ഒരു ലൈംഗികാതിക്രമ കേസിനു ശേഷം ജീവിക്കേണ്ടി വരുന്ന സ്ത്രീ; സോണിയ അ​ഗർവാളിന്റെ ​ഗിഫ്റ്റ് തിയേറ്ററിലെത്തുന്നു

Authored by: അശ്വിനി പി|Samayam Malayalam•25 Oct 2025, 4:02 pm

മലയാളം, തമിഴ്, തെലുങ്ക്, കന്നഡ എന്നീ ഭാഷകളിൽ ഏറെ ശ്രദ്ധിച്ച നേടിയ കാതൽ കൊണ്ടൈൻ, 7G റെയിൻബോ കോളനി, മധുരൈ, പുതുപെട്ടൈ തുടങ്ങിയ ചിത്രങ്ങളിലൂടെ ഏറെ പരിചിതയാണ് സോണിയ അഗർവാൾ . ഗൃഹാതുരം, ജംമ്നപ്യാരി, തീട്ട റപ്പായി, കയ്പ്പക്ക, ബിഹൈന്റ് പോലുള്ള മലയാള സിനിമകളിലും സോണിയ വേഷമിട്ടിട്ടുണ്ട്.

സോണി അഗർവാൾ വീണ്ടും പ്രാധാന കഥാപാത്രമായി എത്തുന്ന പുതിയ ചിത്രമാണ് ഗിഫ്റ്റ് , ചിത്രത്തിന്റെ റിലീസ് തിയ്യതി പ്രഖ്യാപിച്ചു. പാ പാണ്ഡ്യൻ രചനയും സംവിധാനവും നിർവ്വഹിക്കുന്ന ഈ ചിത്രത്തിൽ ഒരു ലൈംഗികാതിക്രമ കേസിനു ശേഷം ജീവിക്കുന്ന ദൃഢനിശ്ചയമുള്ള ഒരു പോലീസുകാരിയുടെ വേഷമാണ് സോണിയ അഗർവാളിന്റെത്. നിരവധി കേസുകൾ തെളിയിക്കാൻ കഴിഞ്ഞിട്ടും, കേസിൽ അവർ ഒരു പ്രതിസന്ധി നേരിടുന്നു. അവർക്ക് ഇപ്പോഴും അത് എങ്ങനെ പിന്തുടരാൻ കഴിയുന്നു എന്നതാണ് ചിത്രത്തിന്റെ ഇതിവൃത്തം.

Also Read: കവിളിലെ മുറിവ്, പരിശോധനയിൽ കാൻസർ; ചികിത്സിക്കാൻ കാശില്ലാതെ നടി ‌സലീമ, സഹായം തേടി സുഹൃത്തുക്കൾ

പി പി സിനിമാസിൻ്റെ ബാനറിൽ സംവിധായകൻ പാ പാണ്ഡ്യൻ തന്നെയാണ് ഈ ക്രൈം ഇൻവെസ്റ്റിഗേഷൻ ചിത്രം നിർമിക്കുന്നത്. വടിവേലു, കമലകണ്ണൻ എന്നിവരാണ് സഹനിർമ്മാതാക്കൾ. ഒക്ടോബർ 31ന് തീയേറ്ററുകളിൽ എത്തുന്ന ചിത്രം, കേരളത്തിൽ വിതരണത്തിന് എത്തിക്കുന്നത് സഹായരാജൻ ഫിലിംസും സാൻഹ സ്റ്റുഡിയോയും ചേർന്നാണ്.

Also Read: 11ആം വയസ്സിൽ ചൈൽഡ് അഭ്യൂസിന് ഇരയായയി, ശരീരത്തിന്റെ പേരിൽ കളിയാക്കലുകൾ; പരാജയങ്ങളിൽ നിന്ന് തുടങ്ങിയ ശ്രുതിയുടെ ഇന്നത്തെ വരുമാനം


സോണിയ അഗർവാളിനെ കൂടാതെ ബിർള ബോസ്, സൂപ്പർ ഗുഡ് സുബ്രഹ്മണി, ക്രെയിൻ മനോഹർ, ശശി ലയ, രേഖ എന്നിവരും ഗിഫ്റ്റിൽ അഭിനയിക്കുന്നു. ചിത്രത്തിന്റെ സംഗീത സംവിധാനം നി‍വ്വഹിച്ചിരിയ്ക്കുന്നത് ഹമര സി.വിയാണ്. ഛായാഗ്രഹണം രാജദുരൈയും നിർവ്വഹിക്കുന്നു. ചിത്രത്തിന് രണ്ട് എഡിറ്റർമാരുണ്ട്, ഡേവിഡ് അജയ്, ഗണേഷ്. ഡിസ്ട്രിബൂഷൻ ഹെഡ്: ഷാനു പരപ്പനങ്ങാടി, പി ആർ ഒ (കേരള): പി.ശിവപ്രസാദ് എന്നിവരാണ് മറ്റ് അണിയറ പ്രവർത്തകർ.