എന്താ സംഭവിക്കുന്നത് എന്ന് എനിക്ക് തന്നെ മനസ്സിലാവുന്നില്ല, കിട്ടുന്നതെല്ലാം ഭാ​ഗ്യം; തന്റെ ഇപ്പോഴത്തെ സമയത്തെ കുറിച്ച് മമിത ബൈജു

Authored by: അശ്വിനി പി|Samayam Malayalam•18 Oct 2025, 5:38 pm

മലയാള സിനിമയിൽ ഇപ്പോൾ ഏറ്റവും തിരക്കുള്ള നായിക നടിയാണ് മമിത ബൈജു, പക്ഷേ തിരക്ക് അങ്ങ് തമിഴകത്താണെന്ന് മാത്രം. കഴിഞ്ഞ ദിവസം റിലീസ് ആയ മമിതയുടെ ഡ്യൂഡ് എന്ന ചിത്രത്തിന് മികച്ച അഭിപ്രായങ്ങളാണ് വന്നുകൊണ്ടിരിയ്ക്കുന്നത്. ചിത്രത്തിലെ മമിതയുടെ പ്രകടനവും കൈയ്യടി നേടുന്നു. ലവ് ടുഡെ, ഡ്രാഗൺ എന്നീ ചിത്രങ്ങൾക്ക് ശേഷമുള്ള പ്രദീപ് രംഗനാഥന്റെ ഹാട്രിക് ഹിറ്റാണ് ഡ്യൂഡ്.

പ്രദീപ് രംഗനാഥന് ശേഷം ഇനി മമിത ബൈജുവിന്റേതായി തമിഴിൽ ഒരുങ്ങുന്ന സിനിമകൾ വിജയ് യുടെയിം സൂര്യയുടെയുമൊക്കെയാണ്. മലയാളത്തിൽ നിന്നും പോയ ഒരു നടിയ്ക്ക് തമിഴിൽ ഇത്രയധികം സ്വീകരണം കിട്ടുന്നത് വലിയ അഭിമാനമുള്ള കാര്യമാണ്. എങ്ങോട്ടാണ് മമിതയുടെ പോക്ക് എന്ന് ചോദിച്ചാൽ, സത്യം പറഞ്ഞാൽ താനും വണ്ടറടിച്ച് ഇരിക്കുകയാണെന്നാണ് നടിയുടെ മറുപടി.

Also Read: എല്ലാം മഞ്ജു വാര്യർ ക്ഷമിയ്ക്കുന്നതിന്റെ കാരണം ഇതോ? ശരിക്കുള്ള പ്രണയം അതാണെന്ന് നടി

പ്രേമലു എന്ന ചിത്രത്തിന് ശേഷം ഒരു വർഷത്തിനകം തന്റെ ജീവിതത്തിൽ സംഭവിച്ച വലിയ മാറ്റങ്ങളെ കുറിച്ച് മമിത ബൈജു സംസാരിക്കുന്നു. പേളി മാണി ഷോയിൽ പേളിയുടെ ചോദ്യത്തിന് ഉത്തരം നൽകുകയായിരുന്നു നടി

എന്റെ ജീവിതത്തിൽ ഇപ്പോൾ സംഭവിച്ചുകൊണ്ടിരിക്കുന്നത് എന്താണോ, അത് ഞാനും പ്രോസസ് ചെയ്തു വരുന്നതേയുള്ളൂ. പ്രേമലു കഴിഞ്ഞു, അത് റിലീസ് ആവുമ്പോഴേക്കും കുറച്ച് സിനിമകൾ വന്നു, അതിൽ ഞാൻ ആദ്യം കേട്ട സ്ക്രിപ്റ്റ് ആണ് ഡ്യൂഡ്. കൃത്യമായി പറഞ്ഞാൽ പ്രേമലു റിലീസ് ചെയ്ത് ഒരാഴ്ചയ്ക്കകം. കഥ ഇഷ്ടപ്പെട്ടു, ഞാനത് ചെയ്യാം എന്ന് തീരുമാനിച്ചു.

Also Read: ഒരു ചേട്ടൻ എന്ന നിലയിൽ പറഞ്ഞവരെ ഇടിക്കണമെന്നുണ്ട്, പക്ഷേ പറ്റില്ലല്ലോ; മാളവികയ്ക്കുണ്ടായ അനുഭവത്തെ കുറിച്ച് കാളിദാസ്

പിന്നെ നോക്കുമ്പോഴേക്കും വിജയ് സാറിന്റെ ജന നായകൻ എന്ന സിനിമ വരുന്നു, അത് കഴിഞ്ഞ് സൂര്യ സാറിന്റെ സിനിമ വരുന്നു.. എനിക്ക് തന്നെ മനസ്സിലാവുന്നില്ല എന്താണ് നടക്കുന്നത് എന്ന്. അതൊക്കെ ഇപ്പോഴും ഞാൻ പ്രോസസ് ചെയ്തു വരുന്നതേയുള്ളൂ. എനിക്കറിയില്ല ഞാൻ തമിഴിൽ ഒരു ഫുൾ ഫ്ലെഡ്ജ്ഡ് ഹീറോയിൻ വേഷം ചെയ്യുമ്പോൾ അവിടെയുള്ള ആളുകൾ എങ്ങനെ സ്വീകരിക്കും എന്ന്.


പക്ഷേ നിലവിൽ ഞാൻ എനിക്ക് കിട്ടുന്ന റോളുകളും കിട്ടുന്ന ഭാഗ്യവും എല്ലാം വച്ചിട്ട് അങ്ങനെ പോയിക്കൊണ്ടിരിക്കുന്നു എന്നേയുള്ളൂ, അത് മാക്സിമം ഉപയോഗിക്കുന്നു. ഒഴുക്കിന് അനുസരിച്ച് പോകുന്നു, അതിൽ ഞാൻ വളരെ അധികം ഹാപ്പിയുമാണ്- മമിത ബൈജു പറഞ്ഞു