എന്താണ് ആ സർപ്രൈസ്, നിമിഷുമായുള്ള വിവാഹം ഉറപ്പിച്ചോ? അതോ..; സർപ്രൈസ് പോസ്റ്റുമായി അഹാന കൃഷ്ണ

Authored by: അശ്വിനി പി|Samayam Malayalam•12 Aug 2025, 5:02 pm

കൃഷ്ണ കുമാറിന്റെ കുടുംബത്തിലെ വിശേഷങ്ങൾ എല്ലാം സബ്സ്ക്രൈബേഴ്സിന് സ്വന്തം വീട്ടിലെ കാര്യങ്ങളെക്കാൾ അറിയാം എന്നാണ് പറയപ്പെടുന്നത്. ആറോളം യൂട്യൂബ് ചാനലുകളിലൂടെയും ഓരോരുത്തരുടെയും ഇൻസ്റ്റഗ്രാം പോസ്റ്റിലൂടെയും കുടുംബത്തിലെ ഓരോ വിശേഷങ്ങളും ആരാധകർ അറിയുന്നുണ്ട്. ഇനിയെന്താണ് എന്ന് നോക്കിയിരിക്കുന്ന് ആരാധകർക്കിടയിലേക്കാണ് അഹാന ഒരു സർപ്രൈസ് പോസ്റ്റ് പങ്കുവച്ചിരിയ്ക്കുന്നത്.

ഓഗസ്റ്റ് 14 ന് വൈകുന്നേരം നാല് മണിക്ക് ഒരു സർപ്രൈസ് വാർത്തയുണ്ട് എന്ന് പറഞ്ഞുകൊണ്ടാണ് പോസ്റ്റ്. ഏതാനും സൂചനകളും പോസ്റ്റിൽ നൽകിയിട്ടുണ്ട്. മൊത്തം ഒരു പർപ്പിൾ കളറും, ഗ്രേപ്സ് മയവുമാണ് പോസ്റ്റ്. ഞങ്ങളുടെ ഹൃദയത്തിന്റെ ഒരു ഭാഗം, ഒരു കാര്യമുണ്ട്. ഊഹിച്ചു പറയും. അല്ലെങ്കിൽ 14 ആം തിയ്യത് വൈകുന്നരം നാല് മണിക്ക് ഇവിടെ എത്തൂ- എന്നാണ് അഹാന പറയുന്നത്.

Also Read: മലയാളി നടിയുടെ മകൻ, ഒരു കാലത്തെ പരസ്യ ചിത്രങ്ങളിൽ സൂപ്പർ താരം; കരൾ രോഗം രൂപം തന്നെ മാറ്റിയ അഭിനയുടെ ഇന്നത്തെ അവസ്ഥ?

കുറേ ഏറെ ഹൃദയത്തിന്റെ ഇമോജികളും ഉണ്ട്. ദിയ കൃഷ്ണയെ ഒഴികെ, മറ്റ് നാല് പേരെയും ടാഗ് ചെയ്തുകൊണ്ടാണ് പോസ്റ്റ്. സിന്ധു കൃഷ്ണയും അഹാന കൃഷ്ണയും ഇഷാനി കൃഷ്ണയും എല്ലാം പോസ്റ്റിന് താഴെ ലൈക്കും കമന്റും ഇട്ടിട്ടുണ്ട്. പർപ്പിൾ നിറത്തിലുള്ള ജമന്തിയുടെ ചിത്രങ്ങളും, മുന്തിരികളും ഒക്കെയാണ് ചിത്രങ്ങളായി നൽകിയിരിക്കുന്നത്.

ഒരു ഫോട്ടോ, ഡാർക്ക് പർപ്പിൾ നിറത്തിലുള്ള രണ്ട് കേക്കിന്റെ ചിത്രങ്ങളാണ്, അതിലൊരു കേക്ക് ലവ് ഷേപ്പിലും, ഒരു കേക്ക് പൗ ഡോഗിന്റെ കാൽ പാദവും പോലെ തോന്നിക്കുന്നു. വിത്ത് ലവ് എന്ന് എഴുതിയ ഒരു ഫോട്ടോയ്ക്കൊപ്പമാണ് പോസ്റ്റ് അവസാനിക്കുന്നത്. ഇതെല്ലാം വച്ച് പല തരത്തിലുള്ള കൺഫ്യൂഷ്യനാണ് ആരാധകർക്ക്

നിമിഷ് രവിയുമായുള്ള വിവാഹം ഉറപ്പിച്ചോ, 14 ന് നിശ്ചയമാണോ എന്ന് ചോദിച്ച് നിരവധി കമന്റുകൾ വരുന്നുണ്ട്. അതല്ല പൗ ഡോഗിനെ വാങ്ങിയോ എന്നാണ് ചിലരുടെ സംശയം. നായകളെയും പൂച്ചകളെയും ഒന്നും വീട്ടിൽ ആർക്കും ഇഷ്ടമില്ല എന്ന് നേരത്തെ പറഞ്ഞതു കാരണം ആ സാധ്യ തള്ളിക്കളയുന്നവരാണ് ഭൂരിഭാഗവും.


ഇനി ഓമി ബേബിയുടെ ഫേസ് റിവീൽ ചെയ്യുകയാണോ എന്ന് സംശയിക്കാത്തവരും ഇല്ല. എന്നാലും ദിയ കൃഷ്ണയെ എന്തുകൊണ്ട് ടാഗ് ചെയ്തില്ല എന്നാണ് വേറെ ചിലരുടെ ചോദ്യം. അതൊന്നുമല്ല, ചിലപ്പോൾ അഹാനയുടെ പുതിയ എന്തെങ്കിലും പ്രൊജക്ടിന്റെ അനൗൺസ്മെന്റ് ആവും എന്ന് കമന്റ് ചെയ്യുന്നവരുമുണ്ട്.