എന്നെ വീട്ടിൽ നിന്ന് പുറത്താക്കാൻ അന്ന് അനിയൻ ശ്രമിച്ചിരുന്നു; 17ആം വയസ്സിൽ ലോക സുന്ദരി പട്ടം ചൂടി തിരിച്ചെത്തിയപ്പോൾ സംഭവിച്ചതിനെ കുറിച്ച് പ്രിയങ്ക ചോപ്ര

Authored by: അശ്വിനി പി|Samayam Malayalam•18 Jul 2025, 3:26 pm

ഇന്ന് ബോളിവുഡ് - ഹോളിവുഡ് നടി പ്രിയങ്ക ചോപ്ര യുടെ നാൽപ്പത്തിമൂന്നാം ജന്മദിനമാണ്. കരിയറിൽ എത്ര തിരക്കിൽ ആയിരുന്നപ്പോഴും പ്രിയങ്ക ചോപ്ര കൈവിടാതെ കൊണ്ടുപോയ ഒന്നാണ് നടിയുടെ കുടുംബ ബന്ധം. വിവാഹത്തിന് മുൻപ് വരെ അച്ഛനും അമ്മയ്ക്കും സഹോദരനും ഒപ്പമുള്ള നിമിഷങ്ങൾ പ്രിയങ്ക ചോപ്ര വളരെ നന്നായി ആഘോഷിച്ചിരുന്നു. ആ ചിത്രങ്ങളെല്ലാം സോഷ്യൽ മീഡിയയിലൂടെ ആരാധകർ കണ്ടതാണ്. വിവാഹത്തിന് ശേഷം ഇപ്പോൾ ഏറ്റവും അധികം പ്രാധാന്യം നൽകുന്നത് ഭർത്താവ് നിക്ക് ജോനസും മകൾ മൾട്ടിയും അടങ്ങുന്ന തന്റെ കുടുംബമാണ്.

ഈ നാൽപത്തി മൂന്ന് വയസ്സിനുള്ളിൽ പ്രപഞ്ചം എനിക്ക് നൽകിയ എല്ലാ സമ്മാനങ്ങൾക്കും നന്ദിയുള്ളവളാണ് ഞാൻ. എനിക്ക് കിട്ടിയ ഏറ്റവും വലിയ സ്നേഹം എന്റെ കുടുംബമാണ്, ഒപ്പം ലോകമെമ്പാടുമുള്ള ആരാധകരും- എന്ന് പറഞ്ഞുകൊണ്ട് പ്രിയങ്ക ചോപ്ര പങ്കുവച്ച പിറന്നാൾ സ്പെഷ്യൽ സോഷ്യൽ മീഡിയ പോസ്റ്റും വൈറലായിരുന്നു.

Also Read: ഈ ആയുസിൽ എനിക്ക് കിട്ടിയ ഏറ്റവും വലിയ സമ്മാനം, 43 ആം ജന്മദിനത്തിൽ പ്രിയങ്ക ചോപ്ര പങ്കുവച്ച വീഡിയ

ഇപ്പോഴിതാ തന്റെ കരിയറിന്റെ തുടക്കത്തിൽ നടന്ന ചില രസകരമായ കാര്യങ്ങളെ കുറിച്ച് പ്രിയങ്ക ചോപ്ര നേരത്തെ പറഞ്ഞിരുന്ന ചില കാര്യങ്ങൾ വീണ്ടും വൈറലാവുന്നു. പ്രിയങ്ക ചോപ്രയും കുടുംബവും തമ്മിലുള്ള ഇന്റിമസി എത്തത്തോളമാണെന്ന് കാണിക്കുകയും ചെയ്യുന്നതാണ് ഈ വാക്കുകൾ.


പതിനേഴാം വയസ്സിലാണ് പ്രിയങ്ക ചോപ്ര ലോക സുന്ദരി പട്ടം ചൂടിയത്. അതിന് വേണ്ട ഗ്രൂമിങ് ഒക്കെയായി മാസങ്ങളോളം പ്രിയങ്ക യുഎസിൽ ആയിരുന്നു. ലോക സുന്ദരിയായി പ്രിയങ്ക ഇന്ത്യയിലേക്ക് തിരിച്ചെത്തി. അന്ന് അനിയന് പത്ത് വയസ്സായിരുന്നു പ്രായം. പതിനേഴുകാരിയായ പ്രിയങ്ക ചോപ്രയ്ക്ക് അന്ന് സ്വന്തമായി ഒരു മുറി നൽകി. അനിയനെ റൂമിൽ നിന്ന് പുറത്താക്കുകയും ചെയ്തു. അന്ന് അവന് അത് ദേഷ്യമായി. അവനെ സാമാധാനിപ്പിക്കാനായി കോറിഡോറിൽ ഒരു ചെറിയ കട്ടിൽ നൽകി, അവനെ അവിടെ കിടത്തി. വിശാലമായ ആ കോർഡോർ മുറിയെക്കാളും വലുതായത് കാരണം വീട് തന്നെ എന്റേതാണ് എന്ന ഭാവമായിരുന്നു അനിയത്. എന്നെ വീട്ടിൽ നിന്ന് പുറത്താക്കാനായിരുന്നു അന്ന് കുഞ്ഞനിയന്റെ ശ്രമം- ചിരിയോടെ ആ ബാല്യ കാലം പ്രിയങ്ക ചോപ്ര ഓർത്തുപഞ്ഞു