ഓപ്പണർമാർ തകർത്തടിച്ചു, വീണ്ടും തോൽവിയായി ​മാക്സ്‍വെൽ; കൊൽക്കത്തയിൽ റൺമല കയറി പഞ്ചാബ് കിങ്സ്

Authored byലിജിൻ കടുക്കാരം | Samayam Malayalam | Updated: 26 Apr 2025, 9:37 pm

കൊൽക്കത്ത: കൊൽക്കത്ത നൈറ്റ് റൈഡേഴ്സിനെതിരെ 202 വിജയലക്ഷ്യം കുറിച്ച് പഞ്ചാബ് സൂപ്പർ കിങ്സ്. ടോസ് നേടി ആദ്യം ബാറ്റ് ചെയ്ത പഞ്ചാബ് നിശ്ചിത 20 ഓവറിൽ നാല് വിക്കറ്റ് നഷ്ടത്തിലാണ് 201 റൺസെടുത്തത്. ഓപ്പണർമാരായ പ്രിയാൻഷ് ആര്യയും പ്രഭ്സിമ്രാൻ സിങ്ങും ചേർന്ന് തകർപ്പൻ തുടക്കമാണ് പഞ്ചാബിന് നൽകിയത്. ടീമിലേക്ക് തിരിച്ചെത്തിയ ഓസീസ് താരം ഗ്ലെൻ മാക്സ്‍വെൽ ഒരിക്കൽ കൂടി നിരാശപ്പെടുത്തി. പഞ്ചാബിനായി ഇന്നിങ്സ് ഓപ്പൺ ചെയ്ത പ്രിയാൻഷ് ആര്യ 35 പന്തിൽ 8 ഫോറുകളുടെയും 4 സിക്സറുകളുടെയും അകമ്പടിയോടെ 39 റൺസാണ് എടുത്തത്. പ്രഭ്സിമ്രാൻ സിങ് 49 പന്തിൽ 83 റൺസ് നേടി. ആറുവീതം സിക്സറുകളും ഫോറുകളുമായിരുന്നു പ്രഭ്സിമ്രാൻ്റെ ഇന്നിങ്സിൽ ഉൾപ്പെട്ടത്. പഞ്ചാബിൻ്റെ ഹൈ സ്കോററും ഇദ്ദേഹമാണ്. നായകൻ ശ്രേയസ് അയ്യർ 16 പന്തിൽ 25 റൺസ് നേടി പുറത്താകാതെ നിന്നു.
'ധോണി അക്കാര്യത്തെക്കുറിച്ച് ചിന്തിച്ച് തുടങ്ങിയെന്ന് ഉറപ്പുണ്ട്'; ആരാധകർക്കിടയിൽ ചർച്ചയായി ചെന്നൈ മുൻ താരത്തിൻ്റെ വാക്കുകൾ
വീണ്ടും പഞ്ചാബിൻ്റെ പ്ലേയിങ് ഇലവിൽ ഇടംപിടിച്ച ഗ്ലെൻ മാക്സ്‍വെല്ലിന് ഇന്നും തിളങ്ങാനായില്ല. 8 പന്തിൽ ഏഴ് റൺസുമായി വരുൺ ചക്രവർത്തിയ്ക്ക് മുന്നിലാണ് മാക്സ്‍വെൽ വീണത്. കൊൽക്കത്തയ്ക്കായി വൈഭവ് അറോറ നാല് ഓവറിൽ 34 റൺസ് വഴങ്ങി രണ്ട് വിക്കറ്റ് വീഴ്ത്തി. വരുൺ ചക്രവർത്തി നാല് ഓവറിൽ 39 റൺസ് വഴങ്ങിയാണ് ഒരു വിക്കറ്റ് നേടിയത്. മൂന്ന് ഓവർ എറിഞ്ഞ ആന്ദ്രെ റസ്സൽ 27 റൺസ് വഴങ്ങി ഒരുവിക്കറ്റെടുത്തു.

പ്ലേയിങ് ഇലവൻ

പഞ്ചാബ് കിങ്സ് : പ്രിയാൻഷ് ആര്യ, പ്രഭ്‌സിമ്രാൻ സിങ്, ശ്രേയസ് അയ്യർ (ക്യാപ്റ്റൻ), ജോഷ് ഇംഗ്ലിസ് (വിക്കറ്റ് കീപ്പർ), നെഹാൽ വധേര, ശശാങ്ക് സിങ്, ഗ്ലെൻ മാക്‌സ്വെൽ, അസ്മത്തുള്ള ഒമർസായി, മാർക്കോ യാൻസെൻ, അർഷ്ദീപ് സിംഗ്, യുസ്‌വേന്ദ്ര ചാഹൽ
ഇംപാക്ട് സബ്സ് : ഹർപ്രീത് ബ്രാർ, മുഷീർ ഖാൻ, പ്രവീൺ ദുബെ, വിജയ്കുമാർ വൈശാഖ്, സൂര്യൻഷ് ഷെഡ്‌ഗെ
ജഡേജയുടെ ബാറ്റ് മാറ്റണമെന്ന് അമ്പയര്‍; നിരാശയില്‍ ബാറ്റ് നിലത്ത് അടിച്ചു; ഐപിഎല്ലില്‍ വീണ്ടും 'ബാറ്റ് വിവാദം'
കൊൽക്കത്ത നൈറ്റ് റൈഡേഴ്സ് : റഹ്മാനുള്ള ഗുർബാസ് (വിക്കറ്റ് കീപ്പർ), സുനിൽ നരെയ്ൻ, അജിങ്ക്യ രഹാനെ (ക്യാപ്റ്റൻ), വെങ്കടേഷ് അയ്യർ, റിങ്കു സിംഗ്, ആന്ദ്രെ റസൽ, റോവ്മാൻ പവൽ, വൈഭവ് അറോറ, ചേതൻ സക്കറിയ, ഹർഷിത് റാണ, വരുൺ ചക്രവർത്തി
ഇംപാക്ട് സബ്സ് : ആൻറിച്ച് നോർക്കിയ, മനീഷ് പാണ്ഡെ, അംഗ്കൃഷ് രഘുവംഷി, അനുകുൽ റോയ്, ലുവ്നിത്ത് സിസോദിയ.