കനവിൽ ഞാൻ അദ്ദേഹത്തിനൊപ്പം ജീവിച്ചുകൊണ്ടിരിയ്ക്കുകയാണ്; ചിമ്പുവിനെ എത്രത്തോളം ഇഷ്ടപ്പെടുന്നു എന്ന് വീണ്ടും ചാന്ദ്ന

Authored by: അശ്വിനി പി|Samayam Malayalam•20 Oct 2025, 5:06 pm

42 വയസ്സായിട്ടും ചിമ്പു എന്തുകൊണ്ട് വിവാഹം ചെയ്യുന്നില്ല എന്നത് ആരാധകരുടെ അന്താരാഷ്ട്ര പ്രശ്നങ്ങളിലൊന്നാണ്. ഏറ്റവുമൊടുവിൽ വിശാലും വിവാഹിതനാകാൻ പോകുന്നു എന്ന വാർത്ത വന്നതോടെ ചിമ്പുവിന്റെ വിവാഹക്കാര്യം വീണ്ടു ചർച്ചയായിരുന്നു. ഈ സാഹചര്യത്തിലാണ് മിനിസ്ക്രീൻ താരമായ ചാന്ദ്നി പ്രകാശ് ചിമ്പുവിനെ വിവാഹം കഴിക്കാൻ ആഗ്രഹിക്കുന്നതായി പറഞ്ഞത്

ചിമ്പുവിന്റെ അച്ഛൻ ടിആർ രാജേന്ദ്രൻ വിധികർത്താവായി എത്തിയ ഷോയിൽ ആയിരുന്നു ചാന്ദ്നി പ്രകാശ് അക്കാര്യം പറഞ്ഞത്. മകന്റെ വിവാഹത്തെ കുറിച്ച് ടെലിവിഷൻ ഷോയിൽ ഒരു പെൺകുട്ടി സംസാരിച്ചതും ടിആർ രാജേന്ദ്രൻ ഇമോഷണലായി. എന്റെ മകനെ സ്നേഹിക്കുന്ന ഒറു പെൺകുട്ടി തീർച്ചയായും അവന്റെ ജീവിതത്തിലേക്ക് വരും, അത് മാത്രമാണ് അവന്റെ അമ്മയുടെയും എന്റെയും പ്രാർത്ഥന എന്നും അദ്ദേഹം പറഞ്ഞിരുന്നു.

Also Read: ഏതൊരു അച്ഛനാണെങ്കിലും തല്ലിപ്പോവും, അതാണ് ധ്രുവ് ചെയ്തത്! വിക്രം മകനെ തല്ലാനുണ്ടായ സാഹചര്യം?

ഇപ്പോഴിതാ ചാന്ദ്നി വീണ്ടും ചിമ്പുവിനെ കുറിച്ച് ഒരു അഭിമുഖത്തിൽ സംസാരിച്ചിരിയ്ക്കുന്നു. എന്റെ മനസ്സിൽ ഞാൻ ഇപ്പോഴും ചിമ്പുവിനൊപ്പം ദാമ്പത്യ ജീവിതം നയിക്കുകയാണെന്നാണ് ചാന്ദ്നി പറഞ്ഞിരിയ്ക്കുന്നത്. എസ് ടി ആറിനെ പ്രപ്പോസ് ചെയ്യാനായി അഭിമുഖത്തിനിടയിൽ പറഞ്ഞപ്പോൾ, എനിക്ക് നാണം വരുന്നു എന്ന് പറഞ്ഞ് ബ്ലഷ് ചെയ്യുകയായിരുന്നു താരം

ഞാൻ എസ് ടി ആറിന്റെ (ചിമ്പു) കടുത്ത ആരാധികയാണ്. ഐ ലവ് യു എന്ന് അദ്ദേഹത്തോട് പറയാനുള്ള ഒരു സാഹചര്യം എനിക്കുണ്ടായിരുന്നു. തഗ്ഗ് ലൈഫിന്റെ പ്രമോഷൻ സമയത്ത്, ഒരു ഇൻഫ്ളുവൻസേഴ്സ് മീറ്റ് വച്ചിരുന്നു. അന്ന് എല്ലാവരും ചിമ്പുവിന്റെ പേര് പറഞ്ഞ് ഉറക്കെ ആർത്തു വിളിച്ചു. എല്ലാവരും ചിമ്പുവിന്റെ പേര് പറഞ്ഞ് കഴിഞ്ഞതിന് ശേഷം, ഞാൻ ഐ ലവ് യു ചിമ്പൂ എന്ന് പറഞ്ഞു. അദ്ദേഹം തിരിച്ചും ഐ ലവ് യു എന്ന് പറഞ്ഞിട്ട് കൈ കൊണ്ട് ഹാർട്ട് ഇമോജി കാണിച്ചു, അവിടെ തന്നെ ഞാൻ ഫ്ളാറ്റായി.

Also Read: ഒരു കോമഡി സീൻ ചെയ്തു കൊണ്ടിരിക്കുമ്പോഴാണ് അമ്മ മരിച്ചു എന്ന വാർത്ത വന്നത്; രാധികയെ കുറിച്ച് മമിത ബൈജു
ചിമ്പു സർ എന്നോടൊപ്പം ജീവിക്കണം എന്നില്ല, കനവിൽ ഞാൻ അദ്ദേഹത്തിനൊപ്പം ജീവിച്ചുകൊണ്ടിരിക്കുകയാണ്. എനിക്കതു മതി, അതിൽ കൂടുതൽ ഒന്നും ഞാൻ ആഗ്രഹിക്കുന്നില്ല- ചാന്ദ്നി പ്രകാശ് പറഞ്ഞു