ഒരു ആണിന് മാത്രമല്ല ഒരു പെണ്ണിനും ഭർത്താവിനെ സംരക്ഷിക്കാനാകും! അതുതന്നെയാണ് ലേഖ ചെയ്തത്; വീഡിയോയ്ക്ക് പിന്നിലെ യാഥാർഥ്യം

Authored by: ഋതു നായർ|Samayam Malayalam•7 Aug 2025, 2:00 pm

എംജി ശ്രീകുമാർ- ;ലേഖ ശ്രീകുമാർ ദമ്ബതികളുടെ ഒരു വീഡിയോ ഇക്കഴിഞ്ഞ ദിവസമാണ് വൈറൽ ആയത്. പൊതുപരിപാടിയിൽ പങ്കെടുക്കാൻ എത്തിയതായിരുന്നു ഇരുവരും.

എംജി എവിടെ പോകുന്നോ അവിടെയൊക്കെയും നിഴലായി ലേഖ ഉണ്ടാകാറുണ്ട്. അതിന്റെ പേരിൽ വർഷങ്ങൾ ആയി ഇരുവരും ഏറെ വിമർശനങ്ങളും നേരിട്ടിരുന്നു. എന്നാൽ വിമർശനം ഉന്നയിച്ചവർ പോലും ഇന്ന് എവിടെപ്പോയാലും ഭാര്യയെ ഒപ്പം കൂട്ടുന്നുണ്ട് എന്നാണ് അടുത്തിടെ എംജി പറഞ്ഞത്.

വർഷങ്ങൾ ആയുള്ള ശീലമാണ് ഞങ്ങൾ എവിടെപ്പോയാലും പരസ്പരം ഒത്തുചേർന്നു പോകുന്നു എന്നുള്ളത്. അതിന് ഒരുപാട് വിമർശനങ്ങൾ നേരിട്ടിരുന്നു. എന്നെ പരിഹസിച്ച പലരും ഇന്ന് ഭാര്യയെ കൂടെ കൂട്ടിയാണ് നടക്കുന്നതെന്നാണ് എംജി പറഞ്ഞത്. ഇപ്പോൾ പറഞ്ഞു വരുന്നത് ഇക്കഴിഞ്ഞ ദിവസത്തെ വൈറൽ വീഡിയോയെ കുറിച്ചാണ്

എംജി ശ്രീകുമാറും ഭാര്യയും വേദിയിൽ നിന്നും പുറത്തേക്ക് വരുന്ന ഒരു വീഡിയോ ആണ് ഇക്കഴിഞ്ഞ ദിവസങ്ങളിൽ സമൂഹ മാധ്യങ്ങളിൽ നിറഞ്ഞു നിന്നത്. ആ വീഡിയോയിൽ ഒരു അപരിചിതൻ എംജിയോട് മുൻ പരിചയക്കാരൻ എന്ന നിലയിൽ തോളിൽ കൈയിടുന്നതും വീഡിയോ പകർത്താൻ ശ്രമിക്കുന്നതും കാണാം.

എന്നാൽ എംജിയുടെ തൊട്ടുപിറകിൽ വന്ന ലേഖ ആ കൈ തട്ടി മാറ്റുന്നതും എന്തോ അദ്ദേഹത്തോട് പറയുന്നതും കാണാം. ഇതിനെതിരെ ആണ് ഒരു വിഭാഗം ആളുകൾ കമന്റ്സും ആയി എത്തിയത്.

ALSO READ: മോഹൻലാൽ മുതൽ സമാന്ത റുത്ത് പ്രഭുവരെ ആശംസകളുമായി എത്തി, ദുൽഖറിന്റെ നായികയ്ക്ക് ഇന്ന് 32 ആം പിറന്നാൾപ്രേക്ഷകരുടെ സ്നേഹം ആണ് നിങ്ങൾ എന്നും. പ്രേക്ഷകർ ഇല്ലെങ്കിൽ നിങ്ങൾ ഇല്ലെന്നുമാണ് സംസാരം. എന്നാൽ താരങ്ങൾ പബ്ലിക്ക് പ്രോപ്പർട്ടി ആണെന്ന രീതിയിലുള്ള ചില ആളുകളുടെ സമീപനത്തെ കുറിച്ചാണ് മറ്റുപലരുടെയും സംസാരം. മാത്രമല്ല എംജിക്ക് നിഴലായി അവർ പോകുന്നുണ്ട് എങ്കിൽ ആ പുരുഷനെ സംരക്ഷിക്കേണ്ട ഉത്തരവാദിത്വം അവർക്ക് കൂടിയാണ്.

ALSO READ: അമ്മയുടെ മകളായി പിറന്നതിൽ അഭിമാനം! എന്റെ അമ്മ നാഷണൽ വിന്നർ; ഉർവശിയെക്കുറിച്ച് കുഞ്ഞാറ്റഒരു ആണിന് മാത്രമല്ല ഒരു പെണ്ണിനും ഭർത്താവിനെ സംരക്ഷിക്കാനാകും! അതുതന്നെയാണ് ലേഖ ചെയ്തത് എന്നാണ് ഇരുവരെയും പിന്തുണച്ചുകൊണ്ട് മിക്ക ആളുകളും കുറിക്കുന്നത്.