ഇവരുടെ ബന്ധത്തിനപ്പുറം മറ്റൊന്നുമില്ല; പ്രിയദര്‍ശന് പിറന്നാള്‍ ആശംസകള്‍ നേര്‍ന്ന് മോഹന്‍ലാല്‍ പങ്കുവച്ച ഫോട്ടോ!

സൗഹൃദങ്ങള്‍ അധികം വാഴാത്ത ലോകമാണ് സിനിമ എന്നാണ് വെപ്പ്. എന്നാല്‍ അതില്‍ ഏറ്റവും മനോഹരമായ ഒരു സൗഹൃദം പടുത്തുയര്‍ത്തിയ നടനും സംവിധായകനുമാണ് പ്രിയദര്‍ശനും മോഹന്‍ലാലും. എന്നാല്‍ അതിന് പിന്നില്‍ മറ്റൊരു വാസ്തവം കൂടെയുണ്ട്, ഈ സൗഹൃദം തുടങ്ങിയത് സിനിമയില്‍ വന്നതിന് ശേഷമല്ല, സിനിമയിലേക്കൊക്കെ എത്തുന്നതിന് എത്രയോ വര്‍ഷങ്ങള്‍ക്ക് മുന്‍പാണ്.

പരസ്പരം ആത്മാവ് തൊട്ടറിഞ്ഞ സൗഹൃദമാണ് പ്രിയന്റെയും ലാലിന്റെയും. അതില്‍ എത്രത്തോളം കെയറും വാത്സല്യവും നിറഞ്ഞിരിയ്ക്കുന്നു എന്ന് പല അവസരങ്ങളിലും ആരാധകര്‍ക്ക് ബോധ്യപ്പെട്ടതാണ്. അത് ഒന്നുകൂടെ ഇന്‍ഹാന്‍സ് ചെയ്യും വിധമാണ് പ്രിയന് ബര്‍ത്ത് ഡേ ആശംസകള്‍ നേര്‍ന്നുകൊണ്ട് മോഹന്‍ലാല്‍ പങ്കുവച്ചിരിയ്ക്കുന്ന ഫോട്ടോ. പ്രിയന്റെ ഷര്‍ട്ടിന്റെ ബട്ടണ്‍ ശരിയാക്കി കൊടുക്കുന്ന ഒരു ചിത്രത്തിനൊപ്പം ഹാപ്പി ബര്‍ത്ത് ഡേ ഡിയര്‍ പ്രിയന്‍ എന്ന് പറഞ്ഞ് ഒരു ഹാര്‍ട്ട് ഇമോജിക്കൊപ്പമാണ് മോഹന്‍ലാലിന്റെ ആശംസ.

Also Read: ഈ സിനിമയുടെ തിരക്കഥയില്‍ ഞാന്‍ അച്ഛനൊപ്പം ഉണ്ടായിരുന്നു; ഉദയനാണ് താരത്തെ കുറിച്ച് വിനീത് ശ്രീനിവാസന്‍

തിരുവനന്തപുരം ജില്ലിലെ പൂജപ്പുര എന്ന സ്ഥലത്ത് ജീവിക്കുന്ന കാലം മുതലേ സുഹൃത്തുക്കളായിരുന്നു പ്രിയനും ലാലും. കോളേജിലേക്ക് കടന്നപ്പോഴും ആ സൗഹൃദം സൂക്ഷിച്ചു. സിനിമയിലേക്കുള്ള തുടക്കവും ആ സൗഹൃദങ്ങളിലൂടെയൊക്കെ തന്നെയായിരുന്നു. പ്രിയനിലൂടെയാണോ മോഹന്‍ലാല്‍ ഒരു സൂപ്പര്‍ സ്റ്റാറായി വളര്‍ന്നത്, മോഹന്‍ലാലിലൂടെയാണോ പ്രിയന്‍ ഒരു ലെജന്റ് സംവിധായകനായി മാറിയത് എന്ന് ചോദിച്ചാല്‍ വ്യക്തമായ ഉത്തരമില്ല. അവര്‍ ഇരുവരും പരസ്പരം പിന്തുണച്ചാണ് ഇവിടെ വരെ എത്തിയത്.

കരിയറിന്റെ തുടക്കത്തില്‍ മോഹന്‍ലാലിന് വേണ്ടി മാത്രം എന്നത് പോലെയായിരുന്നു പ്രിയന്റെ സിനിമകള്‍. എന്നാല്‍ പില്‍ക്കാലത്ത് പ്രിയന്റെ സിനിമകള്‍ക്കും വ്യക്തി ജീവിതത്തിലും ചെറിയ ചില പ്രയാസങ്ങള്‍ നേരിട്ടപ്പോഴും ഒരു താങ്ങായി നിന്നത് മോഹന്‍ലാല്‍ തന്നെയാണ്. ഇരുവരും ഒന്നിച്ച് നാല്‍പതിലേറെ ഐക്കോണിക് ചിത്രങ്ങള്‍ സംഭിച്ചു എന്നതും മലയാളത്തിന് ലഭിച്ച ഏറ്റവും വലിയ നേട്ടമാണ്.

പ്രിയന്‍ എന്ന സംവിധായകനിലേക്ക് വരുമ്പോള്‍, ഐവ് ശശി സംവിധാനം ചെയ്ത സിന്ദൂര സന്ധ്യയ്ക്ക് മൗനം എന്ന ചിത്രത്തിന് തിരക്കഥ എഴുതിക്കൊണ്ടായിരുന്നു തുടക്കം. പിന്നീട് പല സിനിമകള്‍ക്കും തിരക്കഥയെഴുതി, അവസാനം 1984 ല്‍ പൂച്ചയ്‌ക്കൊരു മൂക്കുത്തി എന്ന ചിത്രത്തിലൂടെ സംവിധായകന്റെ തൊപ്പി അണിയുകയായിരുന്നു. പിന്നീടൊരു തിരിഞ്ഞു നോട്ടമുണ്ടായിട്ടില്ല, ചെയ്യുന്ന എല്ല സിനിമകളും ശരാശരിയോ അതിന് മുകളിലോ വിജയമുറപ്പിച്ചിരുന്നു. മലയാളത്തിന് പുറമെ ഹിന്ദി സിനിമാ ലോകത്തും പ്രിയദര്‍ശന്‍ എന്ന സംവിധായകന്‍ പേരും പെരുമ.ും നേടി. ജനുവരി 30 ന് പ്രിയദര്‍ശന് 68 വയസ്സ് തികയുന്നു