കറണ്ട് പോയതുകൊണ്ടു മാത്രം നടക്കാതെ പോയ രജിനികാന്ത് - ശ്രീദേവി വിവാഹം! രജനികാന്തിന് വേണ്ടി ശ്രീദേവി വ്രതമിരുന്നത് എന്തിനായിരുന്നു?

Authored byഅശ്വിനി പി | Samayam Malayalam | Updated: 7 Apr 2025, 4:43 pm

Samayam Malayalamശ്രീദേവി- രജിനികാന്ത് ബന്ധം

ചില സിനിമാക്കഥകളെക്കാള്‍ വിചിത്രമാണ് പല സെലിബ്രേറ്റികളുടെയും ജീവിതം. പണ്ട് സോഷ്യല്‍ മീഡിയ ഇല്ലാത്തതുകൊണ്ട് മാത്രം അത്ര വലിയ ചര്‍ച്ചയാകാതെ പോയ പല ബന്ധങ്ങളുമുണ്ട്. അതിലൊന്നായിരുന്നു ശ്രീദേവിയുടെയും രജനികാന്തിന്റെയും!

ശ്രീദേവിയും രജനികാന്തും ഒന്നിച്ച് ഒരുപാട് സിനിമകള്‍ ചെയ്തിട്ടുണ്ട്. തമിഴില്‍ മാത്രമല്ല, ഹിന്ദിയിലും. അതിലൂടെ ഇരുവര്‍ക്കുമിടയില്‍ നല്ല ഒരു സൗഹൃദവും ഉണ്ടായിരുന്നു. ശ്രീദേവിയുടെ അമ്മയും രജനികാന്തിനെ സ്വന്തം മകനെ പോലെയാണ് കണ്ടിരുന്നത്. ഒരു ഘട്ടത്തില്‍സ രജിനികാന്ത് ശ്രീദേവിയെ വിവാഹം ചെയ്യാന്‍ ആഗ്രഹിച്ചതായും നേരത്തെ ഒരു അഭിമുഖത്തില്‍ സംവിധായകന്‍ ബാലു സുബ്രഹ്‌മണ്യം പറഞ്ഞിട്ടുണ്ട്.

രജനികാന്തിനെക്കാള്‍ 13 വയസ്സ് ഇളയതാണ് ശ്രീദേവി. സൗഹൃദത്തിനപ്പുറം ശ്രീദേവിയോട് ഒരു ഇഷ്ടം തോന്നുകയും, വിവാഹാഭ്യര്‍ത്ഥന നടത്താനായി രജിനികാന്ത് ശ്രീദേവിയുടെ വീട്ടിലേക്ക് പോകുകയും ചെയ്തിരുന്നുവത്രെ. എന്നാല്‍ രജനികാന്ത് വീട്ടില്‍ കയറിയരും കറണ്ട് പോയി. അതൊരു ദുശ്ശുകനമായി അനുഭവപ്പെട്ട രജിനികാന്ത ഇഷ്ടം പറയാതെ അവിടെ നിന്നും മടങ്ങി. അതിന് ശേഷവും ശ്രീദേവിയോടുള്ള സൗഹൃദത്തില്‍ ഒരു മാറ്റവും വന്നിരുന്നില്ല. അതിന് ശേഷം 1981 ല്‍ ആണ് രജിനികാന്ത് ലതയെ വിവാഹം ചെയ്തത്. ശ്രീദേവി ബോണി കപൂറിനെയും വിവാഹം ചെയ്തു.

Also Read: ഒന്നാം വയസ്സില്‍ തല മുണ്ഡനം ചെയ്തത് ഇവിടെ വച്ചാണ്; സംയുക്ത പൂര്‍ണമായും ആത്മീയതയിലേക്ക് പോകുകയാണോ?

വിവാഹത്തിന് ശേഷവും രജിനികാന്തിനും ശ്രീദേവിയ്ക്കുമിടയില്‍ ആരോഗ്യകരമായ സൗഹൃദം ഉണ്ടായിരുന്നു. സൗഹൃദത്തിനപ്പുറം കെയറിങ് ആയിരുന്നു. 2011 ല്‍ രജിനികാന്തി ചില ആരോഗ്യ പ്രശ്‌നങ്ങളുണ്ടായി. ആദ്യം ചെന്നൈയിലെ സ്വകാര്യ ആശുപത്രിയില്‍ വച്ചു, പിന്നീട് സിങ്കപ്പൂരിലെ സ്വകാര്യ ആശുപത്രിയിലും ചികിത്സിക്കുകയും രോഗം മാറുകയും ചെയ്തു. രജിനികാന്ത് വയ്യാതിരിക്കുന്ന അവസ്ഥയില്‍ ആരാധകരും സിനിമ ഇന്റസ്ട്രിയിലെ അടുത്ത സുഹൃത്തുക്കളും രജിനികാന്തിന് വേണ്ടി പ്രാര്‍ത്ഥിക്കുകയും വഴിപാടുകള്‍ നടത്തുകയും ചെയ്തിരുന്നു. എന്നാല്‍ ശ്രീദേവി രജിനികാന്ത് പൂര്‍ണ ആരോഗ്യവാനായി തിരിച്ചെത്താന്‍ ഒരാഴ്ച നിരാഹാര വ്രതം നോല്‍ക്കുകയും, ഒരാഴ്ചയ്ക്ക് ശേഷം പൂനിയിലെ സായിബാബ ക്ഷേത്രത്തില്‍ പോയി പൂജ നടത്തുകയും ചെയ്തിരുന്നു എന്നാണ് റിപ്പോര്‍ട്ടുകള്‍.

2018 ല്‍ തന്റെ അന്‍പത്തിനാലാം വയസ്സിലാണ് ശ്രീദേവി ഹൃദയാഘാതത്തെ തുടര്‍ന്ന് മരണപ്പെട്ടത്. മരണ വിവരം അറിഞ്ഞപ്പോള്‍ തന്നെ രജിനികാന്ത് തന്റെ വേദന പങ്കുവച്ച് സോഷ്യല്‍ മീഡിയയില്‍ എത്തുകയും, അവസാനമായി ശ്രീദേവിയെ ഒരു നോക്ക് കാണാന്‍ മുംബൈയിലേക്ക് പറന്നെത്തുകയും ചെയ്തിരുന്നു. മരണത്തിനപ്പുറവും നീളുന്ന സൗഹൃദമായിരുന്നു ഇരുവരുടെയും.