എന്തോ പറഞ്ഞിട്ട് ഒരു കിളവൻ പോയി എന്നല്ലാതെ മറ്റൊന്നും ചിന്തിച്ചില്ല; പ്രവചനം സത്യമായി; അയാൾ സൂപ്പർ ഹീറോ ആയില്ലേ

Authored by: ഋതു നായർ|Samayam Malayalam•2 Jul 2025, 11:05 am

മലയാള സിനിമ ഒരിക്കൽ ദിലീപ് അടക്കി ഭരിക്കുമെന്ന് വര്ഷങ്ങള്ക്ക് മുൻപേ ഒരു അപ്പൂപ്പൻ പ്രവചിച്ചിരുന്നുവെന്ന് നടൻ നന്ദു. പിടക്കോഴി കൂവുന്ന നൂറ്റാണ്ട് സിനിമയുടെ ഷൂട്ടിങ് സ്ഥലത്തുവച്ചാണ് ഒരു തൊണ്ണൂറു വയസോളം പ്രായമുള്ള ഒരാൾ ദിലീപിന്റെ ഭാവി പ്രവചിച്ചതെന്നും നന്ദു പറയുന്നു. അന്ന് ഒരു കിളവൻ പറഞ്ഞത് തള്ളിവിട്ടു എന്നാൽ ദിലീപിന്റെ കാര്യത്തിൽ അത് അച്ചട്ടായി ഫലിച്ചു എന്നും നന്ദു പറയുന്നു.

പിടക്കോഴി കൂവുന്ന നൂറ്റാണ്ട് ഷൂട്ടിങ് സമയം. മനോജിന്റെ സുഹൃത്തുക്കൾ ആയി അഭിനയിക്കാൻ വേണ്ടി ഞാൻ യദു കൃഷ്ണൻ ജഗന്നാഥൻ മാഷ് ഒക്കെയാണ് ഉണ്ടായിരുന്നത്. ആ സിനിമയുടെ നിർമ്മാണം ഉർവശി ആണ്. അന്ന് അവരുടെ പ്രേമിക്കുന്ന സമയം ഒക്കെയാണ്. ദിലീപ് ആ സമയത്ത് ചെറിയ വേഷങ്ങൾ ഒക്കെ ചെയ്യുന്ന നാൾ. കമലിക്കയുടെ അസിസ്റ്റൻറ് ഡയറക്ടർ ആയിട്ടൊക്കെ ദിലീപ് വർക്ക് ചെയ്യുന്ന സമയമാണ്.

അഭിനയത്തിലാണ് അന്നും അദ്ദേഹത്തിന് താത്പര്യം. ഈ സിനിമയിലും ചെറിയ വേഷത്തിൽ ദിലീപ് എത്തുന്നുണ്ട്. സിനിമയുടെ അധികം ഷൂട്ടും ബ്രാഹ്‌മണ സ്ട്രീറ്റുകളിൽ ആണ് നടത്തുന്നത്. കോട്ടക്ക് അകത്തുള്ള ഒന്നാം പുത്തൻ തെരുവ് എന്നൊരു സ്ട്രീറ്റ് പദ്മനാഭ സ്വാമി കോട്ടക്ക് അകത്തുണ്ട്. അവിടെയാണ് മേജർ പാർട്ടും ഷൂട്ട്.ചെയ്യുന്നത്. അവിടെ ഒരു വീട്ടിൽ ആണ് സ്ത്രീ ആർട്ടിസ്റ്റുകൾ താമസിക്കുന്നത്. പാട്ട് ഷൂട്ട് ചെയ്യുന്ന സമയത്താണ്.

ALSO READ:വിവാഹം കഴിക്കാതെ എന്തുകൊണ്ട് കുടുംബത്തിനുവേണ്ടി! സ്വന്തമായി ജീവിതം വേണ്ടേ; മറുപടി ഈ വാക്കുകളിലുണ്ട്
ആണുങ്ങളും പെണ്ണുങ്ങളും ഒക്കെ ഉണ്ട്. ഒരു ആംഗിളിൽ ദിലീപ് ഉണ്ട്. അവിടെ ഒരു വീടിന്റെ പടിയിൽ നമ്മൾ ഇരുന്ന് ഇതുകണ്ടുകൊണ്ട് ഇരിക്കുകയാണ്. അപ്പോൾ അമ്പലത്തിൽ വന്നിട്ട് പോകുന്ന ആളുകൾ അതുവഴി ഇങ്ങനെ പോകുന്നൊക്കെയുണ്ട് . അതിൽ ഒരു തൊണ്ണൂറു വയസോളം വന്ന ഒരു മനുഷ്യൻ. മുണ്ട് ഉടുത്തിട്ടുണ്ട്. പിന്നെ പൂണൂലുണ്ട്. ദേഹത്ത് ഭസ്മമുണ്ട്. കുറിയൊക്കെ ഇട്ടിട്ടുണ്ട് രുദ്രാക്ഷം ഉണ്ട്. അങ്ങനെ അദ്ദേഹം ഷൂട്ടിംഗ് ഒക്കെ ഇങ്ങനെ കണ്ടുകൊണ്ട് വരികയാണ്. അദ്ദേഹത്തിന്റെ വീടിന്റെ നടയിലാണ് ഞങ്ങൾ ഇരുന്നത്. അദ്ദേഹം പടി കയറി കുറെ നേരം ഈ ഷൂട്ടിങ് നോക്കി നിന്നു. എന്നിട്ട് ദിലീപിനെ ചൂണ്ടിക്കാണിച്ചുകൊണ്ട് ആ നിൽക്കുന്ന പയ്യൻ ആരാണെന്ന് ഞങ്ങളോട് ചോദിച്ചു.

ALSO READ: അച്ഛന്റെ വിവാഹം നടത്തി! വർഷങ്ങളായി വിവാഹിതരാകാതെ കഴിഞ്ഞവർ; മക്കളുടെ സാന്നിധ്യത്തിൽ സുമംഗലിയായി ശ്രീലത
ദിലീപെന്നാണ് അയാളുടെ പേര്, അയാൾ ഇതിനകത്ത് അഭിനയിക്കുന്ന ആളാണ് ചെറിയ വേഷങ്ങൾ ചെയ്യുന്ന ആളാണ് എന്ന്പറഞ്ഞു. അയാൾ ഒരു ദിവസം മലയാള സിനിമ ഭരിക്കും, ഉറപ്പാണ് എന്ന് പറഞ്ഞ് അയാൾ വീട്ടിലേക്ക് കയറി പോയി. എന്തോ പറഞ്ഞിട്ട് ഒരു കിളവൻ പോയി എന്ന് നമ്മൾ കരുതി. പക്ഷെ ആ പറഞ്ഞത് സത്യം ആയില്ലേ. ദിലീപ് മലയാള സിനിമയുടെ ടോപ്പ് ലെവലിൽ എത്തിയില്ലേ. സൂപ്പർ ഹീറോ ആയില്ലേ. പിന്നെ ഞാൻ ദിലീപിനെ കണ്ടപ്പോൾ ഇത് പറഞ്ഞു അത് കേട്ടതും അയ്യോ അണ്ണാ അയാൾ എവിടെ എന്ന് ചോദിച്ചു. ഞാൻ പറഞ്ഞു എനിക്ക് അറിയില്ലെന്ന്, അന്ന് അത് നമ്മൾ മൈന്റും ചെയ്തില്ലല്ലോ. എത്ര ആൾക്കാർ എന്തൊക്കെയോ പറയുന്നു. അങ്ങനെ വിട്ടു എന്ന് താൻ മറുപടി നൽകിയെന്നും നന്ദു പറയുന്നു.

എന്നാൽ അയാളെ കണ്ടു പിടിക്കണം അത്രയും കഴിവുള്ള മനുഷ്യൻ ആണെന്ന് ദിലീപ് പറഞ്ഞു പക്ഷെ എങ്ങനെ കണ്ടുപിടിക്കാൻ അയാൾ എന്തോ പറയുന്നു എന്ന രീതിയിൽ നമ്മൾ വിട്ടതല്ലേ. ഇന്ന് അയാൾ ജീവനോടെ ഉണ്ടോ എന്നുപോലും അറിയില്ലെന്നും ഞാൻ പറഞ്ഞു- നന്ദു കൂട്ടിച്ചേർത്തു.