എന്താ ബിജിഎം, എന്താ സിനിമ; ബൾട്ടി സിനിമ കണ്ടവരുടെ പ്രതികരണം, ഇത് നവാ​ഗത സംവിധായകന്റെ സിനിമയാണെന്ന് വിശ്വസിക്കാൻ വയ്യ!

1 year ago 30

Authored by: അശ്വിനി പി|Samayam Malayalam•26 Sept 2025, 1:17 pm

ഷെയിൻ നി​ഗവും ശാന്തനു ഭാ​ഗ്യരാജും ഒരുമിച്ച് എത്തുന്ന ആക്ഷൻ എന്റർടൈൻമെന്റ് സ്പോട്സ് ചിത്രമായ ബൾട്ടി തിയേറ്ററുകളിലെത്തി. ​ഗംഭീര പ്രതികരണങ്ങളാണ് സിനിമയ്ക്ക് ലഭിച്ചുകൊണ്ടിരിയ്ക്കുന്നത്.

baltiബൾട്ടി സോഷ്യൽ മീഡിയ റിയാക്ഷൻ
വലിയ കൊട്ടിഘോഷങ്ങളൊന്നും ഇല്ലാതെയാണ് ഇന്ന് ബൾട്ടി എന്ന ചിത്രം തിയേറ്ററിൽ റിലീസായത്. ഷെയിൻ നിഗവും ശാന്തനു ഭാഗ്യരാജും കേന്ദ്ര കഥാപാത്രങ്ങളായി എത്തിയ ചിത്രം തിരക്കഥ എഴുതി സംവിധാനം ചെയ്തത് നവാഗതനായ ഉണ്ണി ശിവലിംഗമാണ്. ചിത്രത്തിന്റെ ഫസ്റ്റ് ഡേ ഫസ്റ്റ് ഷോ പുറത്തുവരുമ്പോഴേക്കും ഗംഭീര പ്രതികരണങ്ങളാണ് പ്രേക്ഷകരിൽ നിന്നും വരുന്നത്.

കൊമേർഷ്യലി അതി ഗംഭീരമാണ് സിനിമയെന്ന് എക്സ് (ട്വിറ്റർ) റിവ്യൂസ് വരുന്നു. കബടി രംഗങ്ങളും ആക്ഷൻ രംഗങ്ങളും അതിഗംഭീരമാണ്, അതിനൊപ്പം നിൽക്കുന്ന ബിജിഎം ആണ് മറ്റൊരു ഹൈലൈറ്റ്. പ്രശസ്ത ഗായകരായ ടിപ്പുവിന്റെയും ഹരിണിയുടെയും മകനും ഗായകനുമായ സായി അഭ്യാങ്കറാണ് ചിത്രത്തിന് സംഗീതം നൽകിയിരിക്കുന്നത്. വൈറലായ കട്ചി സേര എന്ന പാട്ട് പാടിക്കൊണ്ട് പിന്നണി ഗാനലോകത്തേക്ക് വന്ന അഭ്യാങ്കറിന്റെ സംഗീത സംവിധായകൻ എന്ന നിലയിലുള്ള അരങ്ങേറ്റമാണ്.

Also Read: പ്രണവ് ജർമ്മനയിൽ മീനാക്ഷിയും പുറത്താണ്; പൃഥ്വി എത്തിയില്ല; മഞ്ജു ഇത്തവണയും വിട്ടുനിന്നു; താര നിബിഢമായി കല്യാൺ നവരാത്രി

ഡീസന്റ് പെർഫോമൻസും മികച്ച ആക്ഷൻ രംഗങ്ങളുമുള്ള ഒരു നല്ല സിനിമ. സായി അഭ്യാങ്കറിന്റെ മ്യൂസിക് ഒരു പഞ്ച് നൽകുന്നു, പക്ഷേ എന്തോ ഒന്ന് മിസ്സിങ് ആണ് എന്ന് ഒരാൾ കമന്റ് എഴുതുന്നു. ചിത്രത്തിന്റെ രണ്ടാം ഭാഗത്തിന് വേണ്ടി കാത്തിരിക്കുന്നു എന്നും ഈ പോസ്റ്റിൽ പറയുന്നുണ്ട്. അതെടോ ബൾട്ടിയ്ക്ക് രണ്ടാം ഭാഗം ഉണ്ട് എന്നും ഉറപ്പിച്ചിരിയ്ക്കുന്നു.

Also Read: ഹൃദയപൂർവ്വവും കുതിരയും സുമതി വളവും എവിടെ കാണാം? ഈ ആഴ്ച ഒടിടിയിൽ റിലീസ് ചെയ്യുന്ന 5 മലയാള സിനിമകൾ

രണ്ടാം പകുതി കഴിഞ്ഞപ്പോൾ തന്നെ ആവേശം നൽകുന്ന അഭിപ്രായങ്ങൾ എക്സിൽ വന്നു തുടങ്ങിയിരുന്നു. ഗംഭീരമായ ഫസ്റ്റ് ഹാഫ്, ഉണ്ണി സിവലിംഗം സൃഷ്ടിച്ച ലോകം ഇഷ്ടപ്പെട്ടു പോകുന്നു. ഇദ്ദേഹത്തിന്റെ ആദ്യ ചിത്രമാണ് ഇതെന്ന് വിശ്വസിക്കാൻ പ്രയാസമാണ്, സെക്കന്റ് ഹാഫും ഈ ഒരു സ്പിരിറ്റ് നൽകിയാൽ ചിത്രം ഗംഭീരമായിരിക്കും- എന്ന നിലയിലാണ് ഫസ്റ്റ് ഹാഫിന് ശേഷം വന്ന പ്രതികരണങ്ങൾ.

പ്രവാസികളെ ശ്രദ്ധിക്കുക; AI എഡിറ്റിംഗിലൂടെ പണി വാങ്ങരുത്


സെക്കന്റ് ഹാഫും അത് നിലനിർത്തി എന്നാണ് ഷോ പൂർണമായതിന് ശേഷം ലഭിയ്ക്കുന്ന പ്രതികരണങ്ങൾ. പെർഫോമൻസ് ആണെങ്കിലും, ബിടിഎം ആണെങ്കിലും, അവതരണം ആണെങ്കിലും എല്ലാം മാസ്. ചിത്രം പക്ക ഒരു സ്പോട്സ് ആക്ഷൻ ഡ്രാമയാണെന്ന് ജനം ആദ്യ ഷോയ്ക്ക് ശേഷം വിധി എഴുതിക്കഴിഞ്ഞു. ഇപ്പോഴും ഗംഭീരമായ അഭിപ്രായങ്ങൾ വന്നുകൊണ്ടിരിയ്ക്കുകയാണ്.
അശ്വിനി പി

രചയിതാവിനെക്കുറിച്ച്അശ്വിനി പിസമയം മലയാളത്തില്‍ എന്റര്‍ടൈന്‍മെന്റ് സെക്ഷനില്‍ സീനിയർ ഡിജിറ്റൽ കണ്ടൻ്റ് പ്രൊഡ്യൂസറാണ് അശ്വിനി പി. 2013 ലാണ് പത്രപ്രവർത്തക എന്ന നിലയിലുള്ള കരിയർ ആരംഭിച്ചത്. വൺഇന്ത്യ - ഫിൽമിബീറ്റ് പോലുള്ള ദേശീയ മാധ്യമങ്ങളിൽ പ്രവ‍ൃത്തിച്ചു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനുമാണ് താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. സിനിമ ചർച്ചകളിൽ പങ്കെടുത്തിട്ടുണ്ട്. നവമാധ്യമ രംഗത്ത് പന്ത്രണ്ട് വര്‍ഷത്തെ പ്രവൃത്തി പരിചയം. പൊളിട്ടിക്കല്‍ സയന്‍സില്‍ ബിരുദവും ജേര്‍ണലിസത്തില്‍ ഡിപ്ലോമയും നേടി.... കൂടുതൽ വായിക്കുക

Read Entire Article