ഓണം ഫഹദും ഗ്യാങ്ങും 'തൂക്കു'മോ?, ലാലിന്റെ ശബ്ദത്തിൽ റാപ്പ്; 'ഓടും കുതിര ചാടും കുതിര'യിലെ ഗാനം

4 months ago 5

27 August 2025, 07:56 PM IST

lal

ഗാനത്തിൽനിന്ന്, ലാൽ

ഫഹദ് ഫാസിലും കല്യാണി പ്രിയദർശനും ഒന്നിക്കുന്ന ‘ഓടും കുതിര ചാടും കുതിരയിലെ 'തൂക്കിയിരിക്കും' എന്ന് തുടങ്ങുന്ന വെറൈറ്റി റാപ്പ് ഫ്യൂഷൻ സോങ് പുറത്ത്. ജസ്റ്റിൻ വർഗീസ് സംഗീത സംവിധാനം നിർവഹിച്ചിരിക്കുന്ന ഗാനം ആലപിച്ചിരിക്കുന്നത് ജസ്റ്റിൻ വർഗീസും നടൻ ലാലും ചേർന്നാണ് എന്നതാണ് ഈ ഗാനത്തെ വേറിട്ട്‌ നിർത്തുന്നത്. ചിത്രം ഈ വരുന്ന വെള്ളിയാഴ്ച തീയേറ്ററിലേക്ക് എത്തുന്നു.

വെനോ മിസ്സാണ് ഇതിലെ റാപ്പ് ഭാഗങ്ങൾ പാടിയിരിക്കുന്നത്. സുഹൈൽ കോയയാണ് വരികൾ രചിച്ചിരിക്കുന്നത്. റൊമാന്റിക് കോമഡി ജോണറിലുള്ള ഈ സിനിമ ഓഗസ്റ്റ് 29-ന് റിലീസ് ചെയ്യുന്നു. നിരവധി സിനിമകളിലൂടെ മലയാളികളുടെ കൈയ്യടി നേടിയ പ്രിയപ്പെട്ട താരവും സംവിധായകനുമായ അൽത്താഫ് സലീം ആണ് ചിത്രം സംവിധാനം ചെയ്യുന്നത്. ചിത്രത്തിന്റെ തിരക്കഥയും അദ്ദേഹമാണ് ഒരുക്കിയിരിക്കുന്നത്. മലയാളത്തിൽ ഒട്ടേറെ ഹിറ്റുകൾ സമ്മാനിച്ച ആഷിക് ഉസ്മാൻ പ്രൊഡക്ഷൻസ് ബാനറിൽ ആഷിക് ഉസ്മാൻ നിർമ്മിക്കുന്ന ഈ ചിത്രം പ്രേക്ഷകർക്ക് നൽകുന്ന ഓണസമ്മാനമായിരിക്കും.

ഫഹദിനും കല്യാണിക്കും പുറമേ രേവതി പിള്ള, വിനയ് ഫോർട്ട്, ലാൽ, സുരേഷ്കൃഷ്ണ, ബാബു ആൻ്റണി, ജോണി ആൻ്റണി, ലക്ഷ്മി ഗോപാലസ്വാമി, അനുരാജ്, വിനീത് വാസുദേവൻ തുടങ്ങിയ വലിയ താരനിര തന്നെ സിനിമയുടെ ഭാഗമായിട്ടുണ്ട്. ജസ്റ്റിൻ വർഗീസ് സംഗീതം ഒരുക്കുന്ന ചിത്രത്തിന് ജിന്റോ ജോർജ് ഛായാഗ്രഹണം നിർവഹിക്കുന്നു. എഡിറ്റിംഗ് നിധിൻ രാജ് അരോൾ കൈകാര്യം ചെയുന്നു. മാർക്കറ്റിംഗ് ആൻഡ് പ്രൊമോഷൻസ്:ഒബ്സ്ക്യൂറ എന്റർടൈൻമെന്റ്സ്.