എമ്പുരാൻ കാണാൻ അമ്മക്കൊപ്പം പ്രണവ്! മലയാള സിനിമയുടെ ജാതകം മാറ്റിയെഴുതിയ ദിവസമായി മാറട്ടെയെന്ന് ആശംസകൾ

Authored byഋതു നായർ | Samayam Malayalam | Updated: 27 Mar 2025, 6:32 am

Samayam Malayalamസുചിത്ര മോഹൻലാൽ പ്രണവ്

മലയാള സിനിമ പ്രേമികളെ പോലെ ലോകമെബാടുമുള്ള സിനിമ ആരാധകർ കാത്തിരുന്ന ചിത്രമാണ് എമ്പുരാൻ. പ്രേക്ഷകരുടെ ആകാംഷക്ക്‌ വിരാമമിട്ടുകൊണ്ട് 27 ആം തീയതി ആറുമണിക്ക് തന്നെ ചിത്രം പ്രദർശനത്തിന് എത്തി. വലിയ ആവേശത്തോടെയാണ് ആരാധകർ തീയേറ്റർ ഒരു പൂരപ്പറമ്പാക്കി മാറ്റിയത്. നാല് വർഷത്തെ പ്രയക്തമാണ്, നമ്മൾ ഇതുവരെ കാണാത്ത അത്ര സ്വീകരണമാണിത്, നന്ദി' എന്നുപറഞ്ഞുകൊണ്ടാണ് ആന്റണി പെരുമ്പാവൂർ തീയേറ്ററിലേക്ക് എത്തിയത്.

കവിത തീയറ്ററിൽ ആണ് ലാലേട്ടനും കുടുംബവും പൃഥ്‌വിയും കുടുംബവും ഒക്കെയും ചിത്രം കാണാൻ എത്തിയത്. മരുമകൾ പൂർണ്ണിമക്കും കൊച്ചുമക്കൾക്കും ഒപ്പം ആണ് മല്ലിക സുകുമാരൻ വന്നത്. സുചിത്ര പ്രണവിന് ഒപ്പം എത്തിയപ്പോൾ ആന്റണി പെരുമ്പാവൂരും മേജർ രവിയും കുടുംബത്തിന് ഒപ്പമാണ് സിനിമ കാണാൻ എത്തുന്നത്. ഇത്രയും ഇങ്ങനെ ഒരു സ്വീകരണം മലയാള സിനിമ ചരിത്രത്തിൽ താനെന്ന മറ്റൊരു സിനിമക്കും കിട്ടിയിട്ടില്ല. ഈ ഒരു ആവേശവും സ്നേഹവും സിനിമ കഴിഞ്ഞിറങ്ങുമ്പോഴും ഉണ്ടാകട്ടെ എന്നാണ് അണിയറപ്രവർത്തകർ ഓരോരുത്തരും ആശംസിക്കുന്നത്. മലയാള സിനിമയുടെ ജാതകം മാറ്റിയെഴുതിയ ദിവസമായി മാറട്ടെയെന്നാണ് സോഷ്യൽ മീഡിയയിലെ ആശംസകളും.

ALSO READ: സുചിത്ര പറഞ്ഞ ആ ദിവസം! എമ്പുരാൻ റിലീസ് മാത്രമല്ല, ലാലിൻറെ ജീവിതത്തിലെ മറ്റൊരു സന്തോഷദിനം; മകൾക്ക് ആശംസകളേകി താരം
ടർക്കി, ലണ്ടൻ, ഫ്രാൻസ്, സിനിഗൽ, യെമൻ, ചൈന, ഇറാഖ് എന്നിങ്ങനെ ഏഴ് രാജ്യങ്ങളിൽ വ്യാപിച്ച് കിടക്കുന്നതാണ് എമ്പുരാന്‍റെ കഥ. ശ്രീ ഗോകുലം മൂവീസ്, ആശീര്‍വാദ് സിനിമാസ്, ലൈക്ക പ്രൊഡക്ഷന്‍സ് എന്നിവയുടെ ബാനറില്‍ ഗോകുലം ഗോപാലന്‍, ആന്റണി പെരുമ്പാവൂര്‍, സുഭാസ്‌കരന്‍ എന്നിവര്‍ ചേര്‍ന്നാണ് ചിത്രം നിര്‍മിച്ചിരിക്കുന്നത്.

മോഹന്‍ലാല്‍ നായകനായി അഭിനയിക്കുന്ന ചിത്രത്തില്‍ പൃഥ്വിരാജ്, മഞ്ജു വാര്യര്‍, ടൊവിനോ തോമസ്, ഇന്ദ്രജിത് സുകുമാരന്‍, സുരാജ് വെഞ്ഞാറമൂട്, ജെറോം ഫ്ലിന്‍, ബൈജു, സായ്കുമാര്‍, ആന്‍ഡ്രിയ ടിവാടര്‍, അഭിമന്യു സിങ്, സാനിയ അയ്യപ്പന്‍, ഫാസില്‍, സച്ചിന്‍ ഖേഡ്കര്‍, നൈല ഉഷ, ജിജു ജോണ്‍, നന്ദു, മുരുകന്‍ മാര്‍ട്ടിന്‍, ശിവജി ഗുരുവായൂര്‍, മണിക്കുട്ടന്‍, അനീഷ് ജി. മേനോന്‍, ശിവദ, അലക്സ് ഒനീല്‍, എറിക് എബണി, കാര്‍ത്തികേയ ദേവ്, മിഹയേല് നോവിക്കോവ്, കിഷോര്‍, സുകാന്ത്, ബെഹ്‌സാദ് ഖാന്‍, നിഖാത് ഖാന്‍, സത്യജിത് ശര്‍മ, നയന്‍ ഭട്ട്, ശുഭാംഗി, ജൈസ് ജോസ് എന്നിവരാണ് മറ്റു താരങ്ങള്‍. മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളില്‍ ചിത്രം പ്രദര്‍ശനത്തിനെത്തി.