ഈ നന്ദി വാക്കുകളിൽ ഒതുങ്ങില്ല! തെലുങ്കാനയിൽ നിന്നും കിട്ടിയ നേട്ടത്തെ കുറിച്ച് ദുൽഖർ

Authored by: ഋതു നായർ|Samayam Malayalam•21 Jul 2025, 9:53 am

ഗദ്ദർ തെലങ്കാന സംസ്ഥാന ചലച്ചിത്ര അവാർഡുകൾക്ക് നേരിട്ട് നന്ദി പറയാൻ ദുൽഖർ സൽമാൻ . തെലങ്കാന മുഖ്യമന്ത്രി രേവന്ത് റെഡ്ഡിയെ കണ്ടശേഷമാണ് അദ്ദേഹം നന്ദി അറിയിച്ചത്. 2024 ലെ "ലക്കി ഭാസ്‌കർ" എന്ന ചിത്രത്തിലെ മികച്ച പ്രകടനത്തിന് ആണ് ഡിക്യുവിന് തെലുങ്കാന സർക്കാരിന്റെ അംഗീകാരം. പൂച്ചെണ്ടു നൽകിയും പൊന്നാട അണിയിച്ചും ആണ് ഡിക്യുവിനെ മുഖ്യമന്ത്രി ആദരിച്ചത്.

ആദരണീയനായ തെലങ്കാന മുഖ്യമന്ത്രി ശ്രീ രേവന്ത് റെഡ്ഡി ഗാരുവുമായുള്ള കൂടിക്കാഴ്ച അവിസ്മരണീയമായ ഒന്നാണ് എന്റെ ജീവിതത്തിൽ, അത്രയും സ്നേഹം നിറഞ്ഞ ഒരു സ്വീകരണം ആണ് എനിക്ക് ലഭിച്ചത്. ഗദ്ദർ സംസ്ഥാന ചലച്ചിത്ര അവാർഡുകൾക്ക് ഞാൻ അദ്ദേഹത്തെ വ്യക്തിപരമായി കണ്ട് നന്ദി പറയാൻ ആഗ്രഹിച്ചു, പക്ഷേ അന്ന് ഞാൻ രാജ്യത്തിന് പുറത്തായിരുന്നതിനാൽ എനിക്ക് ആ ചടങ്ങിൽ പങ്കെടുക്കാൻ കഴിഞ്ഞില്ല.

ALSO READ: 65 ആം വയസ്സിലും യുവത്വം തുളുമ്പുന്ന നാഗാർജ്ജുന! എന്താണ് ഈ ഫിറ്റ്നെസിന്റെ പിന്നിലെ രഹസ്യംസിനിമയെക്കുറിച്ചും, പ്രത്യേകിച്ച് തെലുങ്ക്, മലയാളം വ്യവസായങ്ങളെക്കുറിച്ചും, നമ്മുടെ വിവിധ സംസ്ഥാനങ്ങളോടും ഭാഷകളോടുമുള്ള അദ്ദേഹത്തിന്റെ സ്നേഹത്തെക്കുറിച്ചും സംസാരിക്കാൻ വേണ്ടി ഞങ്ങളോടൊപ്പം അദ്ദേഹം ഏറെ സമയം ചിലവഴിച്ചു. അതിനുള്ള നന്ദി വാക്കുകളിൽ ഒതുങ്ങില്ല.

ഉപമുഖ്യമന്ത്രി ശ്രീ ഭട്ടി വിക്രമാർക ഗാരുവിനും നന്ദി പറഞ്ഞുകൊണ്ടാണ് ദുൽഖർ പോസ്റ്റ് അവസാനിപ്പിക്കുന്നത്.

ഒക്ടോബർ 31 ന് ആണ് ലക്കി ഭാസ്കർ തിയേറ്ററുകളിൽ റിലീസ് ചെയ്തത്. ഐ ആം ഗെയിം" എന്ന മലയാള ചിത്രവും ദുൽഖറിന്റേതായി പുറത്തിറങ്ങാൻ ഒരുങ്ങുന്നു. മാസ് ആക്ഷൻ എന്റർടെയ്‌നറായാണ് ഈ ചിത്രം ഒരുങ്ങുന്നത്. നഹാസ് ഹിദായത്തിന്റെ സംവിധാനത്തിലാണ് ഈ ചിത്രം ഒരുക്കിയിരിക്കുന്നത്. ഡിക്യുവിന് പുറമെ, തമിഴ് നടനും സംവിധായകനുമായ മിഷ്കിൻ, കതിർ, സംയുക്ത വിശ്വനാഥൻ എന്നിവരും "ഐ ആം ഗെയിം"-ൽ പ്രധാന വേഷങ്ങളിൽ എത്തുന്നു.