ഈ സ്നേഹവും സൗഹൃദവും തന്നെയാണ് ഏറ്റവും വലുത്, ജിമിൻ എനിക്കെന്റെ ഇളയ സഹോദരനാണ് എന്ന് ജെ-ഹോപ്

Authored by: അശ്വിനി പി|Samayam Malayalam•14 Jul 2025, 1:40 pm

കൊറിയൻ പോപ് മ്യൂസിക് ബാന്റായ ബിടിഎസിനെയും അതിലെ അംഗങ്ങളായ ഏഴ് പേരെയും പ്രത്യേകിച്ച് പരിചയപ്പെടുത്തേണ്ടതില്ല. അതിൽ ഓരോരുത്തരും പരസ്പരം നൽകുന്ന സ്നേഹവും പിന്തുണയും വളരെ വലുതുമാണ്. എന്നാൽ പലപ്പോഴും ജിമിനും ജെ ഹോപ്പും തമ്മിലുള്ള സൗഹൃദത്തിന് ഒരു പ്രത്യേകത ഉള്ളതായി ആരാധകർക്ക് തോന്നിയിട്ടുണ്ട്. അതിന്റെ ഏറ്റവും ഒടുവിലത്തെ തെളിവാണ് ലോളാപലൂസ ബെർലിനിൽ നടന്നത്.

ജെ- ഹോപ്പിന്റെ ലോളാപലൂസ ബെർലിൻ പെർഫോമൻസ് ആരാധകർക്കായി ലൈവ് ഷോ നടത്തിയിരുന്നു. ഷോയിൽ ജിമിന് നേരിട്ട് എത്താൻ സാധിച്ചില്ല എങ്കിലും ലൈവ് സ്ട്രീം വഴി ജെ-ഹോപ്പിന്റെ പ്രകടനം കണ്ട് പിന്തുണച്ചു.

ജെ-ഹോപ്പിന്റെ ഏറ്റവും വലിയ ആരാധകൻ ജിമിൻ തന്നെയാണെന്ന് ഉറപ്പിക്കും വിധമായിരുന്നു ആ പിന്തുണയും പ്രോത്സാഹനവും. സെപ്റ്റംബർ 7-ന് ടെലികോം മെയിൻ സ്റ്റേജിൽ നടന്ന ജെ-ഹോപ്പിന്റെ ലോളാപലൂസ ബെർലിൻ പ്രകടനം ബിടിഎസിന്റെ വീവേഴ്സ് ലൈവിൽ സംപ്രേക്ഷണം ചെയ്തിരുന്നു.

Also Read: 31 വയസ്സേ ഉണ്ടായിരുന്നുള്ളൂ, അസുഖം വന്ന് അവശയായപ്പോഴും പൊരുതി നിന്നു, അവസാനം മരണത്തിന് കീഴടങ്ങി കാങ് സിയോ ഹാ

ഈ ലൈവ് കണ്ടവരിൽ ആദ്യത്തെയാളുകളിൽ ഒരാളായിരുന്നു ജിമിൻ. പ്രകടനം അവസാനിക്കുന്നത് വരെ ജിമിൻ ജെ-ഹോപ്പിന് വേണ്ടി ആർപ്പുവിളിച്ചു. 'കില്ലിൻ' ഇറ്റ് ഗേൾ' പോലെയുള്ള തന്റെ ഹിറ്റ് സോളോ ട്രാക്കുകളും 'മൈക്ക് ഡ്രോപ്പ്' പോലെയുള്ള ബിടിഎസിന്റെ ഹിറ്റ് ഗാനങ്ങളും ജെ-ഹോപ്പ് അവതരിപ്പിക്കുമ്പോൾ ജിമിൻ അദ്ദേഹത്തിന് പൂർണ്ണ പിന്തുണ നൽകുന്നത് കാണാമായിരുന്നു.

ലോളാപലൂസയിലെ ജെ-ഹോപ്പിന്റെ പ്രകടനം ഒരു വലിയ സ്ക്രീനിൽ കണ്ടതിന്റെ ചിത്രങ്ങളും വീഡിയോകളും ജിമിൻ പങ്കുവെച്ചു. ജെ-ഹോപ്പ് വേദിയിൽ 'കില്ലിൻ' ഇറ്റ് ഗേൾ' ഗാനത്തിന് വയറുകൾ കാണിക്കുന്ന വേഷത്തിൽ തകർപ്പൻ പ്രകടനം കാഴ്ചവെച്ചപ്പോൾ, ജിമിനും ആവേശത്തിലായി. താനും ടീ-ഷർട്ട് ഊരിയെന്ന് കാണിക്കാൻ "ഞാനും ഊരി, ഹ്യോങ്!!!" എന്ന അടിക്കുറിപ്പോടെ ജിമിൻ ഒരു ഷർട്ട് ഇല്ലാത്ത ചിത്രവും സോഷ്യൽ മീഡിയിയൽ പങ്കുവച്ചിട്ടുണ്ട്.

കൂടാതെ, ബിടിഎസ് റാപ്പർ അവതരിപ്പിച്ച 'മൈക്ക് ഡ്രോപ്പ്' എന്ന ഗാനവും ജിമിൻ പാടി. വീവേഴ്സ് ലൈവിൽ ജെ-ഹോപ്പിനെ പ്രോത്സാഹിപ്പിച്ചുകൊണ്ട് ധാരാളം കമന്റുകളും ജിമിൻ രേഖപ്പെടുത്തി. ഇതൊക്കെ ജെ ഹോപ്പിനെ വല്ലാതെ ഇമോഷണലാക്കുകയും ചെയ്തിരുന്നു. സോഷ്യൽ മീഡിയയിലൂടെ പങ്കുവച്ച വീഡിയോയിൽ ജിമിന് ജെ ഹോപ്പ് നന്ദി പറയുന്നുണ്ട്. ഇളയ സഹോദരൻ എന്നാണ് ജിമിനെ വിശേഷിപ്പിച്ചത്.


ഞാൻ ജിമിനെ കണ്ടു, പരിപാടി കഴിഞ്ഞ ഉടൻ തന്നെ അവൻ എന്നെ വിളിച്ചു. 2022-ൽ അവൻ ലോളാപലൂസയിൽ നേരിട്ട് വന്ന് എനിക്ക് വേണ്ടി അവൻ ആർപ്പുവിളിച്ചിരുന്നു. ഇത്തവണയും അവൻ തത്സമയം എന്റെ പ്രകടനം കണ്ട് എന്നെ പ്രോത്സാഹിപ്പിച്ചു. നന്ദി ജിമിൻ, നീ ശരിക്കും എന്റെ ഡോങ്സെങ് (ഇളയ സഹോദരൻ) ആണ്- ജെ ഹോപ്പ് പറഞ്ഞു.