ഇവരാണോ പിരിയുകയാണ് എന്ന് പറഞ്ഞത്? കൈയ്യോട് കൈ ചേർത്ത് മനോഹരമായ എൻട്രി നൽകി ബ്രാഡ്ലി കൂപ്പറും ജിജി ഹാഡിഡും

Authored by: അശ്വിനി പി|Samayam Malayalam•16 Sept 2025, 3:19 pm

ഹോളിവുഡിലെ പവർ കപ്പിൾ എന്നാണ് ബ്രാഡ്ലി കൂപ്പറും ജിജി ഹാഡിഡും അറിയപ്പെടുന്നത്. എന്നാൽ സമീപകാലത്തായി ഇരുവരും വേർപിരിയുകയാണ് എന്ന തരത്തിലുള്ള ഗോസിപ്പുകൾ വന്നിരുന്നു. എല്ലാ ഗോസിപ്പുകൾക്കും അവസാനമിട്ട് ഒരു കോക്ടൈൽ പാർട്ടിയ്ക്ക് സൂപ്പർ ഒരു എൻട്രി നൽകിയ വിശേഷങ്ങളാണ് ഇപ്പോൾ പുറത്തുവരുന്നത്.

2023 മുതൽ ബ്രാഡ്ലി കൂപ്പറും ജിജി ഡാഡിഡും പ്രണയത്തിലാണ്. ഇരുവരും വിവാഹത്തിലേക്ക് കടക്കുന്ന എന്ന വാർത്തകൾക്കിടയിലാണ് വേർപിരയൽ ഗോസിപ്പുകൾ വന്നത്. ഒരു കോക്ടൈൽ പാർട്ടിയിൽ ജിജി ഹാഡിഡിന്റെ കൈ പിടിച്ച് ഉള്ളിലേക്ക് കടക്കുന്ന ബ്രാഡ്ലി കൂപ്പറിന്റെ ചിത്രം പുറത്തുവന്നതോടെ എല്ലാ ഗോസിപ്പുകളും അവസാനിച്ചു.

Also Read: തന്റെ കൊച്ചിന്റെ ഫോട്ടോ എവിടെ കണ്ടാലും ലൈക്കടിക്കുന്ന അമ്മയാ; മകളുടെ സിനിമാ വിജയത്തിൽ ലിസിയും, ഈ സൗന്ദര്യത്തെ കുറിച്ചല്ലേ കല്യാണി പറ‍ഞ്ഞത്

രണ്ട് പേരുടെയും മുഖത്തെ ആ സന്തോഷവും പ്രണയവും തന്നെയാണ് ഫോട്ടോയിലെ പ്രധാന ആകർഷണം. ഇവരാണോ പിരിഞ്ഞു എന്ന് പറഞ്ഞത് എന്ന് ആരാധകർ ചോദിച്ചു പോകുന്ന അത്രയും മനോഹരമാണ് പുറത്തുവന്ന ചിത്രങ്ങൾ

ഇരുവരുടെയും വിവാഹം വൈകാൻ കാരണം ബ്രാഡ്ലി കൂപ്പറിന് വിവാഹ ബന്ധത്തോടുള്ള ഭയമാണെന്നാണ് പറയപ്പെടുന്നത്. എന്ത് തന്നെയായാലും ഇരുവരുടെയും ഇടയിലെ പ്രണയത്തെ അത് ബാധിച്ചിട്ടില്ല എന്ന് ഈ ചിത്രങ്ങൾ തെളിയിക്കുന്നു.

Also Read: കല്യാണത്തിന്റെ തലേ ദിവസം ഒട്ടും പ്രതീക്ഷിക്കാതെ വന്ന മഞ്ജു വാര്യരുടെ കോൾ; ആര്യ ബഡായി പറയുന്നു, ഇത് രണ്ടാം വിവാഹം എന്ന് പറയല്ലേ

നേരത്തെ നടി ജെന്നിഫർ എസ്പോസിറ്റോയുമായി ബ്രാഡ്ലിയുടെ വിവാഹം കഴിഞ്ഞതാണ്. എന്നാൽ ഒരു വർഷം (2006- 2007) വരെ മാത്രമേ ആ ബന്ധത്തിന് ആയുസുണ്ടായിരുന്നുള്ളൂ. പിന്നീട് റഷ്യൻ ഫാഷൻ മോഡലായ ഐറിന ഷെയ്ക്കുമായി പ്രണയത്തിലായിരുന്നു. 2015 ൽ തുടങ്ങിയ ബന്ധം 2019 ആവുമ്പോഴേക്കും അവസാനിക്കുകയും ചെയ്തു.

Also Read: ഞാൻ വിവാഹം കഴിക്കുമ്പോൾ അവൾ വളരെ ചെറുപ്പമാ! ഒന്ന് ചിരിച്ച് ഇരുന്നൂടെ എന്നൊക്കെ എന്നോട് ഇടയ്ക്കിടെ ചോദിക്കും
ഗായകൻ സയിൻ മാലിക് ആണ് ജിജി ഹാഡിഡിന്റെ മുൻ ഭർത്താവ്. 2015 ൽ ആയിരുന്നു ഇരുവരുടെയും പ്രണയ വിവാഹം, 2021 ൽ വേർപിരിയുകയും ചെയ്തു. ഒരു കുഞ്ഞിന്റെ അമ്മ കൂടെയാണ് ജിജി.