ഇവിടെ നേരെ തിരിച്ചാണ്! പെണ്‍മക്കളാണ് ധൈര്യവും വഴികാട്ടിയും! അവരുടെ അച്ഛന്‍, സിന്ധുവിന്റെ ഭര്‍ത്താവ്, ഈ മാറ്റം ഏറെ പ്രിയപ്പെട്ടത്‌

Authored by: നിമിഷ|Samayam Malayalam•21 May 2025, 10:55 am

ഇതുപോലെയൊരു അച്ഛനെ കിട്ടിയിരുന്നെങ്കില്‍ എന്ന് തോന്നിപ്പോവുന്ന തരത്തിലാണ് കൃഷ്ണകുമാറിന്റെ പെരുമാറ്റം. മക്കളോട് അദ്ദേഹം ഇടപെടുന്നത് വളരെ കൂളായാണ്. പെണ്‍കുട്ടികളാണെന്ന് കരുതി അവരെ ഒരു സമയമാവുമ്പോള്‍ വിവാഹം കഴിപ്പിച്ച് വിടണം എന്ന് ആഗ്രഹിക്കുന്നവരല്ല ഞങ്ങള്‍. കല്യാണം അവരുടെ ചോയ്‌സാണ്. പങ്കാളിയെ കണ്ടെത്തുന്നത് അവരുടെ തീരുമാനം. കല്യാണം അവരാഗ്രഹിക്കുന്നത് പോലെ അവര്‍ക്ക് നടത്താം. എല്ലാത്തിനും ഞങ്ങള്‍ കൂടെയുണ്ടാവുമെന്നാണ് അച്ഛനും അമ്മയും മക്കളോട് പറഞ്ഞത്.

രണ്ടാമത്തെ മകളായ ദിയ കൃഷ്ണ പ്രണയം പറഞ്ഞപ്പോഴും, വിവാഹം നടത്തുകയാണെന്ന് അറിയിച്ചപ്പോഴും സന്തോഷത്തോടെ കൂടെ നില്‍ക്കുകയായിരുന്നു കുടുംബം. മൂത്ത മകളായ അഹാനയുടെ വിവാഹത്തെക്കുറിച്ചുള്ള ചോദ്യങ്ങള്‍ക്ക് അവളുടെ സമയമാവുമ്പോള്‍ അവള്‍ സെറ്റാക്കട്ടെ എന്നായിരുന്നു ഇവരുടെ മറുപടി.

Also Read: നിങ്ങള്‍ വിശ്വസിക്കുമോ എന്നറിയില്ല! പ്രസവ ശേഷം അങ്ങനെയൊരു ചടങ്ങുണ്ട്! എല്ലാം ചെയ്തത് ജഗതാണ്! അതിന് ശേഷമുള്ള പ്രതികരണത്തെക്കുറിച്ച് അമല പോള്‍

വ്‌ളോഗിലും പോസ്റ്റുകളിലൂടെയുമായി എപ്പോഴും ഭാര്യയെക്കുറിച്ചും, മക്കളെക്കുറിച്ചും വാചാലനാവാറുണ്ട് അദ്ദേഹം. ചടങ്ങുകളിലെല്ലാം സന്തോഷത്തോടെയായി മുന്നിലുണ്ടാവാറുണ്ട്. ഭാര്യയുടെയും, മക്കളുടെയും പേരിലാണ് ഇപ്പോള്‍ ഞാന്‍ അറിയപ്പെടുന്നത്. അതില്‍ എനിക്ക് സന്തോഷമേയുള്ളൂവെന്നും അദ്ദേഹം പറയുന്നു. കുടുംബസമേതമുള്ള ചിത്രങ്ങളും പങ്കുവെച്ചായിരുന്നു പോസ്റ്റ്.

Also Read: രവി മോഹന്‍ പറഞ്ഞതെല്ലാം ഇല്ലാക്കഥ! 18 വര്‍ഷം എന്തിനിത് സഹിച്ചു! 'വെളിച്ച'മാണ് ഇരുട്ടായി മാറിയത്! മക്കളെ കണ്ടത് നാല് തവണ! എല്ലാത്തിനും മറുപടിയുമായി ആര്‍തി

സ്ത്രീകളുടെ ലോകത്തിൽ സന്തോഷമായി കഴിയാൻ അനുഗ്രഹം നേടി ഭൂമിയിലേക്ക് വന്ന ഒരു ഭാഗ്യവാനായി എനിക്ക് എന്നെ കുറിച്ച് പലപ്പോഴും തോന്നിയിട്ടുണ്ട്. സാധാരണ അച്ഛനാണ് പെണ്മക്കളുടെ ധൈര്യം, വഴികാട്ടി എന്നൊക്കെ കേൾക്കാറുണ്ട്. എന്നാൽ ഇവിടെ നേരെ തിരിച്ചാണ്. മക്കളാണ് എന്റെ ധൈര്യം, ധനം, വഴികാട്ടി. എന്തിന്, ഇന്ന് എന്റെ മേൽവിലാസം പോലും മാറി. അവരുടെ അച്ഛൻ, സിന്ധുവിന്റെ ഭർത്താവ്. സുഖമുള്ള മാറ്റം. അടുത്ത നൂറ്റാണ്ടു സ്ത്രീകൾക്കുള്ളതാണ്. നന്മകൾ നേരുന്നു എന്നായിരുന്നു കുറിപ്പ്.
അങ്ങയുടെ മനസ്സിന്റെ നന്മയുടെ ഗുണം കൊണ്ട് ആണ് ഇതുപോലെ ഉള്ള മക്കളെ കിട്ടിയത്. അവരുടെ മേൽവിലാസത്തിൽ ജീവിക്കുന്നതിൽ ഏറ്റവും സന്തോഷിക്കുന്നതും അങ്ങ് തന്നെയാണ്. ആ മക്കളും അതുപോലെ മാഹാത്മ്യം ഉള്ളവർ ആണ്. നല്ല ഒരു അമ്മയും അച്ഛനും മക്കളും ഉള്ള ഒരു സന്തുഷ്ട കുടുംബം. ദൈവം എല്ലാ അനുഗ്രഹങ്ങളും നൽകട്ടെ. കഴിവും നിറഞ്ഞ സൗന്ദര്യവും ഉള്ള 5 സ്ത്രീകളുടെ ഇടയിൽ ജീവിതകാലം മുഴുവൻ സ്നേഹിച്ച് ജീവിക്കാൻ ഭാഗ്യം കിട്ടാൻ താങ്കൾ എന്ത് മന്ത്രവാദം ആണ് ചെയ്തത് എന്ന ചോദ്യത്തിന് ഇഷ്ടപ്പെട്ടു എന്നായിരുന്നു മറുപടി.

ദൈവം നോക്കാൻ കഴിവുള്ളവർക്കെ പെൺമക്കളെ കൊടുക്കു എന്നൊരു പഴമൊഴി ഉണ്ട്. അപ്പോൾ താങ്കൾ ഒരുപാട് ദൈവാനുഗ്രഹമുള്ള ആളാണ്. ഞാനും കാത്തിരിക്കുകയാണ് ഒരു പെൺതരിക്കായി എന്ന് പറഞ്ഞ ആളോട് നല്ലവാക്കുകൾക്ക് നന്ദി. ഒന്നല്ല.. ഒന്നിലധികം കുഞ്ഞുങ്ങൾ വരട്ടെ എന്നായിരുന്നു അദ്ദേഹം പറഞ്ഞത്.