ഇപ്പോഴാണോ ഇക്കാര്യം പുറത്ത് വരുന്നത്! മൂന്ന് മണിക്കൂറിലേറെ ദൈര്‍ഘ്യമുള്ള പ്രഭാസ് ചിത്രം

Authored by: അശ്വിനി പി|Samayam Malayalam•3 Dec 2025, 4:46 pm

പ്രഭാസ് എന്ന നടന്‍ ഇന്നും ഇന്ത്യന്‍ സിനിമയുടെ ബാഹുബലിയാണ്. ഇന്നും പ്രഭാസിനോ മറ്റ് താരങ്ങള്‍ക്കോ ആ ചരിത്രം ബ്രേക്ക് ചെയ്യാന്‍ സാധിച്ചിട്ടില്ല. അതിന് ശേഷം സാഹോ, രാധേശ്യാം, സലാര്‍, കല്‍കി പോലുള്ള ബ്രഹ്‌മാണ്ഡ ചിത്രങ്ങള്‍ പ്രഭാസ് ചെയ്തുവെങ്കിലും, അതൊന്നും ബാഹുബലിയ്ക്ക് മുകളില്‍ എത്തിയില്ല. പ്രഭാസിന്റെ ഓരോ സിനിമയും അത്രയേറെ പ്രതീക്ഷയോടെയാണ് ആരാധകര്‍ കാത്തിരിക്കുന്നത്. ഏത് സിനിമയ്ക്ക് ബാഹുബലിയെ മറി കടക്കാന്‍ കഴിയും എന്ന് ആവേശത്തോടെ ഉറ്റു നോക്കുന്നു.

ഇനി പ്രഭാസിന്റേതായി റിലീസ് ചെയ്യാന്‍ പോകുന്ന സിനിമയാണ് രാജാസാബ് . പ്രഖ്യാപിച്ച കാലം മുതല്‍ വാര്‍ത്തകളില്‍ നിറയുന്ന ചിത്രത്തെ കുരിച്ച് വന്ന ഓരോ അപ്‌ഡേഷനും അരാധകരെ സംബന്ധിച്ച് ആവേസം നിറക്കുന്നതായിരുന്നു. ഏറ്റവുമൊടുവില്‍ വന്ന അപ്‌ഡേഷനാണ് ഇപ്പോള്‍ ചര്‍ച്ചയാവുന്നത്. സാധാരണ രണ്ടര മണിക്കൂറാണ് ഒരു സിനിമയുടെ ദൈര്‍ഘ്യം, എന്നാല്‍ രാജാ സാബ് മൂന്ന് മണിക്കൂറിലധികം ദൈര്‍ഘ്യമുള്ള സിനിമയാണത്രെ.

Also Read: മോതിരം മാത്രമല്ല, സാരിയും ലക്ഷ്വറിയാണ്; ദേവതയെ പോലെ സമാന്ത! ആദ്യ വിവാഹ വസ്ത്രം എന്ത് ചെയ്തു

2026 ജനുവരി 9 ന് ആണ് നിലവില്‍ ചിത്രത്തിന്റെ റിലീസ് തീരുമാനിച്ചിരിയ്ക്കുന്നത്. ഒരു യുഎസ് ബേസ്ഡ് പോര്‍ട്ടലില്‍ ഇപ്പോള്‍ രാജാസാബിന്റെ ടിക്കറ്റ് ബുക്കിങ് ഓപ്പണിങ് ആണ്. അതില്‍ ചിത്രത്തിന്റെ ദൈര്‍ഘ്യം കാണിച്ചിരിയ്ക്കുന്നത് മൂന്ന് മണിക്കൂര്‍ 15 മിനിറ്റ് ആണ്. ഇത് തീര്‍ത്തും ഒരു റിപ്പോര്‍ട്ട് മാത്രമാണ്. ഇന്ത്യയിലെ ഔദ്യോഗിക ടൈം എത്രയാണ് എന്ന് ചിത്രത്തിന്റെ സെന്‍സറിങ് പൂര്‍ത്തിയായാല്‍ മാത്രമേ പറയാന്‍ സാധിക്കുകയുള്ളൂ.

പണം തട്ടിയെടുത്ത്, സമ്പന്നനായി ജീവിക്കാന്‍ എന്ത് എളുപ്പവഴിയും സ്വീകരിക്കുന്ന ചെറുപ്പക്കാരന്റെ കഥയാണ് രാജാസാബ് എന്ന തെലുങ്ക് ചിത്രത്തില്‍ പറയുന്നത്. സാമ്പത്തിക പ്രതിസന്ധി മറികടക്കാനായി പൂര്‍വ്വിക സ്വത്ത് വില്‍ക്കാന്‍ തൂരുമാനിക്കുകയും, എന്നാല്‍ പരേതനായ മുത്തശ്ശന്‍ അതിനെ എതിര്‍ക്കുന്നതൊക്കെയായ കഥയാണ് റൊമാന്റിക് - ഹൊറര്‍ - കോമജി ജോണറില്‍ പറയുന്നത്.
മാരുതി സംവിധാനം ചെയ്യുന്ന ചിത്രത്തില്‍ പ്രഭാസിനൊപ്പം സഞ്ജയ് ദത്ത്, ബൊമ്മന്‍ ഇറാനി, മാളവിക മോഹനന്‍, നിഥി അഗര്‍വാള്‍ എന്നിങ്ങനെയുള്ള നീണ്ട താരനിരയുമുണ്ട്. എസ് തമ്മാനാണ് ചിത്രത്തിന്റെ സംഗീത സംവിധാനം നിര്‍വ്വഹിച്ചിരിയ്ക്കുന്നത്.