എന്റെ പ്രശ്നങ്ങൾ ഇന്നും അങ്ങനെ തന്നെയുണ്ട് അവൾ ഡോക്ടറായി എറണാകുളത്ത് ജോയിൻ ചെയ്തു! മകൾ എന്റെ നട്ടെല്ലാണ്

Authored byഋതു നായർ | Samayam Malayalam | Updated: 4 May 2025, 11:29 am

മൂത്തമകൾ മീനാക്ഷിയുടെ പിന്തുണയേകുറിച്ച് പലവട്ടം ദിലീപ് വാചാലനായിട്ടുണ്ട്. മകൾ പ്ലസ് ടുവിനു പഠിക്കുമ്പോഴാണ് ജീവിതത്തിലെ ഏറ്റവും വലിയ വിഷയങ്ങൾ ഉണ്ടായതെന്നുംന്ന് ദിലീപ് മുൻപും പറഞ്ഞിരുന്നു. ആ വിഷയങ്ങളിൽ എല്ലാം എന്റെ ഒപ്പം മകൾ ഉണ്ടായിരുന്നു. അവൾ തന്ന പിന്തുണ പറയാതെ വയ്യ. എന്റെ വിഷയങ്ങളിൽ ഒപ്പം നിന്നതിനൊപ്പം എൻട്രൻസിനു പഠിച്ച് നല്ല മാർക്കോടെ പാസായി ഇപ്പോൾ ഡോക്ടർ ആണ് ദിലീപ് പറയുന്നു.
ഇപ്പോഴിതാ കാർത്തിക് സൂര്യക്ക് ഒപ്പം വിശേഷങ്ങൾ പങ്കിടുന്ന കൂട്ടത്തിലാണ് മകളെ കുറിച്ച് ഒരിക്കൽ കൂടി ദിലീപ് വാചാലനായത്.

മോൾ മീനാക്ഷി എന്റെ കൂടെ കട്ടക്ക് കൂടെ നിൽക്കുന്ന ആളാണ്. ഇത്രയും വിഷയങ്ങൾ ഉണ്ടായ സമയത്ത് അവൾ പ്ലസ് ടുവിന് പഠിക്കുകയിരുന്നു. അതുകഴിഞ്ഞു എന്റെ പ്രശ്നങ്ങൾ തീർന്നില്ലെങ്കിലും അവൾ ഡോക്ടർ ആയി ഇവിടെ ആസ്റ്ററിൽ ജോയിൻ ചെയ്തു. അവൾ എന്റെ ഏറ്റവും ബലമുള്ള ആളാണ്. എന്നെ അത്രയും സപ്പോർട്ട് ചെയ്യുന്ന എനിക്ക് എല്ലാത്തിനും കൂടെ നിൽക്കുന്ന ആളാണ്.

ചേട്ടനെ സമ്മതിക്കണം എങ്ങനെയാണ് ഇത്രയും വിഷയങ്ങളെ ഫൈറ്റ് ചെയ്തു നേരിടുന്നത് എന്ന് കാർത്തിക് ചോദിക്കുമ്പോൾ ദിലീപ് നൽകിയ മറുപടി ഇങ്ങനെ ആയിരുന്നു

ALSO READ: രണ്ടുമിനിറ്റ് കൊണ്ട് സംഭവിച്ച മിറാക്കിളാണ് അവൾ! ഞങ്ങൾക്ക് തന്നേ പറ്റൂ പിടിച്ചുപറിച്ചു വാങ്ങിയതാണ് കണ്ണനിൽ നിന്നും നവനീതിനെ: മരുമകളല്ല മകൾ

ഒരു ഫൈറ്റ് എന്ന് പറയുമ്പോൾ തളരാൻ പാടില്ലല്ലോ. നമ്മൾ കാണാത്ത കേൾക്കാത്ത കാര്യങ്ങൾ ആണല്ലോ സംഭവിച്ചു കൊണ്ടിരിക്കുന്നത്. അപ്പോൾ അതിനെയെല്ലാം ഫൈറ്റ് ചെയ്യണമല്ലോ. ഞാൻ ഒരാൾ അല്ല. എന്നെ ഡിപ്പെൻഡ് ചെയ്തിരിക്കുന്ന ഒരുപാട് ആളുകൾ ഉണ്ട്. ഒരുപാട് കുടുംബം ഉണ്ട്. ഫാമിലിയാണ്. വ്യക്തികൾ അല്ല. ഞാൻ അവരെയെല്ലാം നോക്കുന്ന ആളാണ്. കോവിഡ് കാലത്തുപോലും ഞാൻ എന്റെ ഒരു ജോലിക്കാരെ പറഞ്ഞുവിട്ടിട്ടില്ല. എല്ലാവർക്കും ഞാൻ എന്നാൽ കഴിയുന്ന സഹായം ചെയ്തിട്ടുണ്ട്. എന്നെ ഡിപ്പെൻഡ് ചെയ്യുന്ന ഒരാളെ പോലും എനിക്ക് തള്ളി കളയാനും ആകില്ല അപ്പോൾ ഫൈറ്റ് ചെയ്യും.

എന്റെ സിനിമയിൽ അഭിനയിക്കുമോ എന്ന് കാർത്തിക് ചോദിച്ചപ്പോൾ ഉറപ്പായും അഭിനയിക്കും. സിനിമ അങ്ങനെ ആണ് ആർക്കും പ്രവചിക്കാൻ കഴിയില്ല.

ALSO READ: കിച്ചുവിന്റെ ട്രിക്ക് ഏറ്റു! രേണുപോലും കരുതിക്കാണില്ല ഇങ്ങനെ ഒരു ട്വിസ്റ്റ്; പെങ്ങൾക്കും കൂട്ടുകാർക്കും ഒപ്പമെത്തി; ഒറ്റരാത്രികൊണ്ട് ചാനൽ വമ്പൻ ഹിറ്റ്ഞാൻ അസിസ്റ്റന്റ് ഡയറക്ടർ ആയിരിക്കുന്ന സമയത്ത് എന്നെ കാറിന്റെ ഫ്രണ്ടിൽ നിന്നും ഇറക്കി പുറത്തിട്ടുണ്ട്. അന്ന് എന്നെ പുറത്തിറക്കി വിട്ട ആള് തന്നെ എന്റെ പെട്ടി എടുത്ത് ഡോർ തുറന്നുതന്നിട്ടും ഉണ്ട്.

അതാണ് ഞാൻ പറയുന്നത് നമ്മൾ ആരെയും കുറച്ചുകാണാൻ പാടില്ല. ആരെയും ഇൻസൾട്ട് ചെയ്യാൻ പാടില്ല. കാരണം ആരെയെങ്കിലും കുറച്ചുകണ്ടാൽ നാളെ നമുക്ക് വരുന്ന അവസ്ഥ എന്താണ് എന്ന് പ്രവചിക്കാൻ ആകില്ല. നമ്മൾ ആരെയും ഇൻസൾട്ട് ചെയ്തോ അവരുടെ പിറകെ നമ്മൾ പോകേണ്ടി വരും. എന്റെ ജീവിതത്തിൽ ഞാൻ കണ്ടിട്ടുണ്ട്. ഞാൻ ആരെയും ഇൻസൾട്ട് ചെയ്യാൻ പോയിട്ടില്ല. എല്ലാവർക്കും ഒരു കഴിവുണ്ട്. നമ്മൾ ആരെയെങ്കിലും കുറച്ചു കണ്ടാൽ അവരെ കൊണ്ട് നമ്മൾക്ക് ഒരു സഹായം വേണ്ടി വരും ജീവിതത്തിൽ എപ്പോൾ എങ്കിലും- ദിലീപ് പറയുന്നു.