ഈ പടത്തിൽ ഇന്ന് ഓർമ്മയിൽ മാത്രമുള്ള മൂന്നു പേർ! വിറകയ്യോടെ, തുളുമ്പും ഓർമ്മകളിലൂടെ വേണുഗോപാൽ

പ്രിയപ്പെട്ട ഒരു ചിത്രത്തിന്റെ കഥയുമായി ഗായകൻ വേണുഗോപാൽ . ഒപ്പം ചിത്രത്തിലേക്ക് എത്തിയ നിമിഷത്തികുറിച്ചുകൂടി ആണ് അദ്ദേഹം മനസ് തുറക്കുന്നത്

വേണുഗോപാലിന്റെ വാക്കുകൾ

ഓർമ്മകളുടെ തീവണ്ടി ചൂളം വിളിച്ച് ഒന്ന് പിന്നോട്ടോടിയാൽ, പാട്ടുകളുടെ പഴയ നഗരിയിലെത്തും. അവിടെ, ഈ പടത്തിൽ ഇന്ന് ഓർമ്മയിൽ മാത്രമുള്ള മൂന്നു പേർ!

ALSO READ: എയ്ൻ ഹണിക്ക് മകൾ ആണ് നടാഷ, ശ്രുതിക്ക് അമ്മയാണ് കല്യാണപെണ്ണ്; ട്രാൻസ് കുടുംബത്തിലെ മറ്റൊരു വിവാഹമാമാങ്കം

അസാമാന്യ പ്രതിഭകൾ എന്ന് മെല്ലെയൊന്നും പറഞ്ഞാൽ പോരാ അവരെപ്പറ്റി. 1984 ൽ എൻ്റെ ആദ്യ നാല് വരികൾക്ക് ( ഓടരുതമ്മാവാ ആളറിയാം) രൂപം നൽകിയ ശ്രീനിയേട്ടൻ. അഭിനയിക്കാനായി എത്തിയപ്പോൾ, അഭിനയിക്കാനിവിടെ സിനിമാക്കഥയില്ല, അതുണ്ടാക്കിയാട്ടേ എന്ന ആജ്ഞ ശിരസാവഹിച്ച് മലയാളത്തിലെ എണ്ണം പറഞ്ഞ തിരക്കഥകളുടേയും സിനിമകളുടേയും ഭാഗമായ ശ്രീനിയേട്ടൻ. 1985 ൽ ആകാശവാണി തൃശ്ശൂർ നിലയത്തിൽ ഒരു ലളിതഗാനം പാടി പരിചയപ്പെട്ട മുല്ലനേഴി മാഷ്.

ALSO READ: അഭിനയം നിര്‍ത്തിയോ, കേരളം വിട്ടോ ? എല്ലാവരുടെ സംശയത്തിനും മറുപടി നല്‍കി ലെന

" വാനിൽ മതിലുണ്ട് ..... ഭൂമിക്കതിരുണ്ട് .... ഭൂതങ്ങൾ വേർപിരിഞ്ഞാൽ ജീവിതമുണ്ട് " ഇതായിരുന്നു ഞാൻ പാടിയ ആദ്യ മുല്ലനേഴി ഗാനം, അനന്തപത്മനാഭൻ ( വീണ) സംഗീതം. വല്ലപ്പോഴും മാത്രം മലയാള സിനിമാ സംഗീതത്തെ സന്ദർശിക്കുമ്പോൾ തൻ്റെ മാറാപ്പ് കുടഞ്ഞ് ബാക്കിയുള്ള ഒന്നോ രണ്ടോ മുത്തും പവിഴവും അവിടെ അവശേഷിപ്പിച്ചു പോന്നിരുന്ന കാവ്യപഥികൻ! മലയാള സംഗീതത്തിൻ്റെ ജോൺസൺ യുഗത്തിൽ എന്നെയും കൂടെ ചേർത്ത ജോൺസേട്ടൻ! ഓർമ്മകളുടെ ഈ ട്രെയിനിൻ്റെ യാത്രയുടെ ഗതിയും വേഗതയും നിയന്ത്രിക്കുന്ന സത്യേട്ടൻ!

ഇത് "നരേന്ദ്രൻ മകൻ ജയകാന്തൻ " എന്ന സിനിമയുടെ പൂജ റിക്കാർഡിംഗ് വേളയിൽ എടുത്ത പടം. ഞാനും സത്യേട്ടനും ബാക്കി. മറ്റ് മൂന്നു പേരും യാത്രാമംഗളങ്ങൾക്ക് കാത്ത് നിൽക്കാതെ അദൃശ്യരായ് വേർപിരിഞ്ഞിരിക്കുന്നു. മലയാള സിനിമയുടെയും സംഗീതത്തിൻ്റെയും തീരാ നഷ്ടക്കണക്കുകളിൽ ഇവരുടെ അഭാവവും ചേർക്കുന്നു ഞാൻ, വിറകയ്യോടെ, തുളുമ്പും ഓർമ്മകളിലൂടെ!