എല്ലാവരും 'എമ്പുരാനെ'യെന്ന് വിളിക്കുമ്പോൾ ഞാൻ 'തമ്പുരാനെ'യെന്ന് വിളിക്കും- മല്ലിക സുകുമാരൻ

Samayam Malayalamമല്ലിക സുകുമാരൻ

കൊച്ചി: പൃഥ്വിരാജ് സുകുമാരൻ സംവിധാനം ചെയ്ത എമ്പുരാൻ സിനിമയ്ക്ക് മികച്ച പ്രതികരണമാണ് ലഭിക്കുന്നത്. സിനിമയുടെ ചിത്രീകരണം മുതൽ ഓരോ സിനിമ പ്രേമികളും വളരെ പ്രതീക്ഷയോടെയാണ് സിനിമയ്ക്കായി കാത്തിരുന്നത്. മോഹൻലാൽ അവതരിപ്പിക്കുന്ന സ്റ്റീഫൻ നെടുമ്പിള്ളി എന്ന കഥാപാത്രത്തിന്റെ മറ്റൊരു മുഖമാണ് സിനിമയിൽ ചർച്ച ചെയ്യുന്നത്. ഇന്ത്യയിലെ വിവിധ സംസ്ഥാനങ്ങളിലും വിദേശരാജ്യങ്ങളിലുമായിട്ടാണ് സിനിമയുടെ ചിത്രീകരണം നടന്നത്. ലൂസിഫർ സിനിമയുടെ തുടർച്ചയായ എമ്പുരാൻ ലൂസിഫർ ട്രൈയോളജിയിലെ രണ്ടാമത്തെ ചിത്രമാണ്. നിലവിലെ റിപ്പോർട്ടുകൾ എല്ലാം തന്നെ സിനിമയ്ക്ക് അനുകൂലമാണ്. പൃഥ്വിരാജ് എന്ന സംവിധായകനെ വിശ്വസിക്കാം എന്നാണ് എമ്പുരാൻ സിനിമയുടെ റിവ്യൂകളിൽ നിന്നും വ്യക്തമാകുന്നത്.


നിരവധി റിവ്യൂകൾ പുറത്തുവന്നെങ്കിലും മല്ലിക സുകുമാരൻ പറഞ്ഞ വാക്കുകളാണ് ഇപ്പോൾ സോഷ്യൽ മീഡിയയിൽ ചർച്ചയാകുന്നത്. എല്ലാവരും എമ്പുരാനെ എന്ന് വിളിക്കുമ്പോൾ താൻ തമ്പുരാനെ എന്ന് വിളിക്കുമെന്നാണ് കണ്ണ് നിറഞ്ഞു മല്ലിക സുകുമാരൻ പറഞ്ഞത്. 'സിനിമയെ കുറിച്ച് എന്ത് പറയണമെന്ന് അറിയില്ല. ജീവിതത്തിൽ ആദ്യമായിട്ടാണ് ഫസ്റ്റ് ഡേ ഫസ്റ്റ് ഷോ കാണുന്നത്. എല്ലാവരും എമ്പുരാനെ എന്ന് വിളിക്കുമ്പോൾ താൻ തമ്പുരാനെ എന്നാണ് വിളിക്കുക. വലിയൊരു സിനിമ കണ്ടിറങ്ങിയ അനുഭവമാണ് ഇപ്പോൾ കിട്ടുന്നത്. പ്രേക്ഷർ സിനിമ ഏറ്റെടുക്കുമെന്നാണ് കരുതുന്നത്. അതിനായാണ് ഞാൻ പ്രാർഥിക്കുന്നത്' - മല്ലിക സുകുമാരൻ പറഞ്ഞു.
എന്താണ് ലൂസിഫർ ചർച്ചയാക്കിയ ഇലുമിനാറ്റി?; അമേരിക്കയുടെ വൺ ഡോളറിൽ ഇലുമിനാറ്റി ചിഹ്നങ്ങൾ യാദൃശ്ചികമോ?

മോഹൻലാൽ, പൃഥ്വിരാജ് സുകുമാരൻ, മഞ്ജു വാര്യർ, ടൊവിനോ തോമസ് തുടങ്ങിയവരാണ് സിനിമയിൽ കേന്ദ്രപത്രങ്ങളായി എത്തുന്നത്. അഡ്വാൻസ് ബുക്കിംഗിലൂടെ ആദ്യ ദിനം തന്നെ 'എമ്പുരാൻ' 50 കോടി ക്ലബിലെത്തിയിരുന്നു. പൃഥ്വിരാജിൻ്റെ സംവിധാന മികവും മുരളി ഗോപിയുടെ ശക്തമായ തിരക്കഥയും എടുത്തുപറയേണ്ടതാണ് എന്നാണ് പ്രേക്ഷകർ അഭിപ്രായപ്പെടുന്നത്. സാങ്കേതിക മികവിലും ദൃശ്യവിസ്മയത്തിലും എമ്പുരാൻ മലയാള സിനിമയ്ക്ക് പുതിയൊരു ബെഞ്ച് മാർക്ക് സൃഷ്ടിച്ചിരിക്കുന്നുവെന്നും ആരാധകർ പറയുന്നു.