എങ്ങനെ കണ്ടുമുട്ടി, എപ്പോൾ പ്രണയത്തിലായി? ധനുഷ് - മൃണാൾ താക്കൂർ ബന്ധത്തെ കുറിച്ചുള്ള കൂടുതൽ വിവരങ്ങൾ

Authored by: അശ്വിനി പി|Samayam Malayalam•6 Aug 2025, 10:55 am

കഴിഞ്ഞ കുറച്ചു ദിവസങ്ങളായി സോഷ്യൽ മീഡിയയിൽ ശക്തമായി പ്രചരിയ്ക്കുന്ന വാർത്തയാണ് ധനുഷും നടി മൃണാൾ താക്കൂറും പ്രണയത്തിലാണ് എന്ന്. ഇരുവരും ഒന്നിച്ചുള്ള ഒരു വീഡിയോ വൈറലായതിനൊപ്പമാണ് പ്രണയ ഗോസിപ്പുകൾ പുറത്തുവന്നത്. മൃണാളിന്റെ കൈകൾ പിടിച്ച് ധനുഷ് സംസാരിക്കുന്ന, വളരെ ക്ലോസായി മൃണാലും അടുത്ത് നിൽക്കുന്നതാണ് വീഡിയോ

അജയ് ദേവ്ഗണിനൊപ്പം അഭിനയിക്കുന്ന, മൃണാളിന്റെ ഏറ്റവും പുതിയ സിനിമയായ സൺ ഓഫ് സർദാർ 2 ന്റെ സ്ക്രീനിങിനായി ധനുഷ് മുംബൈയിലേക്ക് എത്തിയതായ വാർത്തകളും ഉണ്ട്. ഇതിന്റെയൊക്കെ അടിസ്ഥാനത്തിൽ ഇരുവരുടെയും പ്രണയ ബന്ധം ഉറപ്പിക്കുകയാണ് ആരാധകർ. പ്രണയം ബന്ധം സത്യമാണ്, എന്നാൽ അത് നിലവിൽ പരസ്യപ്പെടുത്താൻ ഇരുവരും ആഗ്രഹിക്കുന്നില്ല എന്നാണ് പറയപ്പെടുന്നത്.

എന്നാലും, ധനുഷും മൃണാൾ താക്കൂറും എങ്ങനെ പ്രണയത്തിലായി എന്നാണ് ചിലരുടെ സന്ദേഹം. ഇരുവരും ഒന്നിച്ച് ഒരു സിനിമയിലും അഭിനയിച്ചിട്ടില്ല, എന്തിന് ഒരു തമിഴ് സിനിമ പോലും മൃണാൾ ചെയ്തിട്ടില്ല, പിന്നെ എങ്ങനെ ഇവർ കണ്ടു പരിചയപ്പെട്ടു എന്ന ചോദ്യത്തിനും കൃത്യമായ മറുപടിയുണ്ട്.

Also Read: വിവാഹ ഫോട്ടോകൾ എല്ലാം ഡിലീറ്റ് ചെയ്തു, ഹൻസികയും വിവാഹ മോചിതയാകുന്നു; വെറും 3 വർഷം കൊണ്ട് എല്ലാം അവസാനിച്ചോ?

ഹിന്ദി മിനിസ്ക്രീൻ സീരിയലസുകളിലൂടെ അഭിനയാരങ്ങേറ്റം കുറിച്ച മൃണാൾ താക്കൂർ മാറാത്തി സിനിമകളിലെ നായികയായി ബിഗ് സ്ക്രീനിലേക്ക് എത്തി. തുടർന്ന് ഹിന്ദി സിനിമകളിൽ സജീവമാവുന്നതിനൊപ്പം തെലുങ്ക് സിനിമാ ഇന്റസ്ട്രിയിൽ തരംഗമായി. ദുൽഖർ സൽമാന്റെ നായികയായി സീതാരാമം സിനിമ ചെയ്തതോടെയാണ് സൗത്ത് ഇന്ത്യൻ സിനിമാ ആരാധകർ മൃണാലിനെ ഇരുകൈയ്യും നീട്ടി സ്വീകരിച്ചത്.

ബോളിവുഡ് സിനിമകൾക്കൊപ്പം സൗത്ത് ഇന്ത്യൻ സിനിമകളിലും സജീവമായ നടി ഒരു ഈവന്റിലാണ് ധനുഷിനെ കണ്ടുമുട്ടിയത്. ആ പരിചയം സൗഹൃദമായി, പിന്നീട് പ്രണയത്തിന് വഴിമാറി. തുടക്കത്തിൽ സുഹൃത്തുക്കളും ഇവരുടെ പ്രണയത്തിന് വലിയ പിന്തുണ നൽകി. ഡേറ്റിങ് മറച്ചുവയ്ക്കാനായി, ഗ്രൂപ്പ് ഫോട്ടോകൾ പങ്കുവച്ചത് അതിന്റെ ഭാഗമാണത്രെ.

Also Read: ദിവസേന രണ്ടുലക്ഷം രൂപ ഷോപ്പിൽ നിന്നുമാത്രം; യൂട്യൂബിൽ നിന്നും, പ്രമോഷിനിലൂടെ വേറെയും; ദിയ എന്ന ബോൾഡ് ആൻഡ് ബ്യൂട്ടിഫുൾ ലേഡി

വ്യക്തി ജീവിതത്തിന്റെ പേരിൽ എന്നും വാർത്തകളിൽ നിറയുന്ന താരമാണ് ധനുഷ്. രജിനികാന്തിന്റെ മൂത്ത മകൾ ഐശ്വര്യ രജിനികാന്ത് ആയിരുന്നു ധനുഷിന്റെ ആദ്യ ഭാര്യ. തന്നെക്കാൾ പ്രായത്തിൽ മൂത്ത ഐശ്വര്യയുമായുള്ള ധനുഷിന്റെ പ്രണയവും വിവാഹവും എല്ലാം അന്നേ വാർത്തയായിരുന്നു. 2004 ൽ ആണ് ഇരു കുടുംബത്തിന്റെയും അനുഗ്രഹത്തോടെയും ആശിർവാദത്തോടെയും വിവാഹം നടന്നത്.


എന്നാൽ 20 വർഷത്തെ ദാമ്പത്യ ജീവിതത്തിനൊടുവിൽ ധനുഷും ഐശ്വര്യയും 2024 ൽ വേർപിരിഞ്ഞു. ലിങ്ക, യാത്ര എന്നിങ്ങനെ രണ്ട് മക്കൾ ധനുഷിനുണ്ട്. വിവാഹ ബന്ധം വേർപിരിഞ്ഞുവെങ്കിലും മക്കളുടെ കാര്യത്തിന് വേണ്ടി ഇരുവരും ഒന്നിച്ചെത്താറുണ്ട്. പാരന്റ്സ് എന്ന നിലയിൽ തങ്ങളുടെ ഉത്തരവാദിത്വങ്ങളിൽ നിന്ന് ധനുഷും ഐശ്വര്യയും മാറി നിൽക്കാറില്ല. അങ്ങനെ ഒത്തു ചേരുന്ന ചിത്രങ്ങളും സോഷ്യൽ മീഡിയയിൽ വൈറലാണ്.