ഒരു മാസം കഴിഞ്ഞില്ലല്ലോ, ഇത്ര പെട്ടന്നോ? എമ്പുരാന്‍ ഒടിടിയിലേക്ക്, എവിടെ എപ്പോള്‍ കാണാം എന്നറിയണ്ടേ?

Authored byഅശ്വിനി പി | Samayam Malayalam | Updated: 18 Apr 2025, 7:57 am

മലയാളികള്‍ അത്രയേറെ പ്രതീക്ഷയോടെ കാത്തിരുന്ന റിലീസ് ആയിരുന്നു എല്‍ ടു എമ്പുരാന്‍. മലയാളത്തിലെ ഏറ്റവും വലിയ സിനിമ എന്ന അവകാശപ്പെടാന്‍ സാധിക്കുന്ന എമ്പുരാന്‍ റിലീസിന് ശേഷം കേരളത്തിന് അകടത്തും പുറത്തും വലിയ ചര്‍ച്ചയും വിവാദവുമായി. തിയേറ്റര്‍ റിലീസിന് വേണ്ടി കാത്തിരുന്നവര്‍ക്ക് ചിത്ത്രതിന്റെ ഓടിടി റിലീസിന് വേണ്ടി അധികം കാത്തിരിക്കേണ്ടി വരില്ല!

അതെ, മാര്‍ച്ച് 27 ന് പുറത്തിറങ്ങിയ എമ്പുരാന്‍, കൃത്യം ഒരു മാസം പിന്നിടുമ്പോഴേക്കും ചിത്രം ഒടിടിയില്‍ എത്തുന്നു എന്നാണ് ഇപ്പോഴുള്ള വിവരം. ജിയോ ഹോട്‌സ്റ്റാര്‍ ആണ് എമ്പുരാന്റെ ഓടിടി അവകാശം സ്വന്തമാക്കിയിരിയ്ക്കുന്നത്. ഏപ്രില്‍ 24 മുതല്‍ സിനിമ ഓടിടിയില്‍ എത്തും എന്ന വിവരം മോഹന്‍ലാല്‍ തന്നെയാണ് തന്റെ സോഷ്യല്‍ മീഡിയ പേജിലൂടെ അറിയിച്ചത്.

Also Read: ചിയാന്‍ വിക്രമിന്റെ പ്രണയ കഥ സിനിമക്കഥയെക്കാള്‍ ഇന്‍ട്രസ്റ്റിങ് ആണ്! അന്ന് ഭാര്യക്ക് കൊടുത്ത വാക്ക്, ശൈലജയെ കുറിച്ച് പറയുമ്പോള്‍ നൂറ് നാവാണ്

ലൂസിഫര്‍ ഫ്രാഞ്ചസിയിലെ രണ്ടാമത്തെ സിനിമയായ എല്‍ ടു എമ്പുരാന്‍ പൃഥ്വിരാജ് സുകുമാരന്റെ ഡ്രീം കം ട്രു ഫിലിം ആയിരുന്നു. മുരളി ഗോപിയുടെ തിരക്കഥയില്‍ പൃഥ്വിരാജ് സംവിധാനം ചെയ്ത പെര്‍ഫക്ട് ചിത്രം. സിനിമയുടെ എഴുത്തിലോ മേക്കിങിലോ കുറവുകളൊന്നും പറയാന്‍ ഇല്ലായിരുന്നുവെങ്കിലും, എഴുത്തിലെ രാഷ്ട്രീയം വലിയ രീതിയില്‍ ചര്‍ച്ചയാവുകയും വിവാദമാവുകയും ചെയ്തു. ഗുജറാത്ത് കലാപവുമായി ബന്ധമുണ്ട് എന്ന കാരണത്താല്‍ സിനിമ ബഹിഷ്‌കരിച്ചവരും ഉണ്ട്.

Alson Read: എനിക്കും മോനും നല്‍കിയ വാക്ക് നിങ്ങള്‍ പാലിക്കുന്നതിന്, സ്‌നേഹിക്കുന്നതിന് എല്ലാം നന്ദി; ഭര്‍ത്താവിനൊപ്പമുള്ള ഇന്റിമേറ്റ് ചിത്രങ്ങളുമായി മീര വാസുദേവന്‍

പൃഥ്വിരാജ് സംവിധായകന്‍ മാത്രമായിരുന്നില്ല. മോഹന്‍ലാലിന്റെ അബ്രഹാം ഖുറേഷി എന്ന കഥാപാത്രത്തിനൊപ്പം നില്‍ക്കുന്ന സയീദ് മസൂദ് എന്ന കഥാപാത്രത്തെയും ചെയ്തത് പൃഥ്വിയാണ്. മഞ്ജു വാര്യര്‍, ടൊവിനോ തോമസ് എന്നിവരും ചിത്രത്തിലെ കേന്ദ്ര കഥാപാത്രങ്ങളായി എത്തി. എല്‍ടുവില്‍ പ്രേക്ഷകര്‍ക്കുണ്ടായിരുന്ന പ്രതീക്ഷ എന്തായിരുന്നോ, അത് സിനിമയുടെ മൂന്നാം ഭാഗത്തിലേക്കും നിലനിര്‍ത്തിയാണ് എമ്പുരാന്‍ അവസാനിപ്പിച്ചത്.

മോഹന്‍ലാലിന്റെ ചെറുപ്പകാലം അവതരിപ്പിച്ച് എല്‍ 3 യില്‍ പ്രണവ് മോഹന്‍ലാലും ഉണ്ടാവും. അമേരിക്കല്‍ നടനായ റിക്ക് യുനെയാണ് വില്ലനായി എത്തുന്നത്. അതും രണ്ടാം ഭാഗത്ത് തന്നെ തന്ന ഹൈപ്പ് ആയിരുന്നു. എല്‍ 3 എപ്പോള്‍ വരും എന്നൊന്നും പൃഥ്വി പറഞ്ഞിട്ടില്ല, പക്ഷേ വരവ് കണ്‍ഫോം ആണ്.