ഒരു കുറ്റബോധവും എനിക്കില്ല, കാശ് ചെലവാക്കുന്നുണ്ടെങ്കില്‍ നന്നായി ആലോചിക്കും എന്ന് കല്യാണി

ലോക എന്ന ചിത്രത്തിലൂടെ മലയാളത്തിന്റെ ആദ്യത്തെ സൂപ്പര്‍ ലേഡി ആയിരിക്കുകയാണ് കല്യാണി പ്രിയദര്‍ശന്‍ . 2025 ല്‍ ഏറ്റവും അധികം കലക്ഷന്‍ നേടിയ സിനിമ, ഇതുവരെ ഇറങ്ങിയതില്‍ ഏറ്റവും അധികം ഗ്രോസ് കലക്ഷന്‍ നേടിയ മലയാള സിനിമ, സൗത്ത് ഇന്ത്യയില്‍ ഏറ്റവും അധികം കലക്ഷന്‍ നേടിയ ഫീമെയില്‍ സെന്‍ട്രിക് ഫിലിം എന്നിങ്ങനെ വിശേഷണങ്ങള്‍ ഒരുപാടാണ് കല്യാണി പ്രിയദര്‍ശന്റെ ലോകയ്ക്ക്. ഇപ്പോഴിതാ നടി കാര്‍ഡ് ഷെഫ്ള്‍ ഗെയിമില്‍ ചില ചോദ്യങ്ങള്‍ക്ക് ഉത്തരം നല്‍കുന്നു

ഒരു സാധനം വാങ്ങിച്ച്, ഉടനെ ശ്ശെ വേണ്ടായിരുന്നു എന്ന് തോന്നിയ സാധനം എന്തായിരുന്നു എന്ന ചോദ്യത്തിന് ഇതുവരെ അങ്ങനെ ഒന്നില്ല എന്നായിരുന്നു കല്യാണി പ്രിയദര്‍ശന്റെ മറുപടി. കുറ്റബോധം തോന്നുന്ന വിധം ഞാന്‍ ഒന്നും വാങ്ങിയിട്ടില്ല. അങ്ങനെ ഒരാളല്ല ഞാന്‍. ഒരു സാധനം വാങ്ങുന്നുണ്ട് എങ്കില്‍ ഞാന്‍ ഒരുപാട് ആലോചിക്കും, പ്രത്യേകിച്ചും വലിയ കാശ് ചെലവാക്കി വാങ്ങുന്ന സാധനമാണെങ്കില്‍ മാസങ്ങള്‍ക്ക് മുന്നെ ആലോചിച്ച് തുടങ്ങും. അതുകൊണ്ട് ഒരു കുറ്റബോധവും വാങ്ങിയ സാധനങ്ങളുടെ പേരില്‍ ഇല്ല

Also Read: വിജയ് ദേവരകൊണ്ടയെ രക്ഷപ്പെടുത്താന്‍ വിജയ് സേതുപതി; 20 കോടി രൂപ പ്രതിഫലത്തിന് വേണ്ടിയോ ഇത്?

2025 ലെ ഒരു ദിവസത്തിലേക്ക് തിരിച്ചു പോകാന്‍ സാധിച്ചാല്‍ ഏത് ദിവസമായിരിക്കും അത് എന്ന ചോദ്യത്തിന്, ലോക റിലീസ് ചെയ്ത ആ ദിവസം എന്നാണ് കല്യാണി മറുപടി പറഞ്ഞത്. എനിക്കിപ്പോഴും ഓര്‍മയുണ്ട്, ഞാന്‍ വളരെ അധികം നേര്‍വസ് ആയിരുന്നു. ഞാനും കൂടെ അഭിനയിച്ച നസ്ലിനും ഞങ്ങള്‍ താമസിച്ച റൂമില്‍ നിന്ന് പുറത്തേക്ക് ഇറങ്ങിയതേയില്ല. ഷോ കഴിഞ്ഞിട്ട് ഫോണ്‍ നോക്കാം എന്നായിരുന്നു പറഞ്ഞിരുന്നത്. ഷോ കഴിഞ്ഞ് കോളുകള്‍ വരാന്‍ തുടങ്ങിയപ്പോള്‍ മനസ്സിലായി, സിനിമ വര്‍ക്കായി എന്ന്. അപ്പോള്‍ നസ്ലിനെ വിളിച്ചു പറഞ്ഞു, ഇനി നമുക്ക് പുറത്തേക്കിറങ്ങാം എന്ന്. ആ ദിവസം ഒരിക്കല്‍ കൂടെ വേണം എന്നാഗ്രിക്കുന്നു എന്ന് കല്യാണി പറഞ്ഞു

2026 ല്‍ മാനിഫെസ്റ്റ് ചെയ്യാന്‍ ആഗ്രഹിക്കുന്ന കാര്യം എന്താണ് എന്ന് ചോദിച്ചാല്‍, ലോക ചാപ്റ്റര്‍ 2 ന്റെ ഷൂട്ടിങ് ആണെന്ന് കല്യാണി പറയും. ഹിഡണ്‍ ടാലന്റ് എന്താണ് എന്ന് ചോദിച്ചപ്പോള്‍ കുക്കിങ് എന്നാണ് താരപുത്രി പറഞ്ഞത്. അത് ഹിഡണ്‍ ടാലന്റ് ഒന്നുമല്ല, അടുത്തറിയാവുന്നവര്‍ക്കെല്ലാം അറിയാവുന്നതുമാണത്രെ. ലോകയിലെ ചന്ദ്രയില്‍ നിന്ന് എടുക്കാന്‍ ആഗ്രഹിക്കുന്ന പവര്‍ എന്താണ് എന്ന് ചോദിച്ചപ്പോള്‍, പറക്കാനുള്ള പവര്‍ എന്ന് പറയാനാണ് ആഗ്രഹം. പക്ഷേ അത് നടക്കാത്തത് കൊണ്ട്, ചന്ദ്രയെ പോലെ ഇടിക്കാനുള്ള പവര്‍ വേണമെന്ന് കല്യാണി ആഗ്രഹിക്കുന്നുണ്ടത്രെ.