എല്ലാ കൊടുങ്കാറ്റിനെയും നമ്മളൊരുമിച്ച് നേരിട്ടു എന്ന് പൃഥ്വിരാജ്, എന്നും ഞാൻ കൂടെയുണ്ടാവും എന്ന് സുപ്രിയ; പ്രിയതമയ്ക്ക് ജന്മദിനാശംസകൾ

Authored by: അശ്വിനി പി|Samayam Malayalam•31 Jul 2025, 1:42 pm

ഒരു നാഷണൽ ചാനലിൽ ജോലി ചെയ്തിരുന്ന സുപ്രിയ മേനോൻ മലയാള സിനിമയുടെ ഹിറ്റ് നിർമാതാക്കളിൽ ഒരാളായത് പൃഥ്വിരാജ് സുകമാരനുമായുള്ള വിവാഹത്തിന് ശേഷമാണ്. കരിയർ മൊത്തത്തിൽ മാറിയപ്പോഴും, തനിക്ക് ഒട്ടും പരിചയമില്ലാത്ത ഇൻറസ്ട്രിയിൽ എത്തിയപ്പോഴും ഒട്ടും പതറാതെ മുന്നോട്ടുി വന്ന സ്ത്രീ. ഏറ്റെടക്കന്ന ജോലിയിലും, പറയുന്ന വാക്കുകളിലും നൂറ് ശതമാനം ആത്മാർത്ഥതയും ആത്മസമർപ്പണവും നൽകുന്ന സുപ്രിയ മേനോൻ ഇന്ന് ജന്മദിനമാണ്.

തൻറെ പ്രിയപ്പെട്ടവൾക്ക് ജന്മദിനാശംസകൾ അറിയിച്ച് പൃഥ്വിരാജ് സുകുമാരൻ സോഷ്യൽ മീഡിയയിൽ എത്തി. "പിറന്നാൾ ആശംസകൾ പങ്കാളി, വർഷങ്ങളായി നേരിട്ട എല്ലാ കൊടുങ്കാറ്റുകളെയും ഒരുമിച്ച് കൈ ചേർത്തു പിടിച്ച് നമ്മൾ നേരിട്ടു' എന്നാണ് സുപ്രിയയുടെ ഒരു ഫോട്ടോയ്ക്കൊപ്പം പൃഥ്വിരാജ് ഇസ്റ്റഗ്രാമിൽ കുറിച്ചത്.

Also Read: ആദ്യത്തെ കാമുകൻറെ മരണം, ദാമ്പത്യ ജീവിതത്തിൽ അനുഭവിച്ചത്, അതിന് ശേഷം 9 വർഷത്തെ ലിവിങ് ടുഗെദർ റിലേഷൻഷിപ്; കേറ്റി പെറിയുടെ ജീവിതത്തിൽ സംഭവിച്ചത്

അതിന് താഴെ കമൻറുമായി സുപ്രിയ എത്തി. ഇന്നും ഇനിയെന്നും-എന്നാണ് സുപ്രിയയുടെ കമൻറ്. കൂടെ രണ്ട് ഹാർട്ടിൻറെ ഇമോജിയും ഉണ്ട്. പോസ്റ്റിന് താഴെ സുപ്രിയയ്ക്ക് ജന്മദിനാശംസകൾ അറിയിച്ചുകൊണ്ട് നിരവധി കമൻറുകളാണ് വരുന്നത്.

സുപ്രിയ തനിക്ക് നൽകുന്ന പിന്തുയെ കുറിച്ച് പല വേദികളിലും പൃഥ്വിരാജ് വാചാലനായിട്ടുണ്ട്. സുപ്രിയ ഒരു സ്ട്രോങ് പില്ലറായി നിൽക്കുന്നത് കൊണ്ടാണ് എനിക്ക് എൻറെ വർക്കിൽ ഇത്രയേറെ ഇൻവോൾവ് ആയി നിൽക്കാൻ കഴിയുന്നത്, എല്ലാ കാര്യത്തിലും കൃത്യമായി, കണ്ണിങ് ആയി സുപ്രിയയുടെ കൈകൾ എത്തും.

Also Read: ഐശ്വര്യത്തിന്റെ സൈറൺ മുഴക്കിയാണ് ആ വരവ് തന്നെ! നൂലുകെട്ടിന് ലക്ഷങ്ങളുടെ ഗോൾഡ്; ദിയയുടെ പുത്തൻ സന്തോഷങ്ങൾ

സുപ്രിയയ്ക്കല്ലാതെ മറ്റാർക്കും പൃഥ്വിയെ ഇങ്ങനെ മാനേജ് ചെയ്യാൻ സാധിക്കില്ല എന്നാണ് അമ്മ മല്ലിക സകുമാരൻ പറഞ്ഞിട്ടുള്ളത്. സുപ്രിയ വളരെ അധികം ടെക്നിക്കലായി കാര്യങ്ങളെ സമീപിക്കുന്ന ആളാണ്. പെർഫക്ഷനിസമാണ് മെയിൻ. ഒരു ബിസിനസ് ലേഡിയായിരിക്കുമ്പോൾ തന്നെ പൃഥ്വിയുടെയോ മകൾ അലകൃതയുടെയോ കാര്യത്തിൽ ഒരു വീഴ്ചയും വരുത്താ തയ്യാറല്ലാത്ത പ്രകൃതം എന്നാണ് ചേട്ടത്തിയമ്മ പൂർണിമ ഇന്ദ്രജിത്ത് പറഞ്ഞിട്ടുള്ളത്.


ഒരു കാലത്ത് വളരെ അധികം സൈബർ അറ്റാക്ക് നേരിട്ട നടനായിരുന്നു പൃഥ്വിരാജ്. രായപ്പൻ എന്ന് കളിയാക്കി വിളിക്കുന്ന കാലത്താണ് സുപ്രിയയുടെ വരവ്. അന്ന് ഒരു അഭിമുഖത്തിൽ പൃഥ്വിയുടെ ഇംഗ്ലീഷ് സംസാരത്തെ കുറിച്ച് സുപ്രിയ പ്രശംസിച്ചത് വൻ വൈറലായിരുന്നു. അതൊരു കൊടുങ്കാറ്റായി താരദമ്പദികൾക്ക് നേരെ ആഞ്ഞടിച്ചു. അന്ന് എല്ലാത്തിനെയും മൌനം കൊണ്ട് നേരിടാൻ പൃഥ്വിയോട് ആവശ്യപ്പെട്ടത് സുപ്രിയയാണ്. പിന്നീട് സിനിമകളിലൂടെ പൃഥ്വി മറുപടി നൽകി. തുടരെയുള്ള വിജയങ്ങൾ പൃഥ്വിയെ ഒരു സൂപ്പർസ്റ്റാർ എന്ന നിലയിലേക്ക് ഉയർത്തി. അതിന് ശേഷമാണ് തൻറെ വിജയത്തിൽ സുപ്രിയയ്ക്കുള്ള പങ്കിനെ കുറിച്ച് പൃഥ്വി അഭിമാനത്തോടെ സംസാരിച്ചത്.