അതുകൊണ്ടൊക്കെയാണ് ഓസിയ്ക്ക് നേരത്തെ വിവാഹം ചെയ്യണം, കുഞ്ഞ് വേണം എന്നൊക്കെയുള്ള ആഗ്രഹവും തോന്നിയത്. അതുകൊണ്ട് തന്നെ ഓമി ബേബി ജനിച്ചതിന് ശേഷം അവന്റെ എല്ലാ കാര്യങ്ങളും വളരെ നല്ല രീതിയിലാണ് നോക്കുന്നത്. ജിമ്മിലൊക്കെ പോയാലും പല തവണ ഓമിയെ വീഡിയോ കോള് ചെയ്ത് കാണുകയും അവന്റെ കാര്യങ്ങള് തിരക്കുകയും ചെയ്യും.
മക്കളെ നല്ല വിദ്യാഭ്യാസവും ജോലിയുമുള്ള പയ്യന്മാരെ കൊണ്ട് കെട്ടിക്കാന് ആഗ്രഹമില്ലേ; ചോദ്യത്തിന് സിന്ധു കൃഷ്ണയുടെ മറുപടി
ഞാന് വിചാരിച്ചതിനെക്കാള് വളരെ നല്ല രീതിയിലാണ് ഓസി ഓമിയെ നോക്കുന്നതും വളര്ത്തുന്നതുമെല്ലാം. ചില സമയത്ത് ഒറ്റക്കൈ കൊണ്ട് കുഞ്ഞിനെ എടുക്കുന്നതും, അതിനൊപ്പം മറ്റ് കാര്യങ്ങളൊക്കെ ചെയ്യുന്നതും കാണുമ്പോള് ഞാന് നോക്കി നില്ക്കാറുണ്ട്. നാല് മക്കളെ പ്രസവിച്ച് നോക്കിയതിന് ശേഷം എനിക്ക് ഇത്തരം കാര്യങ്ങളില് വഴക്കമുണ്ട്, അത്തരം കാര്യങ്ങള് ഓസി ചെയ്യുമ്പോള് എനിക്ക് കൗതുകമായിരുന്നു. ഒരു അമ്മാവുമ്പോള് ഇതൊക്കെ വളരെ സാധാരണമായി സംഭവിക്കുന്നതാവാം
അത് പോലെ തന്നെ കുഞ്ഞ് എത്ര പ്രാവശ്യം മുലപ്പാല് ആവശ്യപ്പെട്ടാലും ഓസി ഒരു തരത്തിലുള്ള അസൗകര്യവും പ്രകടിപ്പിക്കാറില്ല. എപ്പോള് വേണമെങ്കിലും കുഞ്ഞിന് പാല് കൊടുക്കാന് തയ്യാറാണ്. നല്ലൊരു അമ്മയാണ് ഓസി എന്നെനിക്ക് തോന്നിയിട്ടുണ്ട്. അക്കാര്യത്തില് ഞാന് വളരെ അധികം ഹാപ്പിയുമാണ്- സിന്ധു കൃഷ്ണ പറഞ്ഞു.
മറ്റ് മൂന്ന് മക്കളും മുടി നീട്ടി വളര്ത്തുമ്പോള് ഓസി മാത്രമെന്താണ് ഷോര്ട്ട് ഹെയര് ആക്കുന്നത് എന്നായിരുന്നു, ഓസിയെ സംബന്ധിച്ച് സിന്ധു കൃഷ്ണയോട് ചോദിച്ച മറ്റൊരു ചോദ്യം. എന്നോട് ചോദിച്ചിട്ടവ്വ ഓസി മുടി മുറിക്കുന്നത്. ചെറുപ്പത്തില് മറ്റു മൂന്ന് പേരെയും പോലെ ഓസിക്കും നീളമുള്ള മുടിയുണ്ടായിരുന്നു. പക്ഷേ ഓസിക്ക് എപ്പോഴും പരീക്ഷണങ്ങള് നടത്താനും ലുക്ക് മാറ്റാനും ഇഷ്ടമാണ്. അത് അവള്ക്ക് ഇണങ്ങുകയും ചെയ്യുന്നുണ്ട്. എനിക്ക് വ്യക്തിപരമായി ലോങ് ഹെയര് ആണ് ഇഷ്ടമെങ്കിലും, അത് ഓസിയുടെ കംഫര്ട്ടും താത്പര്യവുമാണ് എന്നാണ് സിന്ധു കൃഷ്ണ നല്കിയ മറുപടി




English (US) ·