എന്നും നിഴല്‍ പോലെ നിന്റെ കൂടെയുണ്ടാവും, ഇളയ മകളോടുള്ള സ്‌പെഷ്യല്‍ ഇഷ്ടത്തെ കുറിച്ച് സിന്ധു കൃഷ്ണ

1 month ago 5
ഇന്ന് കൃഷ്ണ കുമാറിന്റെയും സിന്ധു കൃഷ്ണയുടെയും ഏറ്റവും ഇളയ മകള്‍ ഹന്‍സിക കൃഷ്ണയുടെ 21 ആം ജന്മദിനമാണ്. ഹന്‍സികയുടെ ഓരോ പിറന്നാളും ആഘോഷമാക്കി മാറ്റാന്‍ വീട്ടുകാര്‍ ശ്രദ്ധിക്കാറുണ്ട്. ഏറ്റവും ഇളയ മകള്‍ ആയതുകൊണ്ട് തന്നെ സ്‌പെഷ്യല്‍ അറ്റന്‍ഷനും ഹന്‍സികയ്ക്ക് തന്നെയാണ്. 20 ാം പിറന്നാള്‍ വരെ ഏറ്റവും ആഘോഷപൂര്‍വ്വമായിട്ട് തന്നെയാണ് നടന്നത്. 21 ആം പിറന്നാള്‍ പുതിയ കുടുംബാംഗം കൂടെ വന്ന സാഹചര്യത്തില്‍ ഏത് തരത്തില്‍ ആഘോഷിക്കും എന്ന് കണ്ടറിയാം.

ഇപ്പോള്‍ ഹന്‍സികയ്ക്ക് കുടുംബത്തിലെ ഓരോരുത്തരായി പിറന്നാള്‍ ആശംസകള്‍ അറിയിച്ചുകൊണ്ടിരിക്കുകയാണ്. ചേച്ചി മാരില്‍ ഹന്‍സുവിന്റെ ബെസ്റ്റ് ഫ്രണ്ട് ഇഷാനിയാണ്, ഇഷാനി ബെസ്റ്റീ എന്ന് വിളിച്ചുകൊണ്ടാണ് ആശംസകള്‍ അറിയിച്ചിരിക്കുന്നു. അഹാനയെ സംബന്ധിച്ച് മകളോടെന്നത് പോലെയുള്ള വാത്സല്യമാണ്. ദിയ അതിന് രണ്ടിനും ഇടയിലാണ് ഹന്‍സികയെ കാണുന്നത്. നിമിഷ് രവിയടക്കം കുടുംബത്തിലെ ഓരോരുത്തരും ഹന്‍സികയ്ക്ക് പിറന്നാള്‍ ആശംസകള്‍ പങ്കുവയ്ക്കുന്നു.

Samayam Malayalamഇത് അല്ലു സ്നേഹ റെഡ്ഡി: അല്ലു അർജുന്‍റെ ഭാര്യയാണ്, സംരംഭകയാണ്, അമ്മയാണ്, ഇന്ത്യയിൽ ഏറ്റവും കൂടുതൽ ആളുകൾ ഫോളോ ചെയ്യുന്ന സെലിബ്രിറ്റിയും
മകള്‍ക്ക് സിന്ധു കൃഷ്ണ അറിയിച്ച പിറന്നാള്‍ ആശംസാ പോസ്റ്റ് ആണ് ഇപ്പോള്‍ ശ്രദ്ധ നേടുന്നത്. ഹന്‍സികയുടെ കുട്ടിക്കാലം മുതലുള്ള ഒരുപാട് ചിത്രങ്ങള്‍ പങ്കുവച്ചുകൊണ്ടാണ് സിന്ധുവിന്റെ പോസ്റ്റ്. എന്നും കുഞ്ഞായി തന്നെ കാണണം എന്നുണ്ടെങ്കിലും നീ വളര്‍ന്നു പോയില്ലേ, എന്നിരുന്നാലും ഒരു നിഴല്‍ പോലെ ഞാന്‍ കൂടെയുണ്ടാവും എന്ന് സിന്ധു പറയുന്നു

സിന്ധു കൃഷ്ണയുടെ ഇന്‍സ്റ്റഗ്രാം പോസ്റ്റ്

എന്റെ രാജകുമാരി ഹന്‍സുവിന് വളരെ സന്തോഷകരവും അനുഗ്രഹീതവുമായ ജന്മദിനാശംസകള്‍ നേരുന്നു. നീ എത്ര വലുതായാലും എനിക്ക് എന്നും എന്റെ കൊച്ചു കുഞ്ഞായിരിക്കും. നീ എന്റെ അവസാനത്തെ കുഞ്ഞാണെന്ന് എനിക്കറിയാമായിരുന്നതുകൊണ്ട്, നിന്റെ വളര്‍ച്ചയിലെ ഓരോ നിമിഷവും ഞാന്‍ അല്പം കൂടുതല്‍ ആസ്വദിക്കുകയും മുറുകെപ്പിടിക്കുകയും ചെയ്തിരുന്നു. നീ വളരുന്നത് കാണുന്നത് വലിയൊരു സന്തോഷമാണ്- എങ്കിലും, ഓടിവന്ന് എന്നെ കെട്ടിപ്പിടിക്കുന്ന ആ കൊച്ചു കുട്ടിയായിത്തന്നെയാണ് നീ എപ്പോഴും എന്റെ മനസ്സിലുള്ളത്. ആ സ്‌നേഹപ്രകടനം എന്റെ ഹൃദയം നിറയ്ക്കുന്നു.

നിന്നെ എന്നും എന്റെ കൊച്ചു കുട്ടിയായിത്തന്നെ നിലനിര്‍ത്താന്‍ കഴിഞ്ഞിരുന്നെങ്കില്‍ എന്ന് ഞാന്‍ ആഗ്രഹിച്ചുപോകുന്നു... പക്ഷേ അതിന് കഴിയില്ലല്ലോ, അതുകൊണ്ട് എന്നും ഞാന്‍ നിന്നെ സ്‌നേഹിക്കുകയും സംരക്ഷിക്കുകയും ഇടയ്ക്ക് അല്പം ദേഷ്യം പിടിപ്പിക്കുകയും, നിനക്ക് ആവശ്യമുള്ളപ്പോഴെല്ലാം നിഴല്‍പോലെ കൂടെയുണ്ടാവുകയും ചെയ്യും. ജന്മദിനാശംസകള്‍ എന്റെ പൊന്നോമനേ- സിന്ധു കൃഷ്ണ എഴുതി
Read Entire Article