ്ങളും പ്രതിസന്ധികളും നിർമാതാവിന് തരാത്ത നായിക നടിയാണ് രശ്മിക മന്ദാന എന്ന് നിർമാതാവ് എസ് കെ എൻ.

ഒരിടവേളയ്ക്ക് ശേഷം രശ്മികയുടേതായി പൂർണമായും തെലുങ്കിൽ റിലീസ് ചെയ്യുന്ന ചിത്രമാണ് ദ ഗേൾഫ്രണ്ട്. ചിത്രത്തിന്റെ ഓഡിയോ ലോഞ്ച് കഴിഞ്ഞ ദിവസം നടന്നിരുന്നു. ആ ചടങ്ങിലാണ് നിർമാതാവ് നായികയെ കുറിച്ച് വാചാലയായത്. സമയത്തിന്റെ കാര്യത്തിലൊന്നും യാതൊരു തര നിബന്ധനകളും നിർബന്ധങ്ങളും ഇല്ലാത്ത നടിയാണ് രശ്മിക. അവർ അത്രയധികം ആത്മാർത്ഥതയോടെയാണ് സിനിമയെ സമീപിക്കുന്നത് എന്ന് എസ് കെ എൻ പറയുന്നു.

Also Read: പ്രായം കൂടുന്തോറും നീ വീഞ്ഞ് പോലെയാണ്; അമല പോളിന് പിറന്നാൾ ആശംകൾ അറിയിച്ച് ഭർത്താവ് പറഞ്ഞത്

ഷൂട്ടിങ് ഷെഡ്യൂളുകളുമായി ബന്ധപ്പെട്ട ഒരു റസ്ട്രിക്ഷൻസും രശ്മികയ്ക്കില്ല. ഇന്ന സമയത്തേ വരും ഇത്ര സമയത്തിനുള്ളിൽ തിരിച്ചു പോകും എന്നൊന്നും അവർ പറയാറില്ല. എപ്പോൾ വിളിച്ചാലും റെഡിയാണ് എന്ന തരത്തിലാണ് രശ്മിക തന്നെ തയ്യാറാക്കി വച്ചിരിയ്ക്കുന്നത്. സമയത്തിന്റെ പരിമിതികൾ ഇല്ലാതെ വർക്ക് ചെയ്യുന്ന ഇന്ത്യയിലെ ഏക നടിയാണ് രശ്മിക എന്നാണ് നിർമാതാവിന്റെ പക്ഷം. ഷെഡ്യൂളിൽ പറ‍ഞ്ഞ സമയത്തിന് അപ്പുറത്തേക്ക് പോയാലും യാതൊരു തര സമ്മർദ്ദവും നടിയുടെ ഭാഗത്തുനിന്ന് ഉണ്ടാവാറില്ലത്രെ.

വിശ്വാസമാണ് മറ്റൊരു രശ്മികയുടെ മറ്റൊരു പ്രധാന ക്വാളിറ്റി. ഒരു സിനിമ രശ്മിക തിരഞ്ഞെടുക്കുന്നത് വളരെ സെലക്ടീവായിട്ടാണ്. എന്നാൽ തിരഞ്ഞെടുത്തു കഴിഞ്ഞാൽ അതിൽ പൂർണമായും വിശ്വസിക്കും. ഗേൾഫ്രണ്ട് എന്ന ചിത്രത്തെ സംബന്ധിച്ച് രശ്മികയ്ക്ക് ആ വിശ്വാസം ഉണ്ടായിരുന്നു എന്ന് മാത്രമല്ല, തന്റെ ടീമിനെയും വിശ്വസിപ്പിക്കുകയും പ്രോത്സാഹിപ്പിക്കുകയും ചെയ്യുന്നുണ്ടായിരുന്നു. മറ്റുള്ളവരെ പോലെയല്ലാതെ, രശ്മിക തന്റെ തൊഴിലിനെ ഇഷ്ടപ്പെടുന്നു, ഒരു ജോലിയായി അതിനെ കാണുന്നില്ല എന്നാണ് എസ് കെ എൻ പറയുന്നത്.

ദുബായിയുടെ 'സുവർണ്ണ ഭൂതകാലം' ഇനി മായുകയില്ല; പദ്ധതിയുമായി ഷെയ്ഖ് മുഹമ്മദ്


രാഹുൽ രവീന്ദർ കഥയും തിരക്കഥയും എഴുതി സംവിധാനം ചെയ്യുന്നു ചിത്രത്തിന്റെ ട്രെയിലറിന് മികച്ച സ്വീകരണമാണ് ലഭിച്ചത്. ചിത്രം നവംബർ 7 ന് പുറത്തിറങ്ങും. ദീക്ഷിത് ഷെട്ടി നായകനായി എത്തുന്ന ചിത്രത്തിൽ മറ്റൊരു നായികാ കഥാപാത്രത്തെ അവതരിപ്പിക്കുന്നത് അനു ഇമ്മാനുവലാണ്.
അശ്വിനി പി

രചയിതാവിനെക്കുറിച്ച്അശ്വിനി പിസമയം മലയാളത്തില്‍ എന്റര്‍ടൈന്‍മെന്റ് സെക്ഷനില്‍ സീനിയർ ഡിജിറ്റൽ കണ്ടൻ്റ് പ്രൊഡ്യൂസറാണ് അശ്വിനി പി. 2013 ലാണ് പത്രപ്രവർത്തക എന്ന നിലയിലുള്ള കരിയർ ആരംഭിച്ചത്. വൺഇന്ത്യ - ഫിൽമിബീറ്റ് പോലുള്ള ദേശീയ മാധ്യമങ്ങളിൽ പ്രവ‍ൃത്തിച്ചു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനുമാണ് താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. സിനിമ ചർച്ചകളിൽ പങ്കെടുത്തിട്ടുണ്ട്. നവമാധ്യമ രംഗത്ത് പന്ത്രണ്ട് വര്‍ഷത്തെ പ്രവൃത്തി പരിചയം. പൊളിട്ടിക്കല്‍ സയന്‍സില്‍ ബിരുദവും ജേര്‍ണലിസത്തില്‍ ഡിപ്ലോമയും നേടി.... കൂടുതൽ വായിക്കുക

Read Entire Article