ഒരു വർഷത്തെ എൻറെ ഏറ്റവും മികച്ചമാറ്റം: സണ്ണി വെയിൻറെ ഭാര്യ പറയുന്നു, ഇത് വെറും മോട്ടിവേഷൻ കാരണമല്ല

Authored by: അശ്വിനി പി|Samayam Malayalam•31 Jul 2025, 4:53 pm

വെയിറ്റ് ലോസ് ചെയ്യുക എന്ന് അത്ര എളുപ്പമുള്ള കാര്യമല്ല. ഇന്നത്തെ ജീവിത സാഹചര്യത്തിൽ പലരും ശ്രമിക്കുന്ന ഒന്നാണ്. മോട്ടിവേഷൻ ചെയ്തതുകൊണ്ട് ആർക്കും പെട്ടന്ന് തടി കുറയ്ക്കാൻ കഴിയും എന്നുമില്ല. തൻറെ ഒരു വർഷത്തെ കഠിന പരിശ്രമത്തിൻ ഫലം ആണ് ഇപ്പോൾ സണ്ണി വെയിനിൻറെ ഭാര്യയും നർത്തകിയുമായ രഞ്ജിനി കുഞ്ചു ഇൻസ്റ്റഗ്രാമിൽ പോസ്റ്റ് ചെയ്തിരിയ്ക്കുന്നത്.

വെറും മോട്ടിവേഷൻ കൊണ്ട് സാധ്യമായതല്ല ഇത്, സ്ഥിരതയും അച്ചടക്കവുമാണ് ഈ മാറ്റത്തിന് എന്നെ സഹായിച്ചത് എന്ന് രഞ്ജിനി കുഞ്ചു പറയുന്നു. കൃത്യമായ ഡയറ്റ്, കാർഡിയോ, സ്ട്രങ്ത് ട്രെയിനിങ്, എല്ലാം ചെയ്തിട്ടുണ്ട്. പക്ഷേ അതിനെക്കാൾ ഒക്കെ മുകളിലാണ് സ്ഥിരമായി അത് ഫോളോ ചെയ്യു എന്നത്.

Also Read: നിങ്ങളുടെ മകൾ പ്രിയയെ എനിക്ക് തന്നതിന് നന്ദി; അമ്മായിയപ്പനും അമ്മായിയച്ഛനും വിവാഹ വാർഷികാശംസകളുമായി കുഞ്ചാക്കോ ബോബൻ

ജിമ്മിൽ നിന്നുള്ള ഒരു മിറർ സെൽഫിയ്ക്കൊപ്പമാണ് രഞ്ജിനി പോസ്റ്റ് പങ്കുവച്ചത്. ഒരു വർഷത്തെ എൻറെ ഈ മാറ്റം, എന്നിലെ ഏറ്റവും മികച്ച വേർഷൻ ആണ്. ഇത് മാത്രല്ല, ഇനിയും വരാനുണ്ട്- എ്നാണ് വീഡിയോയ്ക്ക് ക്യാപ്ഷൻ നൽകിയിരിയ്ക്കുന്ന്. വീഡിയോയ്ക്ക് താഴെ പ്രശംസകളുമായി നിരവധി കമൻറുകളുണ്ട്.

Also Read: സ്വയം സ്നേഹിക്കുന്നതിന്റെ മഹത്വം: മരിയ ഉമ്മനുമായുള്ള ബന്ധം; വാചാലയായി ഷീലു

2019 ൽ ആയിരുന്നു സണ്ണി വെയിനുമായുള്ള രഞ്ജിനി കുഞ്ചുവിൻറെ വിവാഹം. എന്നാൽ വളരെ വിരളമായി മാത്രമേ സണ്ണിയ്ക്കൊപ്പമുള്ള ചിത്രങ്ങൾ താരം സോഷ്യൽ മീഡിയയിൽ പോസ്റ്റ് ചെയ്യാറുള്ളൂ. സ്വകാര്യത തുറന്നു കാട്ടാനുള്ളതല്ല സോഷ്യലിടം എന്ന കാഴ്ചപ്പാടാണ് രഞ്ജിനിയ്ക്ക്. അതേ സമയം തൻറെ ഡാൻസ് വീഡിയോകൾ എല്ലാ രഞ്ജിനി ഇൻസ്റ്റഗ്രാമിൽ ഷെയർ ചെയ്യുകയും വൈറലാവുകയും ചെയ്യാറുണ്ട്.
മാത്രമല്ല, സണ്ണി വെയിനിൻറെ ഭാര്യ എന്ന വിശേഷണവും രഞ്ജിനിയ്ക്ക് താത്പര്യമില്ല. തൻറെ പ്രൊഫഷൻറെ പേരിൽ അറിയപ്പെടാനാണ് താരത്തിന് ആഗ്രഹം. നിരവധി സ്റ്റേജ് ഷോകളും ടിവി റിയാലിറ്റി ഷോകളും ചെയ്തിട്ടുള്ള രഞ്ജിനി ഒരു ഡാൻസ് ടീച്ചർ കൂടെയാണ്.