ഒന്നാം വയസ്സില്‍ തല മുണ്ഡനം ചെയ്തത് ഇവിടെ വച്ചാണ്; സംയുക്ത പൂര്‍ണമായും ആത്മീയതയിലേക്ക് പോകുകയാണോ?

Authored byഅശ്വിനി പി | Samayam Malayalam | Updated: 7 Apr 2025, 3:38 pm

Samayam Malayalamസംയുക്ത വർമ

തൊണ്ണൂറുകളുടെ അവസാനത്തില്‍ സിനിമയില്‍ എത്തിയതാണ് സംയുക്ത വര്‍മ. വെറും മൂന്ന് വര്‍ഷം മാത്രമേ അഭിനയ ലോകത്ത് നിന്നിരുന്നുള്ളൂവെങ്കിലും, വിരലിലെണ്ണാവുന്ന അത്രയും സിനിമകളില്‍ മാത്രമേ അഭിനയിച്ചിട്ടുള്ളൂവെങ്കിലും സംയുക്ത വര്‍മ എന്ന നടിയെ മലയാളികള്‍ ഇന്നും ഓര്‍ത്തിരിക്കാന്‍ അത് മാത്രം മതിയായിരുന്നു. അഭിനയിച്ച സിനിമകള്‍ എല്ലാം ഒന്നിനൊന്ന് മെച്ചവും, കലാമൂല്യമുള്ളതുമായിരുന്നു. അഭിനയിച്ച സിനിമകളിലെ പാട്ടുകള്‍ എല്ലാം ഇന്നും നൈന്റീസ് കിഡ്‌സിന്റെ പ്ലേ ലിസ്റ്റില്‍ മുന്നിലാണ്.

ഇപ്പോള്‍ അഭിനയത്തില്‍ നിന്നും പൂര്‍ണമായും അകന്ന് നില്‍ക്കുകയാണ് സംയുക്ത വര്‍മ. പഴയകാല നായികമാര്‍ ആരൊക്കെ തിരിച്ചു വന്നാലും സംയുക്തയെ അതിലേക്ക് പ്രതീക്ഷിക്കേണ്ടതില്ല എന്നാണ് പറയപ്പെടുന്നത്. അത്രയ്ക്ക് പോലും ഇനി അഭിനയിക്കാന്‍ സംയുക്തയ്ക്ക് താത്പര്യമില്ലാത്രെ ഇടയ്ക്ക് ബിജു മേനോനൊപ്പം ചില പരസ്യ ചിത്രങ്ങളില്‍ അഭിനയിച്ചുവെങ്കിലും അഭിനയത്തിലേക്ക് ഇനി ഇല്ല എന്നാണ് സംയുക്ത വര്‍മയുടെ നിലപാട്.

Also Read: വിജയത്തിന്റെ ലഹരി കണ്ണു കെട്ടി, വഴിവിട്ട ജീവിതം കാന്‍സറില്‍ എത്തിച്ചു; ഇപ്പോള്‍ മനീഷ കൊയിരാളയുടെ ജീവിതം, ആരാധകന് നന്ദി പറഞ്ഞ് നടി

സോഷ്യല്‍ മീഡിയയില്‍ അത്ര ആക്ടീവ് അല്ലായിരുന്നു സംയുക്ത വര്‍മ. എന്നാല്‍ ഇപ്പോള്‍ തന്റെ ചെറിയ ചെറിയ വിശേഷങ്ങള്‍ എല്ലാം സംയുക്ത വര്‍മ സോഷ്യല്‍ മീഡിയയില്‍ പങ്കുവയ്ക്കാറുണ്ട്. ഏറ്റവുമൊടുവില്‍ ഇപ്പോള്‍ പങ്കുവച്ച പോസ്റ്റില്‍, സംയുക്ത ആത്മീയതയില്‍ എത്രമാത്രം ഇപ്പോള്‍ സന്തോഷം കണ്ടെത്തുന്നു എന്നത് വ്യക്തമാണ്. ഒന്നാം വയസ്സില്‍ തന്റെ തല മുണ്ഡനം ചെയ്ത ചടങ്ങ് നടത്തിയ ക്ഷേത്രത്തിലേക്ക് തിരിച്ചെത്തിയതിനെ കുറിച്ചാണ് സംയുക്തയുടെ പോസ്റ്റ്

'നീയാണ് ശിവന്‍, നിങ്ങള്‍ പ്രാര്‍ത്ഥിക്കുന്നു. ക്ഷേത്രങ്ങളിലും മന്ത്രങ്ങളിലും ആചാരങ്ങളിലും നിങ്ങള്‍ ശിവനെ അന്വേഷിക്കുന്നു. എന്നാല്‍ ശിവന്‍ പുറത്തല്ല, നീ തന്നെയാണ് ശിവന്‍. നഞ്ചുണ്ടായ ക്ഷേത്രം, ഓം നമശിവായ- എന്നാണ് സംയുക്ത വര്‍മയുടെ പോസ്റ്റ്. ഒരു വയസ്സുള്ളപ്പോള്‍ തന്റെ തലമുണ്ഡനം ചെയ്യല്‍ ചടങ്ങ് നടന്നത് ഈ പവിത്രമായ നഞ്ചുണ്ടേശ്വര ക്ഷേത്രത്തില്‍ വച്ചാണ് എന്ന് പറഞ്ഞ് സംയുക്ത തന്റെയും, അമ്മയോടൊപ്പമുള്ള ഒരു ഫോട്ടോയും പങ്കുവച്ചിട്ടുണ്ട്.


അഭിനയത്തില്‍ നിന്ന് മാറി നിന്നത് സ്വന്തം താത്പര്യ പ്രകാരം തന്നെയാണ്. എന്നാല്‍ പ്രസവത്തിന് ശേഷം വന്ന ശരീരക മാറ്റം തന്നെ അസ്വസ്തതപ്പെടുത്തിയിരുന്നു എന്നും, ആ ഡിപ്രഷനില്‍ നിന്ന് പുറത്ത് കടക്കാന്‍ സഹായിച്ചത് യോഗയാണ് എന്നും പലപ്പോഴും സംയുക്ത പുറഞ്ഞിട്ടുണ്ട്. ഇപ്പോഴും യോഗയുടെ കാര്യത്തില്‍ സംയുക്തയ്ക്ക് യാതൊരു വിട്ടുവീഴ്ചയും ഇല്ല.