എല്ലാത്തിനും അതിന്റെതായ സമയം ഉണ്ടല്ലോ ദാസാ! മകളുടെ സിനിമ എൻട്രി; സുചിത്ര പറയുന്നു

Authored by: ഋതു നായർ|Samayam Malayalam•18 Jul 2025, 9:08 am

ഈ അടുത്താണ് മോഹൻലാലിന്റെ മകൾ വിസ്മയ മലയാള സിനിമയിലേക്ക് തുടക്കം കുറിക്കാൻ പോകുന്നു എന്ന വാർത്തകൾ വന്നത്. തുടക്കം എന്ന് പേരിട്ടിരിക്കുന്ന ചിത്രത്തിന്റെ പേര് പോലെ തന്നെ തുടക്കം ഗംഭീരമാക്കാൻ ഉള്ള പുറപ്പാടിലാണ് വിസ്മയ മോഹൻലാൽ . എന്നാൽ ചിത്രത്തിന്റെ അനൗൺസ്‌മെന്റ് നടന്നുവെങ്കിലും ഇതുവരെയും വിസ്മയ മറുപടികൾ ഒന്നും നൽകിയിരുന്നില്ല. മുൻപൊരിക്കൽ മക്കളെ കുറിച്ച് പറഞ്ഞ സുചിത്രയുടെ വാക്കുകൾ ആണ് ഇപ്പോൾ സോഷ്യൽ മീഡിയയിൽ നിറയുന്നത്.

പ്രണവിനെക്കുറിച്ച്

മോന് ഭയങ്കര ഇഷ്ടമാണ് ഇങ്ങനെ കറങ്ങി നടക്കാൻ. തട്ടുകടയിലെ ചായ കുടിക്കാനും വീടിന്റെ അടുത്തുള്ള പീടികയിൽ പോകാന് ഒക്കെ ഇഷ്ടമുള്ള ആളാണ് പ്രണവന്ന് സുചിത്ര. ചായ കുടിക്കാൻ ആണോ സിഗരറ്റ് വാങ്ങാൻ ആണോ പോകുന്നതെന്ന് അറിയില്ലെന്നും സുചിത്ര പറയുന്നു. വീട്ടിൽ ഉള്ളപ്പോൾ മ്യൂസിക്ക് ആണ് അവനു ഏറെ ഇഷ്ടം. അപ്പു വന്നിട്ട് എന്താ സിനിമ ചെയ്യാത്തതെന്ന് ചോദിക്കും. അവന് ഇഷ്ടം ഇല്ലാത്തത് അല്ല. അവന് ഇഷ്ടമാണ് പക്ഷേ അവൻ ഒരുപാട് കാര്യങ്ങൾ ചെയ്യുന്നുണ്ട്.

നോവൽ എഴുതുന്നുണ്ട്. അവൻ മ്യൂസിക്ക് ആൽബം സുഹൃത്തുക്കളും ആയി ചേർന്ന് ചെയ്യുന്നുണ്ട്. പിന്നെ റോക്ക് ക്ലിമ്ബിങിന് പോകും, പിന്നെ ട്രക്കിങ്. അങ്ങനെ എല്ലാം ബാലൻസ് ചെയ്തിട്ടാണ് അവൻ പോകുന്നത്. വീട്ടിൽ ഉള്ളപ്പോ സാധാരണയായി മ്യൂസിക്കിൽ ആണ് കൂടുതൽ ശ്രദ്ധിക്കുന്നത്. അല്ലെങ്കിൽ നമ്മൾ താമസിക്കുന്ന ബീച്ചിന്റെ അടുത്താണ് അവിടെ നീന്താൻ പോകും അങ്ങനെ എന്തെങ്കിലും ഒക്കെ ഇങ്ങനെ ചെയ്തോണ്ട് ഇരിക്കും.

ALSO READ:യൂസഫലിക്കും ബന്ധു! ഈ സമീർ ഹംസയെ എത്രപേർക്ക് അറിയാം! ലാലേട്ടനുമായി തകർക്കാനാകാത്ത ബന്ധം; വിശേഷങ്ങൾ

വിസ്മയയെ കുറിച്ച്

മോൾക്ക് എഴുത്തിനോട് വലിയ കമ്പം ആണ്. ചെറിയ ചെറിയ എഴുത്തുകൾ അവൾ കുറിച്ചിടും. അങ്ങനെ അപ്പുവാണ് ബുക്ക് ഇറക്കി കൂടെ എന്ന് ചോദിച്ചതും ബുക്ക് ഇറക്കുന്നതും. പിന്നെ അവൾ നന്നായി വരയ്ക്കും. അവർ ഭയങ്കര ക്ലോസ് ആണ്. അവൾക്ക് സിനിമ ഇഷ്ടമാണ്. ഞാൻ ഒന്ന് ട്രൈ ചെയ്യാം എന്ന് ഇടക്ക് പറയും. പക്ഷേ എനിക്ക് അറിയില്ല എന്താകും എന്ന്. എനിക്ക് ആഗ്രഹം ഉണ്ട്, പറയാറുണ്ട്. ഇനി അതിലേക്ക് പോകണം എന്നുണ്ട് എങ്കിൽ പോകട്ടെ. തീരുമാനം എടുത്തിട്ടില്ല, പക്ഷേ ഇടയ്ക്കിടെ പറയും. നോക്കാം നല്ല അവസരങ്ങൾ വന്നാൽ നമുക്ക് ട്രൈ ചെയ്യാം. എല്ലാത്തിനും അതിന്റെതായ സമയം ഉണ്ടല്ലോ; സുചിത്ര പറഞ്ഞ വാക്കുകൾ ആണ് ഇപ്പോൾ വൈറൽ ആയി മാറുന്നത്.