ഐപിഎല്ലിലെ വമ്പൻ റെക്കോഡ് സ്വന്തമാക്കി മുംബൈ ഇന്ത്യൻസ്, കെകെആറിന്റെ റെക്കോഡ് പഴങ്കഥയായി

Curated byഗോകുൽ എസ് | Samayam Malayalam | Updated: 1 Apr 2025, 11:32 am

Samayam Malayalamമുംബൈ ഇന്ത്യൻസ്

2025 സീസൺ ഐപിഎല്ലിലെ ആദ്യ ജയമാണ് ഇന്നലെ മുംബൈ ഇന്ത്യൻസ് സ്വന്തമാക്കിയത്. ഹോം ഗ്രൗണ്ടായ മുംബൈയിലെ വാംഖഡെയിൽ നടന്ന മത്സരത്തിൽ കൊൽക്കത്ത നൈറ്റ് റൈഡേഴ്സിനെയാണ് മുംബൈ വീഴ്ത്തിയത്. എട്ട് വിക്കറ്റിനായിരുന്നു അവരുടെ ജയം. ഈ വിജയം ഐപിഎല്ലിലെ ഒരു വമ്പൻ റെക്കോഡും മുംബൈ ഇന്ത്യൻസിന് നേടിക്കൊടുത്തു.ഹോം ഗ്രൗണ്ടായ വാംഖഡെയിൽ മുംബൈ ഇന്ത്യൻസ് നേടുന്ന 53-മത് ജയമായിരുന്നു ഇന്നലെ കൊൽക്കത്ത നൈറ്റ് റൈഡേഴ്സിന് എതിരായത്. ഇതോടെ ഒരു വേദിയിൽ ഏറ്റവും കൂടുതൽ ഐപിഎൽ മത്സരങ്ങൾ ജയിക്കുന്ന ടീമെന്ന നേട്ടം മുംബൈ ഇന്ത്യൻസിന് സ്വന്തമായി. കൊൽക്കത്ത നൈറ്റ് റൈഡേഴ്സിനെയാണ് ഇക്കാര്യത്തിൽ മുംബൈ മറികടന്നത്.


ഹോം ഗ്രൗണ്ടായ കൊൽക്കത്തയിലെ ഈഡൻ ഗാർഡൻസിൽ 52 മത്സരങ്ങൾ ജയിച്ചാണ് കെകെആർ ഈ ലിസ്റ്റിൽ ഒന്നാം സ്ഥാനത്ത് നിന്നിരുന്നത്. ഇരു ടീമുകൾക്കും ഈ സീസണിൽ ഇനി ആറ് ഹോം മത്സരങ്ങൾ കൂടി ബാക്കിയുള്ളതിനാൽ ഈ റെക്കോഡിൽ ഇനിയും മാറ്റം വരാൻ സാധ്യതയുണ്ട്.

Also Read: ആദ്യ ജയം നേടിയിട്ടും അക്കാര്യത്തിൽ മുംബൈ ഇന്ത്യൻസ് ഹാപ്പിയല്ല; അടുത്ത കളിയിൽ മാറ്റം വന്നില്ലെങ്കിൽ തിരിച്ചടി ഉറപ്പ്

ഇന്നലത്തെ മുംബൈ ഇന്ത്യൻസിന്റെ വിജയം വാംഖഡെയിൽ കെകെആറിന് എതിരെ അവർ നേടുന്ന പത്താമത് ജയമായിരുന്നു. ഇതോടെ ഒരു വേദിയിൽ ഒരേ ടീമിനെതിരെ 10 മത്സരങ്ങൾ ജയിക്കുന്ന ആദ്യ ഫ്രാഞ്ചൈസിയായി മുംബൈ ഇന്ത്യൻസ് മാറി. ഈഡൻ ഗാർഡൻസിൽ ഒൻപത് തവണ പഞ്ചാബ് കിങ്സിനെ വീഴ്ത്തിയ കെകെആറിന്റെ റെക്കോഡാണ് ഇവിടെ തകർന്നത്.

Also Read: അടുത്ത കളിക്ക് മുൻപ് സുപ്രധാന നീക്കവുമായി സഞ്ജു സാംസൺ; രാജസ്ഥാൻ റോയൽസ് ഡബിൾ സ്ട്രോങ്ങാവാൻ പോകുന്നു

അതേ സമയം ആധികാരിക ജയമായിരുന്നു കൊൽക്കത്ത നൈറ്റ് റൈഡേഴ്സിന് എതിരെ ഇന്നലെ മുംബൈ ഇന്ത്യൻസ് നേടിയത്. മത്സരത്തിൽ ആദ്യം ബാറ്റ് ചെയ്ത കെകെആർ 116 റൺസിന് ഓളൗട്ടായപ്പോൾ, മുംബൈ ഇന്ത്യൻസ് 12.5 ഓവറുകളിൽ വിജയത്തിലെത്തി. നാല് വിക്കറ്റുകൾ വീഴ്ത്തിയ അശ്വനി കുമാറും, രണ്ട് വിക്കറ്റുകൾ നേടിയ ദീപക് ചഹറുമാണ് മുംബൈ ബൗളിങ്ങിൽ തിള‌ങ്ങിയത്. 62 റൺസെടുത്ത് പുറത്താകാതെ നിന്ന റിയാൻ റിക്കിൾട്ടൺ അവർക്കായി ബാറ്റിങ്ങിൽ മിന്നി. ഇന്നലത്തെ ജയത്തോടെ രണ്ട് പോയിന്റായ മുംബൈ ഇന്ത്യൻസ് ലീഗ് ടേബിളിൽ ആറാം സ്ഥാനത്തേക്ക് കയറി.