എന്നെ കിട്ടാൻ പോകുന്ന ഭാ​ഗ്യവാന് വേണ്ടി ശ്രമിക്കുകയാണ് എന്ന് തമന്ന ഭട്ടിയ, കഴിഞ്ഞ ജന്മത്തിൽ നല്ലത് ചെയ്ത ആളായിരിക്കണം!

Authored by: അശ്വിനി പി|Samayam Malayalam•13 Sept 2025, 11:54 am

നടി തമന്ന ഭട്ടിയ യും നടൻ വിജയ് വർമയും തമ്മിലുള്ള പ്രണയ ബന്ധം ഏറെ ചർച്ചയായിരുന്നു. രണ്ട് വർഷത്തെ പ്രണയ ബന്ധത്തിന് ശേഷം ഇരുവരും വേർപിരിയുകയും ചെയ്തു. ഇപ്പോഴിതാ താൻ നല്ല ഒരു ജീവിത പങ്കാളിയ്ക്കായുള്ള കാത്തിരിപ്പിലാണ് എന്ന് തമന്ന ഭട്ടിയ പറയുന്നു. കഴിഞ്ഞ ജന്മത്തിൽ എന്തെങ്കിലും നല്ല കർമം ചെയ്തിട്ടുള്ള ആളായിരിക്കണം എന്നാണ് തമന്ന പറയുന്നത്.

ഞാൻ ഒരു നല്ല പങ്കാളിയായിരിക്കാനുള്ള ശ്രമത്തിലാണ്. അതുകൊണ്ടു തന്നെ അങ്ങനെ ഒരാളെയാണ് ഞാൻ ഇപ്പോൾ തിരഞ്ഞുകൊണ്ടിരിയ്ക്കുന്നത്. കഴിഞ്ഞ ജന്മത്തിൽ എന്തെങ്കിലും നല്ല കർമം ചെയ്തതുകൊണ്ടാണ് എന്നെ പോലൊരാളെ കിട്ടിയത് എന്ന് വിശ്വസിക്കുന്ന ഒരാളായിരിക്കണം എന്റെ ജീവിത പങ്കാളി എന്ന് ഞാൻ ആഗ്രഹിക്കുന്നു. ആരാണ് ആ ഭാഗ്യവാൻ, അവർക്ക് വേണ്ടിയാണ് ഞാൻ ശ്രമിക്കുന്നത്. ആ പാക്കേജ് ഉടൻ എത്തും എന്നാണ് എൻഡിടിവിയ്ക്ക് നൽകിയ അഭിമുഖത്തിൽ തമന്ന ഭട്ടിയ പറഞ്ഞത്.

Also Read: പിന്നെ എന്തിനായിരുന്നു ഇത്രയും കാലം മറച്ചു വച്ചത്, തുടർച്ചയായി ഓമി ബേബിയുടെ വീഡിയോകൾ മാത്രം; എന്താണ് പ്രത്യേകത?

ഇന്റസ്ട്രിയിൽ വന്ന കാലം മുതൽ പലർക്കുമൊപ്പം തമ്മയുടെ പേര് ഗോസിപ്പു കോളങ്ങളിൽ വന്നിരുന്നു. അതിൽ തമന്ന അംഗീകരിച്ചതും, വിവാഹം വരെ എത്തും എന്ന് പ്രതീക്ഷിച്ചതുമായ ബന്ധമായിരുന്നു വിജയ് വർമയുമായി ഉണ്ടായിരുന്നത്. 2023 ൽ ലസ്റ്റ് സ്റ്റോറീസ് 2 എന്ന സീരീസിൽ ഒന്നിച്ചഭിനയിച്ചതിന് ശേഷമാണ് ഇരുവർക്കുമിടയിൽ നല്ലൊരു സൗഹൃദം ഉണ്ടായത്. പിന്നീടത് പ്രണയത്തിലേക്ക് വഴിമാറി.

Also Read: നീ കണ്മണിയല്ലേ മണിമുത്തല്ലേ! അവന്റെ സ്‌നേഹം ആക്ടിങ് അല്ല റിയൽ ലവ്; ഇടക്കൊക്കെ വിളിക്കണം; ദേവദർശിന്റെയും റിമിയുടെയും ആത്മബന്ധം


വിജയ് വർമയും തമന്ന ഭട്ടിയയും ഒന്നിച്ചെത്തിയ ചടങ്ങുകളിലെ ചിത്രങ്ങൾ എല്ലാം വൈറലായിരുന്നു. വിവാഹം ഉടൻ ഉണ്ടാവും എന്നും പറഞ്ഞുകേട്ടു. വിവാഹം കഴിടച്ച് സെറ്റിൽഡ് ആകാനായിരുന്നു 35 കാരിയായ തമന്ന ഭട്ടിയയുടെ ആഗ്രഹം. എന്നാൽ പെട്ടന്ന് വിവാഹത്തിനോട് താത്പര്യമില്ല, കരിയറിൽ കൂടുതൽ ശ്രദ്ധ കേന്ദ്രീകരിക്കണം എന്ന് വിജയ് വർമയും ആഗ്രഹിച്ചു. ഇതിൽ തുടങ്ങിയ പരസ്പരമുള്ള അഭിപ്രായ വ്യത്യാസം വേർപിരിയലിലേക്ക് എത്തി എന്നാണ് പുറത്തുവന്ന വാർത്തകൾ. ഇപ്പോഴും തമന്ന വിവാഹം ചെയ്ത് ഉടനെ സെറ്റിൽഡ് ആവാനാണ് ആഗ്രഹിക്കുന്നത്