ഒന്നും പറയാനില്ല, എല്ലാം ഇവള്‍ പറയട്ടെ എന്ന് പ്രണവ്! വര്‍ഷങ്ങളായി അറിയാവുന്ന ആളാണ്; ഭര്‍ത്താവിനെ പരിചയപ്പെടുത്തി അഷിക അശോക്

Authored byഅശ്വിനി പി | Samayam Malayalam | Updated: 12 Apr 2025, 6:29 pm

Samayam Malayalamഅഷിക അശോക്

സോഷ്യല്‍ മീഡിയയില്‍ സജീവമായവര്‍ക്ക് അഷിക അശോകിനെ പ്രത്യേകിച്ച് പരിചയപ്പെടുത്തേണ്ടതില്ല. സിനിമ പ്രമോഷന്‍ റിലീകളിലൂടെയും മറ്റും നാനി പോലുള്ള സെലസിബ്രേറ്റികശളോടൊപ്പം പ്രത്യക്ഷപ്പെട്ടിട്ടുള്ള താരമാണ്. ഹ്രസ്വ ചിത്രങ്ങള്‍ക്കും മ്യൂസിക് ആല്‍ബങ്ങള്‍ക്കും യൂട്യൂബ് വെബ് സീരീസുകള്‍ക്കും പുറമെ ചില സിനിമകളില്‍ ചെറിയ റോളുകളിലും അഷിക അശോക് എത്തിയിട്ടുണ്ട്.

അഷിക അശോകിന്റെ വിവാഹം കഴിഞ്ഞതാണ് പുതിയ വിശേഷം. വലിയ കൊട്ടിഘോഷങ്ങളൊന്നും ഇല്ലാതെ സര്‍പ്രൈസ് ആയിട്ടാണ് വാര്‍ത്ത പുറത്തുവട്ടത്. അഷിക വിവാഹ വീഡിയോ ഇന്‍സ്റ്റഗ്രാമില്‍ പങ്കുവച്ചതിന് ശേഷമാണ് ആരാധകരും അറിഞ്ഞത്. ചിലത് പ്ലാന്‍ ചെയ്യുന്നതിനും അപ്പുറമായിരിക്കും എന്നായിരുന്നു വീഡിയോ പങ്കുവച്ച് അഷിക ഇന്‍സ്റ്റഗ്രാമില്‍ കുറിച്ചത്.

Also Read: അവള്‍ എന്റെ ജീവിതത്തിലേക്ക് വന്ന സമയമാണ് പ്രധാനം, അത്രയും ഡൗണായ അവസ്ഥയിലായിരുന്നു; കുമുദത്തെ കുറിച്ച് നയന്‍താര

വിവാഹത്തിന് ശേഷം അഷിക മാധ്യമങ്ങളോട് പ്രതികരിച്ചുകൊണ്ട് ഭര്‍ത്താവിനെ പരിചയപ്പെടുത്തി. പ്രണവ് എന്നാണ് ആളുടെ പേര്, ആര്‍ക്കിടെക്ട് ആണ്. നാട് മലപ്പുറം ജില്ലയിലെ, വളാഞ്ചേരി. ഞങ്ങള്‍ ബന്ധുക്കളാണ്, വര്‍ഷങ്ങളായി അറിയാവുന്ന ആളുമാണ്. അതുകൊണ്ട് ഞാന്‍ വളരെ അധികം കംഫര്‍ട്ടബിള്‍ ആണ്. ഇനി അങ്ങോട്ടുള്ള എന്റെ ബാക്ക് ബോണ്‍ ഇതാണെന്ന് പ്രതീക്ഷിക്കുന്നു എന്ന് അഷിക പറഞ്ഞു. മൈക്കുമായി പ്രണവിന്റെ അടുത്ത് ചെന്നപ്പോള്‍, ഒന്നും പറയാനില്ല എല്ലാം അവള്‍ പറയട്ടെ എന്നായിരുന്നു പ്രതികരണം

Also Read: ചിലത് പ്ലാന്‍ ചെയ്യുന്നതിനും അപ്പുറമാണ്; വിവാഹം കഴിഞ്ഞു എന്ന സന്തോശഷ വാര്‍ത്തയുമായി അഷിക അശോകന്‍, ഒരിക്കല്‍ വിവാഹം മുടങ്ങിയത് എന്തുകൊണ്ട്?

വളരെ ചെറിയ സമയത്തിനുള്ളില്‍ അറേഞ്ച് ചെയ്തതാണ് എല്ലാം. ഞങ്ങള്‍ക്ക് രണ്ട് പേര്‍ക്കും ഒരു ഐഡിയയും ഉണ്ടായിരുന്നില്ല, എന്ത് എങ്ങനെ തുടങ്ങണമെന്ന്. ദൈവ ഭാഗ്യത്താല്‍ എല്ലാം ഭംഗിയായി നടന്നു. ഹണിമൂണ്‍ ഒന്നും ഇപ്പോള്‍ പ്ലാന്‍ ചെയ്തിട്ടില്ല. ഇനി വേണം എല്ലാം പ്ലാന്‍ ചെയ്യാന്‍. തിരക്കിട്ടു നടത്തിയതിനാല്‍ സെലിബ്രേറ്റി സുഹൃത്തുക്കള്‍ക്കും പങ്കെടുക്കാന്‍ കഴിഞ്ഞില്ല- അഷിക പറഞ്ഞു
നേരത്തെ ഒരു വിവാഹ നിശ്ചയം കഴിഞ്ഞ് മുടങ്ങിപ്പോയതാണ് അഷികയുടെ വിവാഹം. കൊടുക്കുന്ന സ്‌നേഹവും ബഹുമാനവും ഒന്നും തിരിച്ചുകിട്ടിയില്ലെങ്കില്‍ യാതൊരു ബന്ധവും മുന്നോട്ട് പോകില്ല എന്നാണ് അന്ന് അഷിക പറഞ്ഞത്.