ഈ പാവം കൊച്ചിനെ എങ്ങനെ കൊല്ലാന്‍ തോന്നി എന്ന ചോദ്യത്തിന് അര്‍ജുന്‍ ദാസിന്റെ മറുപടി, അവളോടുള്ള എന്റെ സ്‌നേഹം അത്രയും സിന്‍സിയര്‍ ആയിരുന്നു

Authored byഅശ്വിനി പി | Samayam Malayalam | Updated: 18 Apr 2025, 3:14 pm

ഗുഡ് ബാഡ് അഗ്ലി എന്ന ചിത്രത്തെ കുറിച്ചാണ് ഇപ്പോള്‍ സോഷ്യല്‍ മീഡിയ മുഴുവന്‍ സംസാരിക്കുന്നത്. കട്ട അജിത്ത് ഫാന്‍ ആയ ആദ്വിക് സംവിധാനം ചെയ്ത ചിത്രത്തില്‍ മലയാളിയായ പ്രിയ പ്രകാശ് വാര്യരും കൈയ്യടി നേടുന്നു. തൃഷ കൃഷ്ണന്‍, സിമ്രന്‍, അര്‍ജുന്‍ ദാസ് തുടങ്ങിയ നിരവധി താരങ്ങളും കഥാപാത്രങ്ങളായി എത്തുന്ന ചിത്രം അജിത്ത് ഫാന്‍സ് ആഘോഷിക്കുകയാണിപ്പോള്‍. ആരാധകരും ആ ഹാങ് ഓവറില്‍ ആണ്.

1999 ല്‍ ഇറങ്ങിയ എതിരും പതിരും എന്ന ചിത്രത്തില്‍ സിമ്രന്‍ ആടി തിമര്‍ത്ത തൊട്ടു തൊട്ടു പേസും സുല്‍ത്താന എന്ന പാട്ട് ഗുഡ് ബാഡ് അഗ്ലിയില്‍ റീ ക്രിയേറ്റ് ചെയ്യുന്നുണ്ട്. പ്രിയ പ്രകാശ് വാര്യരാണ് സിമ്രന് പകരം ആ പാട്ട് രംഗത്ത് എത്തുന്നത്. ഇതോടെ തമിഴകത്തെ കുട്ടി സിമ്രന്‍ എന്ന പേരും പ്രിയയ്ക്ക് ലഭിച്ചു കഴിഞ്ഞു. തമിഴില്‍ ഇപ്പോള്‍ വന്‍ വൈറലാവുന്ന പ്രിയ, സിനിമയുടെ അവസാനത്തില്‍ മരിക്കുന്നതാണ് ആരാധകര്‍ക്ക് സഹിക്കാത്തത്.

Also Read: സത്യം പുറത്തു വരും, അന്നു പല മുഖം മൂടികളും പിച്ചി ചീന്തപ്പെടും; ഇന്നത്തെ അവസ്ഥ കണ്ട് തിലകന്‍ മുകളില്‍ നിന്ന് പൊട്ടിച്ചിരിക്കുന്നുണ്ടാവും എന്ന് വിനയവന്‍

'എന്നാലും ഈ പാവം കൊച്ചിനെ എങ്ങനെ കൊല്ലാന്‍ തോന്നി' എന്ന് ചോദിച്ച് ചിലര്‍ അര്‍ജുന്‍ ദാസിന്റെ സോഷ്യല്‍ മീഡിയയിലും എത്തുന്നുണ്ട്. അതിന് അര്‍ജുന്‍ നല്‍കിയ പ്രതികരണമാണ് ഇപ്പോള്‍ വൈറലാവുന്നത്. 'എനിക്ക് അവളോടുള്ള പ്രണയം അത്രയും സിന്‍സിയര്‍ ആയിരുന്നു, പക്ഷേ അതിനെക്കാള്‍ സിന്‍സിയര്‍ ആയിരുന്നു ഞങ്ങളുടെ പകയുടെ കാര്യത്തില്‍' എന്ന്. ഗുഡ് ബാഡ് അഗ്ലിയുടെ വിജയാഘോഷത്തിലും അര്‍ജുന്‍ ദാസ് ഇത് ആവര്‍ത്തിച്ച് പറയുന്നുണ്ട്, ആ സ്‌നേഹം സിന്‍സിയര്‍ ആയിരുന്നു എന്ന്.

പ്രിയ പ്രകാശ് വാര്യരുടെ രണ്ടാമത്തെ തമിഴ് ചിത്രമാണ് ഗുഡ് ബാഡ് അഗ്ലി. ധനുഷ് സംവിധാനം ചെയ്ത നിലാവുക്ക് എന്‍മേല്‍ എന്നടി കോപം എന്ന ചിത്രത്തിലാണ് പ്രിയ ആദ്യം അഭിനയിച്ചത്. അതിനും മികച്ച സ്വീകരണം ലഭിച്ചിരുന്നു. രണ്ടാമത്തെ ചിത്രം അജിത്തിനൊപ്പം, അതിലും വന്‍ സ്വീകരണം. ഇനിയും തമിഴില്‍ ഒരുപാട് സിനിമകള്‍ ചെയ്യാനാണ് ആഗ്രഹം എന്ന് പ്രിയ പറയുന്നു.